خبيرات دبي ظبطوني

[(أم نونو)]

السلام عليكم

:eh_s(7):

انا رحت لدبي تقريبا من 7 سنين يعني ناسيه كل شي

وزوجي ما عمرة رح لدبي وانا اللي برتب الروح

وابيكم تظبطولي برنامج سياحي كامل

اللي رايحين انا وزوجي وبنتي عمرها 3 سنين

بنقعد 4 ليالي 5 ايام

بنوصل العصر ويوم الرجعه ان شالله بالليل


وبكتب اسامي المجمعات اللي ابي اروحلها

الامارات مول - دبي مول - سوق مرشد - سوق نايف - سوق المنال - ابن بطوطه - السوق الصيني - ستي سنتر المردف - الكرامه - حمر عين - برجمان

( ابو هيل - الاوت لوت ) هذوله المجمعين تنصحوني اروحلهم ولا لأ

:yaaaaaarb:
والله يوفق اللي بتساعدني دنيا واخرة يارب

​

 

[لبى عيونه]

​

الامارات مول
حلو ولازم تروحين له فيه مدينة الثلج- دبي مول
حلو وفيه الاكواريوم - سوق مرشد -
ان شاء الله بسفرتي هذه بروحله سوق نايف تبين الصراحه ماعجبني حييل واتوقع المرشد يكفي عنه - سوق المنال - ابن بطوطهحلو حييل لازم تمرونه - السوق الصيني صرااحه رحتله مرتين كللش ماعجبني - ستي سنتر المردفللأسف مارحتلهوالكرامه بعد - حمر عينحليوو لاتروحين له - برجمان​

( ابو هيل - الاوت لوت ) هذوله المجمعين تنصحوني اروحلهم ولا لأ
والله كللش مارحت لهم​

ليش ماتروحين البوم تعشين فيها
والممشى حلووه القعده فيه
ومدينة جميرا يمدحونهاا​

 

[(أم نونو)]

لبى عيونه


مشكورة وماقصرتي

 

[نوره95]

ولاعمري رحت لدبي

عمتي ماشاء الله كل شهرين وهي هناك

تروحين وتردين بالسلامة

 

[(أم نونو)]

ولاعمري رحت لدبي

عمتي ماشاء الله كل شهرين وهي هناك

تروحين وتردين بالسلامة

الله يسلمج ياقلبي

 

[رحيق uae]

حمر عين لا تروحينه

مردف سيتي سنتر لا تفوتينه

دبي مول والامارات مول وابن بطوطه وبرجمااان ضروري تروحينهم

انتي ركزتي على المولاات .. عندج اتلانتس اكثر من روعه اكواريوم وحديقه العاب مائيه روعه

في اماكن ثانيه بس الحين حر ما بتستانسين
في بوظبي اماكن روعه مثل حلبه ياس وعالم فراري رووووووعه


وحيالله من لفانا

 

[كويتيه وافتخر]

اوت ليت يطق باللوعه لاتروحين له

مجرد ستوكات لملابس ماركات رياضيه معينه اديداس وبوما واحذيه كروس
وفيه محل بربيرز

بس كله الموديلات القديمه وسوق كئيب جدا



الصيني اذا تحبين الاكسسوارات راح يعجبك مترووووووووس
وعنده تقليد الماركات كلها بجميع درجات التقليد

 

[ام ميرة 2005]

اذا تبين عبي وشيل انصحج تروحين بو هيل
وطبعا الامارات مول ودبي مول وبن بطوطه ومردف ستي سنتر لازم تروحين لهم

 

[بحب الحياة]

بالنسبة لي هذي اهم الاشياء الي تروحين لها بدبي :

دبي مول و يبغى له يوم لحاله : سوووووق مـره كبير و احلى شئ فيه انه مقسم بقاعات قاعة الماركات كلها بجنب بعض و قاعة الاثاث برضو كلها بجنب بعض و قاعة الذهب و قاعة الملابس السبور يعني شوفي اهتمامتك و روحي لقسم الي تبينه , فيه كدزانيا عبارة عن مدينة مصغرة مـــــره حلوة للاطفال يقدر الطفل فيها يكون شرطي و مسعف و مضيف طيارة و اشياء كثيرة يعني يجلسون بالساعات فيها و ما يحسون بشئ بس عمر بنتك شوي صغير بس اذا هي تحب اللعب بالاشياء راح تنبسط كثير , فيها عروض النافورة الراقصة مــره حلوة عندها كفيات و مطاعم و الجلسة عليها حلووووة مررره بس وقتك حـــر و فيه اكواريوم جو المول و فيه محل كاندي مقابل للاكواريوم مره حلو و لازم تروحين له خصوصا معك طفل


الامارات مول : محلاته حلوة و فيه الثلج مــره حلو للاطفال و فيه مطاعم مطله عالثلج منها كرم بيروت و كوستا كوفي .


منطقة الجميرا : حلو تروحين لها و تتمشين بين الفنادق و تتغدين او تتعشين بمطعم ايراني بالسوق الشعبي فيه او فيه بوفيه بالقصر تدخلين الاوتيلات فيها و لايفوتك القارب عند فندق القصر حاولي تركبينه بأي طريقة لان هو مخصص للسكان بس بخششي العامل يمكن يوافق لك و فيه الواد وادي منطقة العاب مائية حلووووة



فندق اتلانتس : لاززززم تتغدين او تتعشين فيه مطعم بوفيه انترناشيونال مره حلو و الفندق نفسه متحف و فيه اكواريوم حلو


الممشى GBR جميرا بيتش رزدنتس : كله مطاعم كثيررررررررة و كوفيات (تجمع الناس بالليل) .


المارينا : بعد مطاعم و كوفيات.





احسك ركزتي على مولات قديمة و راحت حلاتها مع المولات الجديدة الي غطت عليها خصوصا انك ما راح تطولين بسفرتك و انصحك اول يوم لوصولك خليه للامارات مول تفرجوا على المول و تروحوا الثلج و تعشوا و ثاني يوم خلوه لدبي مول ثالث يوم بالعصر على المغرب بالجميرا تغدوا و بالليل روحوا للمارينا و ثالث يوم روحوا لاتلانتس غداء متأخرو الممشى جميرا بيتش رزدنتس و رابع يوم خليه مفتوح للمولات الي تبغينها

بس دبـــي بالصيـــــف حـــــــــــــــــــــــــــــــرام الخسارة فيها لان حاررررررررررررررررة ودي اجلس في بيتي بالصيف و اخلي روحت دبي بالحج والله احلى بكثيررررررررررررررررررررررر اشياء كثيرة بدبي حلاتها بالجلسة الخارجية مثل الجميرا و اتلانتس حلاتها بالنهار (هذي وجهة نظري ياليت تتقبلينها):eh_s(7):