خبيرات الاعياد الميلاد نبي الاشياء اليديده..واللي بتقول حرام لاتدش

[thahb_q8]

قوووة بنات.. انا ودي اسوي عيدميلاد بنتي عمرها سنتين الله يحفظها :yaaaaaarb:
وادري ان الموضوع وايد سألو فيه بس انا ابي اخر الفناتك واجدد الاماكن اللي جربتوها واللي مرت عليكم :eh_s(15):.. بصراحه انا كان ودي اسويه فبيت واايب اشياء بس ماعندي مكان يكفي .. وسألت بروي قالو نعطيج مكان الساعه ب35 دينار .. مادري احس اليهال ملو عيدميلادات بروي ولا شرايكم؟؟:bbbiu: فياليت اللي راحت عيدميلادات او سوت عيدميلاد وعندها افكار تسدحها هني لاني صج صج تعبت وانا افكر شسوي لها
ناطره ردودكم وخبراتكم ومثل ماقلت لكم نبي اشياء يديددددده فنتك :eh_s(9):
واللي تفيد موضوعي بصور الاماكن او صور العيدميلاد اللي سوته اكون شاكره لها تفيدني وتفيد باجي البنات اللي نفس حالتي

 

[طيبة83]

شوفي احنا نظامنا العيد ميلاد يكون ف البيت

وفي شركة اسمها نكييز

يسون لج الديكور ومسابقات وساحر ورسم عل وجوه واساور ومكينة نفيش وشعر بنات اب ٢٠٠ دينار بحريني
وعندهم بعد القصر الهزاز وقطار
وتقدرين اتاجرين خيل صغير بوني

يعني فناتق وكل فنتق له سعره

انا افكر اسوي لبنتي لما تكمل السنه ان شاء الله

بس الاشياء الي عندهم تصلح ليهال شوي كبار ما تصلح للبيبييز

 

[thahb_q8]

شوفي احنا نظامنا العيد ميلاد يكون ف البيت

وفي شركة اسمها نكييز

يسون لج الديكور ومسابقات وساحر ورسم عل وجوه واساور ومكينة نفيش وشعر بنات اب ٢٠٠ دينار بحريني
وعندهم بعد القصر الهزاز وقطار
وتقدرين اتاجرين خيل صغير بوني

يعني فناتق وكل فنتق له سعره

انا افكر اسوي لبنتي لما تكمل السنه ان شاء الله

بس الاشياء الي عندهم تصلح ليهال شوي كبار ما تصلح للبيبييز

يعطيج العافيه حبيبتي احنا هالسوالف عندنا وايد اغلى من جذيه اصلا احلى شي بالبيت .. بس مو حاصلي واشكرج على مرورج والله يخلي لج بنتج :eh_s(7):

 

[thahb_q8]

36 وحده داشه الموضوع بس رد واحد!! ويييييييييييينكم بنات خبراتكم راح تفيدنا

 

[الكريستال]

انا سويت حق بنتي فنتك الكيكة من بريد تالك شكلها على عروسة حلوة حيل بس صغيرة مادري اذا يسوون اكبر خل انزل الصور علبجهاز واحطها لج
وفي شي كنت بسويهربس طاف ان شاء السنة الياية
بالسينما دقي عليهم يحجزون لج قاعة كاملة الفلم اللي تبينه ويحطون قبل الفلم عرض عن بنتج ويحطون بوستر صووة بنتج مع شخصيات الفلم

 

[!الجادل الصعب!]

حلوه حركة السينمآ .. بجم يسوونهآ ؟

انا قآلوا لي المركز العلمي في مكآن لآعيآد الميلآد بس مو عآرفه وين وشلون طريقتهم ؟!

 

[thahb_q8]

يعطيج العافيه مشكووووووورة على الفكر بس انا بنتي عمرها سنتين مو مال فلم راح تفضحنا ههههههه .. ونبي نشوف الصور ونااااااااااسه

 

[thahb_q8]

حلوه حركة السينمآ .. بجم يسوونهآ ؟

انا قآلوا لي المركز العلمي في مكآن لآعيآد الميلآد بس مو عآرفه وين وشلون طريقتهم ؟!

صح يمدحون بيرجر كنج مال المركز العلمي ..

 

[thahb_q8]

وبناااااااااااااااااااااااااات اللي جربو تشامبيونز تقووووووووووووولنا لان يمدحونه بس نبي وصف كامل عن المكان والخدمات

 

[Daleela]

اانا اختي سوت حق بنتها مرتين في برجر كنج المركز العلمي

الصراحه حلو واللي تسوي الالعاب حق اليهال وايد تونس

ويعطون اليهال لعبه شي رمزي ووجبه ويلعبونهم طبعا

وتقدرين تختارين قاعه من القاعه ويدخلون اليهال اللي معزومين للعيد ميلاد

صج حلو بس غالي شوي

 

[Daleela]

سوري قاعه من القاعات مثلا الاكويريوم او اي قاعه ثانيه

 

[باربي للابد]

up


up


up​

 

[thahb_q8]

يعطيييييييييييييييييكم العافيه

 

[فاقده ابوهاااا]

انا جربت جنغل لاند كان حده عجيب بوفيه ومسابقات وعرض الساحر بس للاسف شالوه وعندج بروي يسويلج بملعب قوول بس اعتقد غالي تبدي اسعارهم من اعتقد 400 لي الالف ما تسوي وعندج شامبيانز يقولون عجيب بس ما ادري عن اسعاره طبعا ماكدونالدز وبيتزا والباجي صاروا ملاقه

 

[ناتشوو]

من ترك شيئا لله عوضه الله خيرا منه

 

[MisS Z]

ولدي شهر 11 يكمل 4 سنين .. و ولامرة سويت له عيد ميلاد .. ودي هالسنة افرحه بما انه كبر وقام يستوعب ..

فنبي افكاركم الحلوة ..

 

[AVE.NJ]

انه حاجزه عند بارتي لنك 300 دينار
بس صارت ظروف اجلته
يمكن استفيد علشان اضيف حق العيد ميلاد

 

[PuPa^^SWeeT]

المركز العلمي


السينما

تقدرين انتي تحجزين فاعة من القاعات الصغيرة بالفنادق واتسوين فيها البيرثداي

 

[Lady_q8]

بيتزا اكسبرس ضاحية عبدالله
سويت عيد ميلاد ولدي و الكل يحجي فيه كبير و صغير

 

[le corbusier]

واي انا بنتي عيدميلادها يوم الجمعة 9-9 كل مرة اسويه بالبيت يعني ايب كيكة في بيت اهل زوجي و كيكة في بيت اهلي
هالمرة نبي تغير يعني ايمعهم في مكان واحد
سالفة السينما حلو خصوصان ان في فلم السنافر و بنتي عمرها 4 سنوات ميتة تبي عيدميلاد بس بجم لان مافي وكت