خبيرات القطاوه اريد حلا

[بالمشمش]

هاي خبيرات القطاوه بنات انا عندي مشكله واهياكالتالي : انا عندي قطاوه واثنين منهم ذكوره الاول ربيته عندي من كان عمره شهرين والحين ماشاء الله عمره سنتين والثاني شريته بعد وعمره شهرين والحين قرب عمره على السنه المشكله ياحلوين ان الاثنين كلش مو متوالمين مع بعض خاصه الاول يسوي هجوم على الثاني فاضطريت اعزلهم عن بعض واحط الثاني معاي في الغرفه ويكسر الخاطريبي يطلع ويلعب مع الباقي ولا ني عارفه شسوي ابيهم مع بعض كلهم حلوا مشكلتي ياحلوين وناطره ردودكم بلييييييييييييز :bbbiu:

 

[brensesa]

نفس المشكله اللي عندي
عندي ذكر شريته كبير
وكان عندي قطو ذكر من انولد وقتها ما كان في مشكله بس يوم كبر الصغير صارت المشكله وقمت لاعزلهم شريت قفص كبير
واضطريت اني احبس كل يوم واحد( يو اطلع هيما ويوم اطلع كيوتي)

بس الحين المشكله مع تعديل غرفتهم ما عندي مكان احجزهم فراح اضطر اني ابيع واحد فيهم


الله يعينج على مشكلتج

 

[بالمشمش]

ما يعطيني قلبي كلش افرط في واحد فيهم هذاك اليوم عرضت الاول للتبني وياليتني ما سويت جذي خذاه واحد وحاس قلبي انه ماراح يرتاح عنده واتصلت في الريال علشان اطمن عليه وماصدقت على الله يوم قالي فيه حساسيه وما يقدر يتبناه والله وكيلج لوشايفه القطو شلون صاير شكله قمه القذاره الله لا يسامحه ما ادري وين قاطه واهوا المدلل عندي وريحته واصله لاخر الدنيا وميت من اليوع نصيحه لا تعطون رياييل تتبنى قطاوتكم ترى كلش ما يهتمون فيهم ماقول الاحسبي الله ونعم الوكيل

 

[hello1]

مشكله

انا قطوتي ابيلها ذكر للتزاوج وارجع قطوج بعدين

 

[جمان_الكويت]

السلام عليكم بنات شلونكم
بما اني عندي خبره في مجال القطاوه فوق 5 سنوات ------- لوول ادري بتقولون شفيها داشه بقوه
و احلى شي عندي الحيوانات
فحبيت اقولكم ان:
ممنووووع منعا بااااتا تربية قطط ذكور مع بعض، لأن سبحان الله القطو بالذات يحب يتربع على العرش في البيت و ان اهو المدلل و الكل يحبه، فيغار لما يكون في قطو ثاني، سواء نثيه او ذكر و هالكلام ينطبق على الجنسين، فحاولي انج تتخلين عن واحد منهم بعد شتسوين، ادري قلبج بعورج، بس لازم والا راح تحوشه حاله نفسيه مثل قطوتي اللي ماتت، كانت المدلعه في البيت، و عمي عطانا قطوته، و قاموا يتهاوشون القطاوه، و فجأه قطوتي ضعفت و صارت عصله، و اخر شي ماتت
صج صج صج ضاق خلقي، فنصيحه خلو واحد عندكم احسن
و تحياتي

 

[hello1]

السلام عليكم بنات شلونكم
بما اني عندي خبره في مجال القطاوه فوق 5 سنوات ------- لوول ادري بتقولون شفيها داشه بقوه
و احلى شي عندي الحيوانات
فحبيت اقولكم ان:
ممنووووع منعا بااااتا تربية قطط ذكور مع بعض، لأن سبحان الله القطو بالذات يحب يتربع على العرش في البيت و ان اهو المدلل و الكل يحبه، فيغار لما يكون في قطو ثاني، سواء نثيه او ذكر و هالكلام ينطبق على الجنسين، فحاولي انج تتخلين عن واحد منهم بعد شتسوين، ادري قلبج بعورج، بس لازم والا راح تحوشه حاله نفسيه مثل قطوتي اللي ماتت، كانت المدلعه في البيت، و عمي عطانا قطوته، و قاموا يتهاوشون القطاوه، و فجأه قطوتي ضعفت و صارت عصله، و اخر شي ماتت
صج صج صج ضاق خلقي، فنصيحه خلو واحد عندكم احسن
و تحياتي

ما يصر قطو وقطو او قطوه وقطوه تصير هوشات

 

[بالمشمش]

اختي hello وادي اسلفج اياه بس حرام كل ساعه رايح بيت اخاف يتعقد والله لو تشوفين نظرته لما يي وشافني قعد يخزني جنه يعاتبني ام اختي جمانه مشكوره على هالمعلومات بس انا عندي نثيتين وعايشين في سلام ووئام مافي اي مشاكل بس المشكله في الذكوره كل واحد عاد روحه ملك عندي الله يهداهم بس

