خبيرات اطفال الانابيب ابــــي جــــــــواب

[خمريه حلوه]

بنات شلونكم اخباركم/// بنات انا انشالله بسوي عمليه الاطفال الانابيب عند دكتور هومان الفاطمي بستشفي رويال واللي يريحني عنده انه عنده بنج موضعي بس؟؟؟السؤال هنيه منو مجربها عندهم البنج الموضعي يعني شلون الطريقه وهل في عوار وشلون طريقته العواار لاني انا حدي خواافه ممكن تعلمون اختــــــــــــكم...:eh_s(22):

 

[ابدا يالغالي مانساك]

حبووووبه انتي كم صارلج متزوجه

 

[خمريه حلوه]

هلا حبيبتي (ابد انساك)صارلي متزوجه خمس سنوات

 

[خمريه حلوه]

بنات شدعوه كل اللي دشوووو ماعندهك خلفيه او تجربه ابي ردودكم

 

[خمريه حلوه]

وااااااي بنات شكثر اللي داشين علي ومو رادين ليش بنات ماستاهل انكم تفيدون انتو خواتي بهدنيا مالي غيركم عشان اسال وانا حايره ولكم الاجر عند الله سبحانه يالله بنات حبيباتي ابي الرد

 

[صدفه!]

هلا قلبي انا سويتها مرتين الاولي عند فوزيه االقطان بنج كامل بالسحب والترجيع بدون بنج مايحتاج والنتيحه فشلت العمليه
المره الثانيه عند منصور العرف الرووعه والقمه بنج كامل بالسحب وبنج كامل بالترجيع لان انا اتحرك وحنانه وراح ااذيهم واشد والنتيجه الخمدالله الحمدالله حامل
والفال لج يارب

 

[خمريه حلوه]

مشكوره علي الرد اختي صدفه وانشالله ربي ثبت حملج وتشيلينه قولي امين بس انا مشكلتي اني خوافه حيل وفيني فوبيا من البنج العاام وانا تعمت اروح ند هالدكتور لانه الوحيد بالكويت يسوي هالعمليه بنج موضعي وانا قالولي عليه البنات المنتدى وانه نسبه النجاح عنده80 بالميه بعد الله طبعن بس انا بعرف العوار اللي راح احس فيه شلون هاذي مشكلتي ولا بنج عاام مالج امل اسوي يمه واايد اخاف منه

 

[خمريه حلوه]

اب ب ب ب ب ب ووووووووووووووووووووووووووووووووووينكم

 

[بحرينيه كوول21]

اب لعيونج
والله يرزقج بالذريه ياارب

 

[خمريه حلوه]

اب اب اب اب اب اب اب

 

[ملح الدنيا فيني]

بنج نصفى يعنى ابرة الظهر يعطيك

والعمليه تافهه

 

[خمريه حلوه]

هلا حبيبتي(ملح الدنيا)مشكوره علي الرد لا ياحبيتي انا اعرف ابره الظهر لو ابره الظهر جان ماسالت اللي راح يعطيناه بنج موضعي مو اللي تقولين عنه ابره الظهر لا حبيبتي الطريقه عنده غير من جذيه ابي اعرفها من المجربات ليش انتي سويتي العمليه اطفال الانابيب بالبنج النصفي؟؟

 

[خمريه حلوه]

بنات وينكمممممم شسالفه 92 بنت داشه ولا وحده مرت عليها هالتجربه مستحيل بنات ابي ردووودكم
بليييييييييييييييييييييييييييييييييييييييييييييييز

 

[خمريه حلوه]

ابي ردووووودكم؟؟؟؟؟؟

 

[خمريه حلوه]

اب اب اب اب اب اب اب اب

 

[3thari-87]

