خبيرات المكياج ابيكم تساعدوني بعدي عليميه :(

[قمري]

السلام عليكم و رحمة الله بركاته

بدش بالموضوع انا عليميه و ابيكم تنوروني و تقترحون علي الاحسن بس لما تقترحون ياريت ولا عليكم امر تحطون السعر :080402ask_prv: والمكان بعد لووووووول مصختها

اولا: شنو احسن مثبت؟ لما حست بالمنتدى اكتشفت الاغلبيه يمدحون ماركة diego انزين انا ويهي يشرب البشره شرااااااااااااااااااااااااااااب

ثانيا: احط الكونسينر (ماك) يصير خطوط تحت عيني و الكحل يسيح

ثالثا: بعد فتره يبقع المكياج انا استخدم ماك الفونديشن و البودر

رابعا: ابي كحل قوي ومايسيح انا استخدم مكياجي يسيح

خامسا: خشمي لونه غير عن ويهي :bbbiu: يصير احمر من احط المكياج

سادسا: شنو احسن ماركة عدسات

سابعا: ابي مسكره زينه و كحل بعد زين و شنو الشادوات اللي تثبت ماتروح


و اخر شي ابي حمايه



احبكم :wqedqw:

 

[poom poom]

حبيبتي انا بشرتي مثل بشرتج
واول مره اجرب ماركه دييغو كفاونديشن وباودر
واخذت الخالي من الدهون
روووووووووعه شريتهم من جمعيه الشاميه فوق
21د.ك روووووووعه لايطوووفج
اول ما جربت الاساااس كان ناعم حيل على بشرتي
وخفيف وما غطى كل شي بس لما حطيت الباودر
طلع روعه بشرتي صافيه وناعمه الكل يسالني عنها
وخصوصا اني تعذبت بكريمات الاساس لانه عندي
حب شباب وانا كل يوم استعمله للجامعه وايد مريح
صارلي 4 اشهر الاساس للحين ماخلص بس الباودر
قرب يخلص وراح اشتريه مره ثاني

 

[poom poom]

وهاذي صورته




وهم جربي الكونسيلر مالهم دييغو
جنه بــ5د.ك وايد حلو
بالنسبه للكحل جربي سمايلنج
العدسات اختاري الرمادي من عدسات هيفا وهبي

 

[Mrs_Orchidia]

اولا: شنو احسن مثبت؟ لما حست بالمنتدى اكتشفت الاغلبيه يمدحون ماركة diego انزين انا ويهي يشرب البشره شرااااااااااااااااااااااااااااب
تقصدين مثبت شدو؟ اذا اي جربي مثبت دييغو .. عجيب ترى ... ما فهمت ملاحظتج شنو يعني يشرب البشرة شراااب!!

ثانيا: احط الكونسينر (ماك) يصير خطوط تحت عيني و الكحل يسيح

ممم .. غيريه! يمكن مو صالح لبشرتج ... انا عندي نوعين كونسيلر اللي مداومة عليهم اهمه ارتدكو و كفر ديرم .. الصراحة اثنينهم روووعة

ارتدكو موجودة الماركة عند الجوثن و استعملي معاه فرشة ماك 194 تينن .. اما كفر ديرم كنت ماخذته من صيدلية مشرف .. اهو سبيشل حق تحت العين

رووعة و الحلو فيه ان ممكن احطه بدون اساس يندمج مع لون بشرتي بشكل حلو و يغطي عدل

ثالثا: بعد فتره يبقع المكياج انا استخدم ماك الفونديشن و البودر

بشرتج جافة .. و تحتاج منج عناية اكثر ... سويلها بخار كل اسبوعين و نظفيها مرتين باليوم بالحليب و التونك
و حطيلها ماسك مرتين بالاسبوع

و راح تلاحظين مع الوقت انها بتصير انعم و الأساس بيصير حلووو و مخملي على بشرتج

ملاحظة:

لاحظت ان كل الاغراض اللي تستعملينها من ماك .. و كلها مو صالحة لج .. جربي تغيرين الماركة ..

لا الكحل زين و لا الكونسيلر زين و الأساس يتقطع !!!


مو ضروري ماك .. جربي ماكس فاكتور .. استعمل اساسهم من 4 سنين و الحمدلله زين معاي

عندهم بودرتهم الذهبية .. ماكو احسن منها ما شاءالله معني ما جربتها


و شنو بعد..؟؟!! اي عندج ميك اب فور ايفير الـ HD .. و ايستي لودر ال دبل وير هالكوليكشن بيرفيكت بكل المقاييس . جربي وحده من هالماركات اللي شكثرها ماشاءالله و ان شاءالله يعجبونج

رابعا: ابي كحل قوي ومايسيح انا استخدم مكياجي يسيح

جربي كحل من الهنود من ماركة Mr & Mrs ايننننننننننننن .. انا عندي لون كحلي غااامج .. و حده قوي و ثاابت و وتر برووف من امه

احسن من كل انواع الكحل اللي شفتها بحياتي

حتى مرة بالتلفزيون شفت خبيرة التجميل ايمان السيد كانت تمكيج عروس و استعملته لها

سعره ب2.750 بس!

