خبيرات دبي تجهيز عروس وشقق فندقيه

[ElRaZaH]

مرحبا


شنو اقتراحاتكم لتجهيز من دبي غير العبي باخذهم من ابو الهيل وين بعد في عبي؟
وابي الجنط. بعد شنو اخذ من هناك وموعندنا شنو الماركات اللي عندهم وماعندنا ؟


ابي شقق فندقيه حلوه ومرتبه وتكون قريبه من كل شي مكانها حلو واسعارها زينه



ناطرتكم بليز هلب :yaaaaaarb:

 

[ElRaZaH]

وبعد شنو احسن تاكسي ولا سايق وسيارته ؟


اذا عندكم سايق زين

 

[M!SS.LOBY]

ان شاءالله البنات يفيدونج

 

[ElRaZaH]

مشكوره


بنات وينكم !!!!

 

[Huda.A]

شوفي الغاليه إنتي تبين تتزهبين لعرسج فأقترح تروحين مودا أوتليت في مركز شاطئ جميرا
يبيعون ماركات و رخييص واايد هو نفس محل يعني و تحصلين عندهم لابتانات

العبي أنا عن نفسي ماأحب عبي بوهيل واايد عاديات روحي سلوجي في نادي سيدات دبي
عبيهااا روعههه و وااايد راقيات يعني شي فخم و مو دفش تشتغل على القماش و قماشها ماتلاقينه في كل مكان

ودبي موول متروس محلات ماركات ، و شي ماريوت للشقق الفندقيه صديقتي اللبنانيه كانت ساكنه فيه فتره تمدحه

و إنجوي حبيبي

 

[ElRaZaH]

مشكوره هدى بس مودت اوتليت قريب من شنو يعني بس اقول اسمه لتاكسي يعرف ؟
اهو مجمع ولا محل واحد ويم شنو من المجمعات عشان اروح مع بعض

 

[M!SS.LOBY]

يمدحون دبي الذهب عندهم نقشات غيرر
وكذلك الدراريع حلووه وغريبه حيييل
عندهم البخور والعطورر عجيب

 

[Alrem_q8]

العبي صراحه مااعرف عنهم شي والاوت ليت مارحت له بس اذكر مره كنا بالتكسي رايحين للامارات مول وابوي عاد يسولف معاه ويسأله عن المجمعات الرخيصه قال ان الامارات مول ارخص من الستي سنتر ودبي مول
وقال روحو الاوت ليت كل الناس تروحله ورخيص بس مارحنا له يعني اكيد كل التكاسي يعرفونه قولي ودنا للاوت ليت وبيوديج
ومااوصيج روحي لسوق التنين او مثل مايسمونه البعض السوق الصيني عنده اكسسوارات وشغلات حلوه بأسعار مقبوله
وبالنسبه للشقق الفندقيه انا جربت فلورا كريك و بولمان ستي سنتر
فلورا كريك عجججججيب شقق فندقيه حلوه وفيها افطار وريوقهم عجيب كنا ماخذين شقه غرفه وصاله وحمامين ومطبخ الليله ب ٤٨ دينار مع الافطار شهر خمسه ٢٠١١ )) هالفندق قريب من الستي سنتر


وشقق بولمان ستي سنتر كنا ماخذين غرفتين وصاله وحمامين ومطبخ الليله ب ٨٠ بموسم السفر شهر تسعه
٢٠١٢ وهالشقق حححلوه وراقيه والمميز فيها انها عند مجمع الستي سنتر)) مافيها مطعم يعني ماكو ريوق واللوبي حده صغير وبسيط لكن الشقه راقيه وححلوه
ولما تنزلين تحت في مخرج داخلي يعني تطلعين منه ويكون بينج وبين مجمع الستي سنتر مصافط سيارات
وبالمجمع نفسه في مكان حق التكاسي




وبقول لج شغله مرت رفيج ابوي راحت دبي وشرت من دبي مول جنطه بستين دينار ! سعرها تقدرين تقولين زين
بعد شهر طبعا رجعت الكويت وكانت لابسه هالجنطه وراحت الافنيوز ولقتها ب ٢٠ دينار ،!؟
لقتها بالافنيوز مو بأي سوق عادي
يعني مادري شقولج دبي مول اسعار اجار المحلات ححححيل مرتفع فأهم يرفعون اسعار البضاعه بشكل مبالغ فيه يعني لا تاخذين الا الي صج صج يسوا من هالمجمع بالذات
وان شاءالله تروحون وتردون بالسلامه