@@@ خبيرات الهامستر تعالوا الله يعافيكم @@@

[مبرقعة coool]

مرحباااااااااااا بنات ... من فترة شهر عيالي حنوا علي يبون همستر

عاد آنا مو من محبي تربية الحيوانات الأليفة ... لاهية بترية عيالي وتدريسهم

بس كثر الدق يفك اللحام ... ما أطول عليكم رحنا السوق آنا والعيال وشريت

لهم هامستر نثية وذكر ... الذكر عمره شهر ونص والنثية شهر ... هولندي سوري

روسي ما أدري توقعت يومين ثلاثة ويملون عيالي لكن لا تعلقوا فيهم وسموا

النثية بيجو والذكر همتارو .... يوم ورا يوم بيجو تكبر وتربرب وتصير شحلاتها

جك بك رديت من الدوام اليوم الا والدة سته يعني نص دستة ... آنا بصراحة

انصدمت حيل واشمأزيت من شكلهم توهم مولودين لا عيون لا فروووو ...

وبيجو صارت مجنونة بس تحفر وتدفن بهالصغار وطاردة الأبو وإذا قرب من الصغار

أو منها داست في حوض بطنة (( جنها تقولة كلة منك )) الحين يا بنات

أنا خايفة على صغارها سمعت ان ممكن الأم تاكل صغارها صج هالمعلومة ولا لا ؟؟؟

وش رايكم الحين أردهم للمحل ولا شسوي مالي خلق معابلها هي وعيالها ؟؟

بس عيالي يبونهم ... بنات اللي عندها فكرة عنهم تفيدني ... آنا وين وتربية الهامستر وين:cxxxp::cxxxp:


^^^​

 

[daloo3ah]

رد: @@@ خبيرات الهامستر تعالوا الله لا يهينكم @@@

اكيد تتهاوش مع الذكر لان تخاف على عيالها منه !!

الي لازم تسوينه انج تفصلينهم عن بعض حاليا وتخلين الام في مكان هادي وظلمه .. وما تسببين لها أي ازعاج ( سواء من صوتج او من تعبثج في القفص او صوت عيالج ) علشان لا تتنرفز وتاكل عيالها ..

ولا تنظفين القفص لمده سبوعين على الاقل ولا تحركين شي من مكانه علشان لا تاكلهم ^_^

وموفقه انشالله

وبالعكس هالتجربه من اروع التجارب الي مريت فيها بحياتي ^_^

واذا عيزانه منهم انا اخذهم p:

 

[lojeeen]

وااااااااي يا بختج شان زين انا بعد ارد من الدوام و اشوف قطاوتي كل وحده صار عندها درزن عيال ههههههههههههه

يتربون بعزج يا رب و تراها تجربه حلوه حقج و حق عيالج صدقيني

 

[مبرقعة coool]

يسلموووو حبايبي ما قصرتوا على الردود

^^^​

 

[دلوعة حبيبي]

وااااااااي يا بختج شان زين انا عندي بس واحد

 

[daloo3ah]

دلوعه ليش ما تشترين ههههه يهبلوووووووووووون

 

[مبرقعة coool]

دلوعة أبشري بعطيج من المواليد ذكر ونثية هدية مني لج بس إذا كبروا شوي .. وهذا وعد من

 

[شوشو الشقيه]

يا بختج والله
يجننون
عيل
والله يا اختي
يازينها من عيال اقول
والله ما عندي خبره
في هامستر انا كان عندي صغار تمللت منهم عطيت ناس يقربون لي يربونهم
لان تربيتهم صعبه
من اختج شوشو