مرحبا حبيبتي
انا لي اربع سنين متزوجه ولكن مارزقني ربي للحين
الحمدلله على كل حال

سويت اطفال انابيب عند د: منصور العرف وكلفتني ١٥٠٠ دينار بس فشلت
مع اني ما اعاني من اي شي وزوجي بعد
خذيت ابر تحظيريه بالبدايه وهالابره غاليه كانت قبل العمليه بشهر
بعدين لمى جتني الدوره خذيت ابر تبويض قويه وكانت النتيجه مبهره ١٢ بويضه حجمها ممتاز
طبعا بهالفتره احس بانتفاخ وبطني مورم
وكنت اجهز سريري واغراضي بشقتي عند التلفزيون عشان اعمل حسابي ما اتحرك واجد بعد الارجاع
ولمى اخذت ابرة التفجير رحت ثاني يوم الصبح لهم ولبسوني لبس العمليات ودخلت وكان كذا دكتور عندي ولمى وصل د: منصور جا د: البنج وعطاني المخدر
ونمت ولمى صحيت لقيت نفسي بغرفه خاصه وزوجي عند راسي يقول الحمدلله عالسلامه
وكان الم مو طبيعي ماتحملته وطلبت مسكن
وبعد ساعتين طلعت منهم ورحت ارتحت بالبيت
وبعد ثلاث ايام دقو علي وقالو تعالي عشان عملية الارجاع
ورحت لهم ونفس الطريقه لبسوني ودخلوني بغرفة العمليات ولمى جاني د: منصور قال ماشالله البويضات تلقحو بس انا بحطلج ٢
قلت الحمدلله قال تبين بنج
قلت لا لان عملية الارجاع نفس التلقيح الصناعي ماتعور كلش
اهم شي ماتتوترين ولا تشدين جسمج وماراح تحسين بعوار
وبعدين خلاني الدكتور عالسرير نص ساعه وبعدين نقلوني للجناح
وهناك جابولي غدا خفيف وتغديت ونمت لين بالليل وبعدها طلعت للبيت
وخذيت تحاميل التثبيت كل يوم ثلاث مرات لمدة اسبوعين
طبعا انا كنت ملتزمه بالاستغفار والرقيه والاذكار والصلاة اصلي وانا على كرسي
لمدة اسبوعين
بس سبحان الله قبل موعد التحليل نزلت الدوره واجذب عليكم اذا قلت ماتأثرت
بجيت وتضايقت ونفسيتي تعبت وكنت كل ما اطالع بعيون زوجي اتأثر
واهو كان يقول عادي وانا مو مستعجل بس احنا الحريم مانصبر

وبس
الله يرزقني واياكم الذريه الصالحه
لا يأس مع الله
فإن الله يأجل امانينا ولا ينساها
​

 

[غلا عيوني]

حبيبتي الله يرزقج ان شاالله انا هم نفسج خوافه وطلبت من الدكتور بنج في الترجيع والحمدلله جبت احلى توام بنات الفال لج ان شالله تبشرينااااااا

 

[kitty eyes]

هلا حبيبتي


اول شي عسى الله يكتب كل خير ويكتب لج الحمال من اول مرة


شوفي حبيبتي

انا سويتها عند فاطمي ببنج موضعي


والحمد الله

العوار راح تحسين بشي بسيط

نغزات حيل بسيطة

بعضها يضايق وبعضها عادي

بس مع السوالف ولما تشوفين كل شي قدام عينج راح تنسين كل شي

وحاولي طول الوقت تاخذين نفس عميق علشان ترخين نفسج

لان اذا شديتي راح يزيد الالم

والله يوفقج يا رب

 

[باقة ورد]

اخذي بنج كامل كلها ابرة وما تحسين بشي ...العملية بسيطة و البنج الكامل راح يكون جرعة خفيفة و بسرعة يروح...اما البنج الموضعي فمادري عنه...توكلي على الله اختي اخذي الكامل و لا تفكرين بشي ..

 

[lovemyself]

ولا مرة جربت البنج الموضعى اتوقع انج راح تحسين خصوصا اذا انتي من طقتى:d انا من كل شى اتاثر
الله يوفقج