خبيرات الرصاصي سؤال لو سمحتو

[الجــادل]

مرحبا بنات


انا طلبت عبايه من مصممه اماراتيه بالنت

و وصلتها بالبريد لما فتحت الطرد

تقولون مبخر

ريحه ماشاء الله تهبلللللل

وفاحت بالغرفه

ما خليتها بخاطري ارسلت لها ايميل اسال شنو البخور

قالت لي بخور الرصاصي

الحين شلون اعرف اي واحد؟؟؟

استحيت ارد اسال

ما شاء الله على سنعهم حتى الشي لا طلبتيه يجي مبخر مو مثل هني تجيج البدله والا الدراعه ريحتها هنود :rgewrg:

اللي ابيه منكم ما عليكم كلافه

تقولون لي شنو اسماء البخور الحلو اللي عند الرصاصي

بشتري وبجرب لين اوصل لبخورها

بانتظاركم لا تبطون علي

 

[سكره مالحه]

رد : خبيرات الرصاصي سؤال لو سمحتو

اتوقع الراقيه

لان الكل يمدحه

 

[كويتية قديمة]

رد : خبيرات الرصاصي سؤال لو سمحتو


والله ماعمري سمعت من اللي حوليني ان الرصاصي عنده بخور حلو ولا قلت لج حبيبتي

ياليت القى عنده شي حو علشان اتميز فيه تكفين لاعرفتيه لا تبخلين علينا والافضل سأليها المصممه عادي

 

[مذهــلــه]

فديتج منو المصممة واشلون موديلاتها ؟؟؟

<<<<< داخلة عرض لووووووووووووووووول

 

[الحلوه القمريه]

اتوقع العود المبخر لان انا دايما اخذه منه يهبل ودايما يستغربون لمن اقول لهم من الرصاصي
اتمنى اذا لقيتيه تعطينا خبر فديتج

 

[غضى]

يالبيييييه يالامارات ودخوونهم

ام رفيجتي اماراتيه هدية عرسي جنطـه كلها بخوور معطر وعود وخمريه للشعر ومرشات للملابس والفراش
والله بس بطلت الجنطه يتني اختي من الصااله شهالبخور اللي حاطته


اهم خلطاتهم تينن مشالله حتى محلاتهم ترا تفرق عن اللي هني يعني الرصاصي اللي هناك اعتقد بضاعته غير عن اللي هني
لان من ضمن الهدايا يابتلي بخور معطر من الرصاصي فريت الكويت قالو هاذا بس بالامارات

<< سؤال خارج عن الموضووع بغيت اسالج عن المصممه لاني كنت بطلب من وحده باللنت بس خفت لاييني شي غيرر
عن اللي شفته منو اهي واذا عندج السايت تبعها
اذا ممكن


وشـــكرآ

 

[زامليه وافتخر]

حبيبتى هذا العود مبخر...

معروف عند الرصاصى..واايد حلووو

 

[الدلوعه2008]

عليج بالعافيه انتي وعبايتج اكيد الرصاصي بالامارات غير عن الكويت وهم اختي جبولها بخور من هناك وقالو انه موجود بس ريحه يخترف عن الامارات والكويت

عادي يا قلبي ساليها ما فيها شيء اكيد بتقولج

وسؤال خارج الموضوع منهي المصممه بلييز ابي عبايه من الامارات ممكن السايت مالها وبجم فصلتيها

وللرفع لخاطر عيونج

 

[om_dodo]

اتوقع عود ازرق الرصاصى لانة ريحتة طيبة

 

[آبـلـہ نـونـو]

رررفع .،

..

 

[over love]

شوفى حبيبتى رصاصى الأمارات غير مالنا

كنت بأمارات مول وشريت بخور هندى منه طلعه لى من المخزن غير المعروض

ورب الكعبه ريحته ماتتكرر تخيلى أخوى صعدلى من تحت يقول شنو هذا بحياتى ماشميت هالريحه

فأنصحج لى رحتى هناك تنقى على كيف كيفج لاتوصين أحد وعندهم بالمخزن اشياء مومعروضه

بس ترى غاليه الى خذيته تولته بـ شي و80

 

[مذهــلــه]

اب

اب

اب

 

[الحلا و الزين كله]

العود المبخر... تجي علبه كبيره راهيه فيها 4 تولات مع مبخر ذرب ب 20 دينار

 

[نواعس]

صاجه انا دخلت الرصاصي اللي بجده مو مثل اللي بالكويت

بس ترى يابنات في عود مسقا عند الرصاصي حلوو بس ماعرف اسمه

 

[حصووونه]

للرفع
عندي بخور من الرصاصي ريحته مقدسه عند اهل الامارات بس يوم شريته من الكويت مونفس الي شميته عندهم بيوتهم وعبيهم كله هالريحه وكاهو على حطته ريحته تبط الراس ماحبيتها اسمه بخور جبل علي بس قمت احط كسره منه مع كسره من عود ازرق اصلي حليوه الريحه

 

[مذهــلــه]

اب

اب

اب

اب

 

[كويتية قديمة]

رد : خبيرات الرصاصي سؤال لو سمحتو

=> مازالت تنطر موقع المصصمه لووووووووووول

 

[اصيلة]

للرفع .

 

[ميسم]

رد : خبيرات الرصاصي سؤال لو سمحتو

انا برؤؤح الرصاصي اللي بمكة واشووووف البضاااعه واقولكم شنو اللي عاجبني ان شاااء الله

 

[راعية الطويلة]

رد : خبيرات الرصاصي سؤال لو سمحتو

رصاصي اجمالا أحلا شي