خبيرات بجزر ماليزيا وطريقة التنقل يتفضلون......

[مشتطة وبس]

السلام عليكم...........حبيباتي انا انشالله ناوية اروح ماليزيا بس اناكنت رايحة لها بس كوالالمبور....


اللي ابي اني بروح جنتنغ وبيننغ ولنكاوي وطبعا كوالالمبور وسن واي لاقون........شنو تنصحوني شلون التنقل؟؟؟يعني شلون اروح تاكسي او طيارة؟؟؟؟وشلون كل مرة اشقل اغراضي اشكثرها؟؟؟؟؟؟؟؟؟؟

وبعدين تنصحوني انا انسق الرحلة او السفريات العروض اللي يحطونها؟؟؟؟؟؟؟؟؟ واتمنى مساعدتكم

 

[@ دهن العود @]

احنا نسقنا مع سفريات بماليزيا

رحنا صن واى لاقون يوميين عقب رحنا لنكاوى لمدة يوميين عن طريق طيران اير اسيا

عقب رحنا بيننج لمدة 3 ايام عن طريق طيران القيرفلاى

عقب رحنا كوالمبور لمدة 6 ايام عن طريق الباص vip

 

[وردة نقية]

هلا حبوبة احنا اول مانزلنا المطار رحنا على طول لصن وي لاقون بفندق البيرايميد وسكنا فيه يومين ومن الفندق حجزنا على اير اسيا لجزيرة لنكاوي وقعدنا يومين ومنها طرنا لكوالالمبور وقعدنا فيها 8ايام.
الله على ماليزيا وايامها وخصوصا الصن وي لاقون ولنكاوي سحر.

 

[أم حسون]

شوفي انا رحت اول يومين سنواي لاقون ومنها رحت المطار وركبت الطياره يعني طيران داخلي لي بينانج قعدت 3 ايام وبعدين بالطياره رديت كوالالمبور قعدت فيها 5 ايام ويوم واحد من الصبح لي المغرب قعدت في جنتنغ

 

[مشتطة وبس]

مشكورين ع الردود............بس ابي تفاصيل اكثر.........انزين شتنصحوني؟؟؟؟؟احجز عن طريق العروض او انسق بروحي....

 

[إستبرق]

حبيبتي انا توني اول شهر 11 رديت من ماليزيا
سفرتنا كانت اول شي يومين بالاحصنه الذهبيه الي هي منطقه الماينز قريبه عند صن واي وبعدين بطيران اير اسيا حجزته من النت حق لنكاوي لمده 3 ايام وتحسفت لو مخليتها 4 ايام احسن وبعدين على طيران الفير فلاي وهم حجزته من النت رحنا لبننق لمده 3 ايام ومن بننق على طيران اير اسيا حتى من النت حق كوالالمبور 5 ايام ويوم رحنا لجنتنق مع تكسي من الصبح وردينا بليل وانا اقولج احسن شي انتي نظمي رحلتج وحجزي الفنادق والتذاكر من النت احسن لج والله وحتى طيران اير اسيا احنا حجزنا الاكسبرس عشان تدخلين انتي اول شي للطياره وحتى التذاكر رخاص تلقين عروض على طول انا وزوجي وخدمه اكسبرس التذكره ب15 دينار من كوالا حق لنكاوي و15 دينار من بننق حق كوالا والفير فلاي نفس الطقه بعد والله يكتب لج الي فيه الخير يارب

 

[أنفاسي دخون]

وعليكم السلام ورحمه الله وبركاته

شوفي حبيبتي الرحله كلها حنا اللي خططنا لها بس السفريات اكدوا الحجوزات وكانت كالتالي << ابوووك يالفصحى :dddds:


صن واي لاقون << يومين

جنتنج << يومين ورحنا لها بالتاكسي

بيننغ << ثلاث ايام بطيران اير آسيا

كوالالمبور << ست ايام بطيران اير آسيا

وكانت سفرتنا على الخطوط القطريه ترانزيت ساعه الدوحه وتقييمي لها 10 /10

ورحله موفقه واوقات سعيده ان شاء الله