خبيرات الخبر والبحرين حياكم

[semaasem]

السلام عليكم

بنات بليز ساعدوني وشوروا علي بالذات خبيرات الخبر والبحرين عندي يوم واحد فقط للتسوق ومحتارة بين أسواق الخبر

وأسواق البحرين ودي أروح الأثنين وأضرب عصفورين بحجر بس حصلت لي خوش زفة:eh_s(1): ولازم أختار

بين الأثنين شنو ترشحون لي الخبر ولا البحرين من حيث البضايع والأسعار أبي عبي وجناط ماركات وساعات وملابس..الخ

شنو الأفضل وشنو الأرخص وبشنو تنصحوني بليز لاتبخلون علي برايكم وياليت تفيدوني بأماكن أفضل الأسواق؟؟

ويزاكم الله ألف خير

 

[semaasem]

وينكم يا بنات

 

[شعشع النور]

والله براي البحرين أحسن فرصة أكثر من الخبر

 

[حلاوة الحلوة]

من صجج من غير تفكير الخبـــــــر وبـــس لا من البضاعه وحتى الاسعار وبالذات سوق سويكت عجييييب اما البحرين بصراحه غاليه عالفاضي موذاك الزود يمكن اللي عجبني عندهم محل جنط وجواتي ايطالي عجيب عندهم بس ناااااااااااااار

 

[T R F]

رد : خبيرات الخبر والبحرين حياكم

السلام عليكم

بنات بليز ساعدوني وشوروا علي بالذات خبيرات الخبر والبحرين عندي يوم واحد فقط للتسوق ومحتارة بين أسواق الخبر

وأسواق البحرين ودي أروح الأثنين وأضرب عصفورين بحجر بس حصلت لي خوش زفة:eh_s(1): ولازم أختار

بين الأثنين شنو ترشحون لي الخبر ولا البحرين من حيث البضايع والأسعار أبي عبي وجناط ماركات وساعات وملابس..الخ

شنو الأفضل وشنو الأرخص وبشنو تنصحوني بليز لاتبخلون علي برايكم وياليت تفيدوني بأماكن أفضل الأسواق؟؟

ويزاكم الله ألف خير

مرحبا اختي .... مايبيلها اي تفكير ... الخبر طبعا ... البحرين احلى شي غيها المولات ... ونفس محلاتكم ... إذا اهل البحرين مايتسوقون إلا عندنا ... إلا إن كان تبين حلوى ...

الخبر .. اسعارها مناسبه جدا ... شارع السويكت ... امتداد وسوق مفتوح ... فيه محلات العبي ... والشنط والأحذيه ووووو

وإذا تبين مجمعات بعد بتعجيك .... شوفي موضوع مثبت بالقسم ... عن اسواق الخبر ...

واي خدمه انا حاضره ... والبحرين لاحقه عليها .... لاتفوتين الخبر عليك

وباهلا فيك

 

[AL‚BTOOL ° •]

رد : خبيرات الخبر والبحرين حياكم

انا سمعت انه عبايات الخبر احلى وارخص
سوي بحث عن اسواق الخبر للعبايات وروحي لهم على دربج
ان جازولج اخذي واذا لا كملي للبحرين
موفقه

 

[ونيست الليل]

روحي وانتي مغمضة روحي الخبر عندج مجمع فنيسا يجنن نفس مجمع فى محل عبابات روعة مقابل محل القرشي00 عند بعد ظهران مول جميع ماركاات وسويكت مووووووفقة ياقلبي

 

[ونيست الليل]

فنيسا000 اقصد فينيسيابالخبرمجمع فؤاد سنتر
مجمع الجمعة سنتر

 

[الجعده]

:nocommint:الخبر ودج تسمعين فيها ولا تشوفيها روحى البحرين احسن

 

[semaasem]

مشكورين بنات على ردودكم ماقصرتوا والله هذا العشم فيكم والله انا اللي شيشني على الخبر الموضوع المثبت واسمع عنها وايد عندي رفيجاتي

مايشترون بدل السهرة الا من هناك ويقولون الساعات ارخص من عندنا وودي فعلا أروح أتسوق وأخم الأولي والتالي من كثر مايمدحونها


الجعده

الله يهداج كسرتي فيني كسرة خليتيني أطق بريك قوي يوم اني شفت الردود معظمها ترشح الخبر!!! شنو يعني ياليت توضحين لهدرجة؟؟

بليز قوليلي مو اروح هناك واتوهق من أي ناحية يعني السوق غالي ولا موحلو ولا شنو النظام يعني؟؟

 

[semaasem]

وتزداد الحيرة!!!

