خبيرات دبي .. ساعدوني عالمصروف

[رزنامة حلوة]

بنات شلونكم :

انا بروح دبي لمدة ثلاث أيام .. التذكره + فندق مدفوعين خلاص
وانا بروح مع زوجي وعيالي 2
هقوتكم جم المصروف أحتاج حق هالثلاثه أيام ؟؟

يالييت لو تفيدوني

 

[ام _خلودي]

والله حبيبتي يعتمد عليكم يعني انا وريلي وعيالي اثنين رحنا ٤ ايام صرفنا ٢٥٠٠ بس ها احنا لعبنا لعب وطبعا مع السوق عموم اهو مصرفهم نفس مصرف الكويت وانت تقدرين تتحكمين بميزانتيج

 

[رزنامة حلوة]

مشكورة وناطره البنات ورايهم

 

[جروح ودموع]

على حسب مشترياتكم تقدرين تتحكمين بالميزانيه انا وزوجي وولدي في ثلاث ايام صرفنا 500 دينار ومن غير التذاكر والفندق طبعا و اغلب سفراتنا لدبي كنا نقعد عشر ايام كنا نصرف الف دينار هم من غير التذاكر والفندق بس نستلنس عددل مطاعم راقيه وترفيه وسياحه والسوق كنا نتسوق بالمعقول لان كل شي موجود بالكويت واكثر مشترياتي عطور عربيه وبخور ومعمول وعبي وملافع

 

[freakiya]

انا رحت انا و ريلي 3 ايام صرفت 600
انتي و طبيعتج تشترين وايد ولا شنو؟
بس انا اقولج ترا التاكسي يكلف
انا بروح مره ثانيه بس بسياره بقعد اسبوع و بحاول اخذ 1000 لان هناك صج ما امسك نفسي

 

[om MaRyooM]

على حسب المشتروات

اذا بس وناسة ومطاعم وفرارة يكفيكم اتوقع 300-400

اذا تبون تسوق ومشتروات وصوغات اكيد يبيلكم 600 واكثر

 

[جلكسيه اس 3]

انا بروح و ما معاي الا سبعميه تقريبا
ما وندرا اتكفي ولالا بنات يوم السبت يمكن يحطون اعروض

 

[شيوخه @]

حبيبتي اذا انتي فاهمه ماتشترين من هناك الا الشي الي متميزه دبي فيه لان مشالله كويتنا احلا سوقه ومحلات وماركات فيها فا كوني مثلي وستانسي ونسي عيالج بالالعاب و مدينة الثلج وهالسوالف والاكواريوم لا يطوفج مجمع دبي مول والسوق الصيني في اشيا مميزه فيه وعلى جذي يكفيج انتي وعيالج انشالله تقريباً ٥٠٠ او ٦٠٠ دينار بس مصروف طبعاً وبس وانشالله اكون فدتج

اي صح لا تنسين روحوا النافوره الراقصه رووووعه العيال راح يحبونها *

 

[..~Goolz]

اب اب

 

[نياره]

انا وزوجي صرفنا ٧٠٠اكل وشرب وتكاسي وشوية صوايغ

 

[جلكسيه اس 3]

اشرايج باللي بتروح باربعميه و ستين دينار
طبعا نقصي منهم فلوس التذكره
لووووول

 

[ملك14]

على حسب طبيعتج واذا انتي مسافره سياحه من غير تسوق ماراح تصرفين وايد انا وريلي كلفتنا السفره لمده ليلتين 320 بالتذاكر والسكن والمواصلات والاكل والحمدلله رجعنا وحن مومخلين بخاطرنا شي بس ترى بدون تسوق

 

[ليدي دبي]

يمكن تحتاجين 390 دينار للمصروف مع السوق

 

[ابله نعومه]

شمعنا 390 لووووول ليش مو 400
ضكتوني

حبيبتي الي تقول 2500 شالتعفنق ب 3 ايام

ياحبيبتي 500 تكفيج وزيااااااااااااااااااااااده بعد انا اخذ 500 حق اربع اشخاص كبار لمدة اسبوع تكفيني وتزيد بعد وماخلي شي بخاطري لان كل شي بالمعقول ومصرفج بيكون نفس الكويت

مو لازم تشترين ماركات الحمدالله الكويت متروسه اخذي عطور وبخور وهالشي ماراح يكلفج 100 دينار لان عطورهم رخيصه خاصه يم مجمع عكاظ بديره اخذي منه شيال من بابو وكومار رخيصه مايتعدون ثلاث دنانير على الشيله الحين صرفنا 100
اليهال وناستهم ماراح تكلف 100 دينار مثلا مدينة الثلج التذكره 180درهم على ما اتذكر يعني 16 تقريبا ووديهم الاكواريوم بدبي مول بعد هم ماراح يكلف تقريبا 16

مصرف التكاسي ماراح يتعدى 60 الى 80 دينار
100 مطاعم وراح تزيد
و100 حق اغراض وخرابيط اليهال

التكاسي مو غاليه لحد يقص عليج انتي سكني بديره بفندق رخيص مو اله خمس نجوم حجزي من موقع بوكينج او موقع الفندق الليله في تبدا من 9 دنانير واختاري منطقة ديره لانها قريبه من كل شي والفندق بس لنوم وانتي كلها 3 ايام يعني بتطلعون وبس بتيون وقت النوم

ترى انتي الي تحددين مصروفج مالج شغل بغيرج المهم الترتيب

 

[أم متعب]

ابله نعومه كفت ووفت

جزاج الله خير

 

[أمواج البحر]

بالضبط مثل ماقالت ابله نعومه

انتي اللي تحددين مصرفج

التسوق اشتري المميز

غير جذي كل شي موجود بالكويت

صرفي على وناستج و وناسة عيالج

الاكل والمطاعم هناك نفس اسعار الكويت

فهالشي بالنهايه يعتمد عليج

 

[أم الحلوة جمان]

حبيبتي انتي اللي تحددين شنو مصرفج . وكل وحدة تختلف عن الثانية من حيث المبدأ ..
فيه بنات او حريم يحبون دبي عشان المشتري ..و فيه ناس تفضل الماركات حتي لو كانت موجودة في الكويت الماركة و ساعات دبي يكون كولكشنها اجدد من الكويت و كل واحد حر كيفه مو سالفة تعنفق في سالفة مبدأ .. و فيه ناس تدور الشي الرخيص .. هم كيفها ..
فانتي شوفي شاللي تبينه مو غيرج يحدد لج ..
انتي تبين ماركات اكيد بتحطين ببالج تاخذين مبلغ راهي.. ما تبين بس تمشي و مطاعم مايكلفج .. تبين رخيص واسواقهم الشعبيه هم مايكلفج وايد ..