خبيرات الكروشيه

[السمرة~القمرة]

السلام عليكم ياخبيرات الكروشيه
شلونكم

الله لايهينكم
ابي اتعلم طريقة الشال المثلث والاسكارف المثلث
ساده بدون وحدات ولا نقشات
وعيزت وان ادور بالمنتديات مالقيت ساده

اللي تعرف لاتبخل علي


واكون ممنونة لها

 

[mi corazon]

عندي وحده تعطي دورات لو تحبين اييب لج رقمها

 

[السمرة~القمرة]

تسلمين ياقلبي اذا تقدر تحطلي بس طريقة الشال أو السكارف المثلث

 

[كوكو دلوع]

اتمنى اكون ساعدتج هذي بترونات وحدات مثلثه

 

[mrs_sugar]

هلا حبيبتي

تفضلي الطريقة

بس عذريني سويتها بسرعة بس علشان اوضح لج اخاف شرحي مو واضح

بسم الله نبدا

اول شي تربطين الخيط على الابرة عادي



بعدين تسوين 3 سلاسل



الحين ركزي معاي

عقب ال 3 سلاسل ترجعين و تسوين 2 غرزة عمودية او دبل كروشيه حسب ما تسمينها المهم بالموضوع ان مكانهم هالغرزتين يكون في اول غرزة سلسلة



يعني الحين صار عندنا 3 سلاسل و يمهم 2 غرزة بريد عمودية او دبل كروشيه طالعين من نفس الغرزة ( المجموع 3 اعمدة )

الحين تقلبين العمل و تطلعين ب 3 سلاسل للسطر الجديد و تسوين غرزة عمودية في نفس الغرزة اللي طلعتي منها ال3 سلاسل



و تكملين غرزة عمودية بكل وحدة تحتها لما توصلين النهاية

اخر السطر تسوين عمودين بنفس الغرزة الأخيرة ( مجموع اللأعمدة بالسطر الثاني خمسة )



نقلب العمل و نبدا 3 سلاسل و معاهم غرزة ععمودية بنفس المكان و نكمل عادي لما الأخير و اخر غرزة نسوي فيها عمودين ( المجموع بالسطر الثالث 7 اعمدة )





و نكمل بنفس طريقة الزيادة عمودين زيادة بكل سطر الى ان نصل للحجم المطلوب بالنسبة للسكارف او الشال



السطر الرابع 9 اعمدة و هكذا

اتمنى يكون شرحي واضح

و اي سؤال تآمرين بس​

 

[princesse X]

ورشة عمل الشال حاطتها علوية جزاها الله خير
http://q8yat.net/showthread.php?t=280956
البنات في المنتدى يسوون جهود غير عادية ياريت لو كل وحدة تستخدم خاصية البحث قبل وضع الطلب علشان مايصير جهد مضاعف

 

[mrs_sugar]

جيكت الموضوع بس حسافة الصور مو طالعة

ما عليه تستاهل البنت نتعب لها ما سوينا شي

 

[السمرة~القمرة]

تسلموووووووووووووووون
وتسلمين يا مس شوقر صج انج سكر

 

[*أم*خالد*]

http://www.youtube.com/watch?v=1ubRL7O2uY4