مشكوووووووووووره ياقلبي
أنا دايمن أروح بس مانقعد بفندق عشان أهل ريلي بحرينين فعندهم عيب نقعد بفندق وبيتهم موجود عرفتي
هالمره عيالي معاي وبناخذ راحتنا فقلت أخذ رايكم بفندق زين وتكونون مجربينه واليونايتد ما أحبها:s141:
شرايج بطيران الوطنية أو الجويزه اشتنصحيني؟؟
وعلى النت شلون احجز واي موقع علميني الطريقه اذا ماعليج امر ؟
وتقدريت تسويلي برنامج حق 5 أيام يضم كل شي
ومشكوره حبيبتي مره ثانيه
حبيبتي الوطنيه والجزيره اثنينهم زينين ومرات ترى طيران الخليج يكون ارخص منهم شوفي السعر والوقت وشنو يناسبج
تحجزين من موقعم نفسه دخلي موقع الجزيره او الوطنيه وشوفي الأسعار مع ان اتوقع الحين ارتفعت عشان موعد العيد
والفندق من موقع بوكينغ دشي وشوفي كل الفنادق وفي فندق يديد يصير عند السوق بالضبط بس نسيت اسمه
اسال وارد اكتبلج..والأماكن بالبحرين معروفه ومعدوده الأسواق سيتي سنتر..السيف.. العالي..مجمع البحرين..
مجمع الدانه
اماكن الأطفال في اكوابارك حلو حق اليهال دخل سيتي سنتر بس اعتقد الحين الجو برد..جنه دلمون مائيه..
جزيره حوار هذي تقدرين تروحين يوم وترجعين رحله بحريه بس ترى مو ذاك الزود.. محمية عرين..المتحف الوطني
احنا استانسنا عليه مرتب ما شالله..عين عذاري..وفي عندهم مكان للدلافين ما دخلته بس اشوفه على الشارع شكله يونس حق اليهال
والأسواق الشعبيه المعروفه..وانصح تروحون مطاعم العدليه لاتفوتينها خاصه الحين الجو عجيب وبراد راح تستانسون
وارشحلج مطعم ليلوز او كيكوز لا تطوفين المكان وايد مرتب وشرح
واذا بغين سوالف الحلوى وغيره انصحج بمحل بو يوسف كل شي عندا احلى من الثاني وله فرع بالسيف وسيتي سنتر
هذا اللي اذكره الحين واذا تذكرت شي كتبته
مووفقه