خامسا: خشمي لونه غير عن ويهي يصير احمر من احط المكياج

مادري! اول مرة تمر علي هالمشكلة يا قلبي .. بس مادام يحمر .. ليش ما تحطين لها كونسيلر اخضر .. معروف الأخضر يهدي احمرار البشرة .. يمكن تضبط معاج !

سادسا: شنو احسن ماركة عدسات

ما احط


سابعا: ابي مسكره زينه و كحل بعد زين و شنو الشادوات اللي تثبت ماتروح

جربي ماكس فاكتور البطة و الكحلية 2000

ريميل الحمرا و الفوشية و السودة اسمها glam eyes عجيبة تطول
انا وايد من ماسكارات مجربتها و الصراحة كلهم حلوين .. للأسف بعضهم ما قاموا يبيعونهم الحين لكن هاللي قلت لج عنهم موجودين ليلحين
برستيج الوردية << موجودة عند الشايع للعطور و سنتر بوينت

محل .. قلت لج فوق

الشدوات .. جربي من الهنود من ماركة مكياج
و مثبت الشدو من دييغو يثبت الشدوات كلها و يبينها

و اشتري من ماك البـ (paint pot) اخذي الوان تستعملينها دايمًا و حطيها كبيس للشدو و راح يثبت ان شاءالله

و اخر شي ابي حمايه

اخر حماية استعملتها اهي من كفر ديرم .. زينة و فيها فيتامينات

و بعد من روك .. هذيج كانت عجيبة و فيها الملونة و الشفافة .. كلهم كانوا زينين و اسعارهم ما اذكر بين ال5 و 6 دنانير

 

[*أم*خالد*]

انتي ماتعتنين ابشرتج من جذي المكياج مو حلو

اهم شي تنظفين بشرتج وتستخدمين ماسكات وتقشير ( سنفره )

التنظيف بالميلك او الحليب على حسب بشرتج اي ماركه تطبق عليها .. لأني انا استخدم صابون من جونسون اند جونسون حلو

وتالي تونيك بعدين مرطب

اكو مرطب ابـ بدي شوب لونه وردي وغطاه اسود .. هذا حطي منه واااااايد ونطري عليه 5 دقايق خلي بشرتج تشربه عجيييييييييب
والعيون استخدمي لها بالليل شي هلامي يا فازلين مال الصيدلية او مرطب العين من بوبي براون المهم ترطيب عميق هالحجي بالليل
والصبح حطي مرطب من كلينك اخذي الترطيب القوي مو العادي
ولمه تحطين كريم حطي وااااااايد وخليه ليحد مابشرتج تشربه تالي الزايد حطي كلينكس على ويهج مو تفركين لأ بس حطيها ولصقيها على ويهج بروحها راح تشرب الزايد من الكريمات وتصير بشرتج روعه حق أي شي

لا تنسين تستخدمين سنفرة او تقشير على حسب بشرتج .. انا يوميا اقشر بشرتي مع التنظيف من المكياج
بس انتي بشرتج شكلها دعله استخدمي لها سنفره عاديه مو البشرة الحساسه لأ .. من ماركة بايوت
بعدين حطي ماسك مرطب انا اموت على مال نيفيا الترطيب العميق اللي لونه ازرق .. وبعد بايوت عندهم ماسك مرطب كيفج

اهم شي التنظيف في الليل والترطيب اهم شي اهم شي لا تنامين وبشرتج مو حاطه عليها كريم

احم ماحطيت لج ولا سعر لوووووووول لاني ماعرف

الحماية كلينك عندهم حمايه حاليا استخدمها اسمها سيتي بس مليقة مادري شتسوي بالوي تعطيه لون غبي ولمعه مليقه لازم فوقها بودر

وجربي بودرات البشرة من كلينك اتهبل حتى بودرات الخدود مالتهم حلوة

والكونسيلر جربي مال بوبي براون ثقييييييل بس لازم ينحط على بشره مترطبه عدل مثل ما وصيتج

وبس

الكحل سمايلينق من الهنود

 

[قمري]

حبايبي مشكورييين و فعلا انا من ولدت واهملت بشرتي لهيت مع بنتي بس خلاص سجلت اللسته بجرب كل اللي قلتولي عليه و بشوف شنو يناسب بشرتي الله يعطيكم الف عافيه و الله يجعلها بميزان حسناتكم ويدخلكم الجنه و بفرج همومكم حبايبي