بنات عفوا بسألكم اذا رحت الخبر شنو نظام اللبس عندكم يعني لازم عباية ونتغطى وجذي؟ ولا عادي

 

[المهفة]

الخبر بدون كلام ولازم تلبسين عباية اكيد وانصحج جوتى رياضة وراكظى على كيفج فى مجمع الراشد

 

[سنيوره قمر]

الخبر اسعارهم مره روعه واحسن من البحرين الصراحه
وهم يجوون عندنا لان ارخص
واذا على العبايه لازم مع شيله بس موشرط الغطاء<<<الامريكان والاوربين عندنا اكثرهم يلبسون عبايات بس بدون شيله
شوفي الموضوع المثبت وتروحين وتجين بالسلامه
وحياك الله في ديرتك الثانيه

 

[T R F]

رد : رد: خبيرات الخبر والبحرين حياكم

:nocommint:الخبر ودج تسمعين فيها ولا تشوفيها روحى البحرين احسن

للأمانه اول وحده اسمع منها هالكلام ... أنا من الخبر ومش عنصريه ... بس اللي قاعده اشوفه العالم من الدول المجاوره منهبلين على الخبر ... من ناحية الأسواق والمطاعم ... والناس وتعاملهم .... وراحه مابعدها راحه ...

وأكبر دليل تثبيت موضوع بهالقسم ...

بصراحه اختي ماعندك سالفه ...

ولصاحية الموضوع ... حياك بالخبر ... وبتحكمين .... أنا من بنات الخبر ... والبحرين اكون فيها اسبوعيا ... مافيها ذاك الزود ... الأسواق عندهم مولات .. واغلب المحلات مكرره بدول الخليج ... إلا إذا تبين السوق الشعبي ... مالك إلا البحرين

وياااااااااهلا

 

[T R F]

رد : رد: خبيرات الخبر والبحرين حياكم

وتزداد الحيرة!!!

بنات عفوا بسألكم اذا رحت الخبر شنو نظام اللبس عندكم يعني لازم عباية ونتغطى وجذي؟ ولا عادي

ولاتزداد حيرتك ... هاذي وحده من المليون ...

النظام عندنا اختي ... عبايه لازم وحابه تتنقبين اوتكشفين براحتك .... وبس

انتي في مدينه مفتوحه للجميع ... ماعندنا تشدد ... بس ماشين على النظام وبس

الخبر ترحب بكم

 

[نوراء]

شوفي البحرين الشي الزين فيها الماركات والماركات بكل مكان ....وصراحه عباياتنا اشوفها احلى من الخبر بس الناس اذواق ويمكن انا مااعرف محلات العبايات بالخبر ....بالنسبة للخبر تلاقين فلتات وايد فيها شنط تقليد ساعات مشاء الله وفلتات وفساتين السهرات عندهم اكثر وارخص بوايد من البحرين ..بس ترى الزين هم عندنا صج غالي بس زين وعلى قولة المثل خذ الزين ولو ركبك الدين >>>ماادري شدخله بالموضوع بس خطر على بالي
موفقة بسفرتج بالخبر او البحرين وحياج الله

 

[semaasem]

يا بعد جبدي والله فديت بنات الخبر والبحرين

t r f

حبيبتي والله لا تحطين بخاطرج ترى المسألة مسألة أذواق وبنت الحلال حبت تنصح بس وأكيد أسواقكم وشغلكم غني عن التعريف ولا جان

ما احترت هالحيرة وبصراحة من داخل قلبي خاطري حيل حيييييل بالخبر وحتى اذا ما رحت لها هالمرة ضروووري أروح ان شاء الله

وماقصرتي على ردودج وتسلمين يابنت الجود

لي رجعة لكم بس انا بالدوام وعندي شوية شغل

 

[semaasem]

شوفي البحرين الشي الزين فيها الماركات والماركات بكل مكان ....وصراحه عباياتنا اشوفها احلى من الخبر بس الناس اذواق ويمكن انا مااعرف محلات العبايات بالخبر ....بالنسبة للخبر تلاقين فلتات وايد فيها شنط تقليد ساعات مشاء الله وفلتات وفساتين السهرات عندهم اكثر وارخص بوايد من البحرين ..بس ترى الزين هم عندنا صج غالي بس زين وعلى قولة المثل خذ الزين ولو ركبك الدين >>>ماادري شدخله بالموضوع بس خطر على بالي
موفقة بسفرتج بالخبر او البحرين وحياج الله

والله ضحكتيني ضحك بردج الله يسعدج خصوصا على سالفة المثل وصاجة قبل يومين وحدة معانا بالدوام كانت لابسة عباية

الكل سألها عنها قالت من البحرين بس والله هم الخبر عندهم سوالف عجيبة وحلوة وراقية وبدل السهرة كشغل وأسعار متميزة

عندهم وكلكم على العين والراس وودي بالاثنين لو يحصل لي وما أحتار ومشكورة على ردج يا الشيخة<<مثلكم