خبيرات دبي

[الحربية ام زيد]

بسافر دبي 4 ايام وبغيت احلا الفنادق والاماكن السياحية هناك اول مرة اروح دبي ومابي اتوهق فقلت انشالله تساعدوني بالنسبة لسكن والاماكن المميزة وشكرا :eh_s(7):

 

[أم العيش]

هلا أم زيد :eh_s(7):

ما حبيت أطلع بدون رد

آنا مع أهلي متعودين نحجز ب سيتي سنتر ديرة ( جربنا الشقق و جربنا الفندق)

و جربنا مرة جباله فندق نوفوتيل حلو - و يمه بعد جربنا سيتي سيزونز الشقق الفندقية

بس احلى شي عندنا سيتي سنتر نفسه

و الأماكن ما شاءالله واااااااااااايد افتري بالمنتدى بتلقين

بس بالنسبة لي - افضل التفرفر بسيتي سنتر

عندج دبي مول - امارات مول

و السوق الصيني غرااامي

و القرية العالمية حبيبتي

و فيه سوق بدواعيس منطقة ديرة اسمه القبائل

جربوه - أهو جمعية و أهو تسوق حق الهدايا و الصوايغ ينفع..

بس عيبه ماتلقون تكاسي عنده !!! :eh_s(4):

و بس :eh_s(7):​

 

[الحربية ام زيد]

شكرا ام العيش

 

[مسكـ الامارات]

بخصوص السكن منطقة البرشاء فيها شقق فندقيه مناسبه

وعن الاماكن الحلوه :

دبي مول - ابن بطوطه - الامارات مول - تايمز سكوير ( الكوفي الثلجي فقط مافيه شي مميز غيره) - مردف سيتي سنتر- الفيستيفال سيتي - وافي سيتي - برجمان ( الباص العجيب ) - ممكن تجربين العشا على السفينه في قرية البوم السياحيه لازم حجز مسبق - السوق الصيني - الاسواق الشعبيه مثل : نايف - الكرامه - مرشد و إذا زيارتج لدبي بتكون بعد تاريخ 21-10 -2012 راح تكون القريه العالميه مفتوحه لاتفوتينها تفتح من 4 العصر لين 12 وفي الاجازات إلى 1

وأي استفسار ثاني انا حاضره

 

[نياره]

فندق الجوهره حلو واسلامي مافيه ديسكو ولا خرابيط