 

[رتوج بنت امها]

بلا بلا انا شفت فيديو بيوتيوب مال مين كتي mean kitty واحد مربي قطوين ذكر مع بعض بس في خطوات عشان يتوالمون انشالله لمن القى الفيديو ادزلج ايا

 

[tnkora]

صعب حلها بس ان شاء الله البنات يلاقولج حل

 

[عود ومسك]

مو انتي تقولين عندج من كانو صغار؟
خليهم يتهاوشون عادي ترا
انا قطاوتي يتهاوشون وهم اخوان عادي حبيبتي وين المشكله


رتوج شايفته مال مين كيتي بس هذاك جايبهم كبار وما يعرفون بعض وقعد يعرفهم على بعض
وبالمشمش تقولج من زمان كبرو عندها يعني
انا اقولج خليهم مع بعض عادي جدا خل يتهاوشون اذا وقت اللعب تحسين انهم قاعدين يكفخون بعض وعايشين عادي
حرام تمرمطينه من بيت لي بيت وماشاء الله كبرو عندج فا اتوقع مالج قلب تخلينهم

جمان الكويت انا عندي 8 عايشين مع بعض نثايه وذكور
والوضع جداً طبيعي فا كلامج مو صحيح :d
وقبلهم كان عندي 4 نثايه مع بعض وذكر وهم عادي
قليل تلاقينهم ما يتوالمون

بالمشمش الحل انج تحطين صحن كبير فيه اكل وتخلينهم غصبن عليهم ياكلون مع بعض
خليهم يجوعون مسيرهم ياكلون من نفس الصحن
وبعدين ما قلتيلي اذا هم كانو عندج واهم صغار.. متى صارت هالمشكله؟

 

[بالمشمش]

حبيبتي عود ومسك المشكله صارت لما القطو الجديد صار عمره 8 شهور تقريبا وصارت المصارعه جدام عيني والثاني تعورت ايده وقام يعرج مو ناقصه الا عكازه وديته البيطري وقال لي موكسر الحمد لله وعطاه ابره لمده يومين ورا بعض والحمد لله تحسن 0 بس اني اخليهم مع بعض اخاف لاني موظفه وما ادري شيصير من وراي 0 وبجرب سالفه الاكل مع بعض ومشكوره حبيبتي ماقصرتي انتي والبنات كلهم

 

[عود ومسك]

بالمشمش جربي موضوع الاكل جم يوم وبلغينا باللي يصير

صدقيني ترا القطو ينقص عليه بسرعه ههههههههه

شرايج اني مقعده قطاوتي ويا جلبتنا وتلعب معاهم خصوصا الذكر صديقها الصدوق عيد عندها اذا طلعته لها!!
فا الموضوع سهل لازم يتعافرون هذي طبيعتهم حتى باللعب تسمعين صراخهم تحسين انهم تعورو..والله انا اشوف حرب اهليه يوميا بغرفتي هههههههههه ما تدرين منو طقاقج

 

[بالمشمش]

شورج وهدايه الله يا عود ومسك وراح اوافيكم بالاخبار باذن الله

 

[DooLy88]

كان عندي قطو
من اول مانولد والحين عمره سنة ونص
ذكر
ويابو لي قطو ذكر بعد عمه يمكن 4 شهور
صارو يلعبون مع بعض
حتى ان العود شوي صار شيطان
وياخذ من حركات الصغير بالشيطانة والركض
شوي شوي
بدا يمرض
وطاح شعره
وماياكل
وكله ماله خلق
ليما ياو اصحاب القطو الصغير وخذوه
ورجع القطو لعود

وصار ماشالله حصان مو قطو لووووووووووول جنه جذاب



ترا القطاوة مومثل الجلاب عزج الله
يحبون التملك وفيهم غيرة موطبيعية ان كانو من نفس الجنس
خصوصا لو كان ذكر


خبرتي بالقطاوة من اول مانولدت :> ماخذتها من اهلي كلهم
ولي صور مع قطاوة وانا بالمهاد
لووووووووووووووووووووووول

 

[كتمااان]

الله يعينج

 

[كلآم نواعم]

ونــآسـه يآليت عنــدي قطووه خآآطري بس اهلي مايرضون كلشش
الله يهيديهم اقطآوتــج فــديتــح

 

[بالمشمش]

اب
اب
اب
اب

 

[hello1]

انا كان عندي قطوه ولدت ولما كبرت بنتها قامت تنفخ عليها ماتبيها القطاوه ما يصير ذكر وذكر او نثيه ونثيه

بنات ابي قطو للتزواج مع قطوتي اخاف تمرض او تنحاش موسم التزاوج

 

[بالمشمش]

اختي helloتبين تتبنينه وتخلينه عندج على طول لان ابي اكون مطمنه عليه عند بنت مو ريال وتكون خبره في تربيه القطاوه

 

[عود ومسك]

بالمشمش انتي تبين تعرضين قطوج للتبني؟!
بشوفه اذا ممكن