خبيرات اوربا بليزز تعالوو

[شوق عينك]

السلام عليكم

خواتي انا سفرتي 5/9 انشالله ل مطار زيورخ سويسرا مده الرحله 9 ايام
كنت مخططه رحلتي يوم زيورخ 4 انترلاكن 3 سترازبورغ الفرنسيه ويوم زيورخ للعوده
بس خربت تخطيطاتي لان يقولون انه يجرم النقاب في سترازبوغ عشان كذا كنسلت سترازبوغ
اقتراحاتكم 3 ايام وين اروح شنو اقرب شي ل سويسرا
انا بخاطري زلمسي بس جنها بعيده منو تعرف كم تبعد عن زيورخ





وشكرااااا

 

[نـعـومـه]

روحي منطقه ثانيه بسويسرا جنيف مثلا او المنطقه القريبه من المناطق اللي بتروحيلها

انا نارحت سويسرا بس احس حلاته 9 ايام كلها فيها عشان تحللين الدوله يعني شوفيلج منطقه بسويسرا احسن من النمسا

 

[أم وصايف]

عندج ميونخ تبعد عن زيورخ ثلاث ساعات ونص بالسيارة

أما زيلامسي تقريبن اربع ساعات عن زيورخ

ونصيحه روحي لزلي أمسي وميونخ يمديج دام عندج ثلاث ايام

 

[معلمة انجليزي]

اختي اخذي الكلام مني ستراسبورغ ومناطق فرنسا كلها ماعندهم مشكله بالنقاب.
انا خواتي ثنتين رايحين العام اللي فان وحده راحت بس انسي وشامونيه لانها خوافه ولا احد كلمها ووحده راحت باريس وبرج ايفيل ودزني لاند ولا احد كلمهم وابشرك اللي راحت انسي وشامونيه بتروح ان شاء الله هالسنه باريس وهي لابسه نقاب.
وانا رحت ستراسبورغ هي خيل قريبه بالمانيا كنك بالمانيا فعادي النقاب فيها بس العرب شويه فيها مو واجد ( انا مو منقبه) واحلى مافيها السوبرماركت فيه ركن للمسلمين ولدجاج حلال.

 

[أمانيQ8]

انا مشيت من زلمسي لي زيورخ تقريبا اربع ساعات واشوي اذا مو خمس بهالحدود والطريج اينن طبعا ولا اتحسين فيه ابد