خبيرات ابر التنشيط و الكلوميد .#

[الدميره ..]

مساء الخير ياكويتيات .

امس كان موعدي للدكتوره وكانت معطتني كلوميد حبتين لمدة 5 ايام . اخذته ورحت امس
اليوم العاشر من الدوره .! وطلع عندي بويضات صغار احجامهم 8 و 9 .فصرفت لي ابر
تنشيط وتكبير البويضه . لمدة 3 ايام ما اخذتهم للحين متردده . وخايفه . و قالت رفيجة
اختي ان اذا ما اخذتهم يسببون تكيسات :eh_s(11): ! صحيح او لا و شنو تنصحوني اسوي . الحين .!:eh_s(2):

الله يرزق كل محرومه ان شاء الله عاااجلا

 

[د.أطفال]

حبيبتي ماعندي خبرة البنات بيفيدوكي
بس استشيري طبيب ثاني افضل.. او اخذي باللي وصفته الدكتورة اكيد فاهمة شغلها

 

[فديت حبك]

حياااتي انتي
اسمعي ياقلبي أنا نفس حالتك
والحمدالله ماشية على الأدوية
ولازم تأخذينهااا لانها مهمة حيل
لان البويضات عندك ضعيفة والإبر تساعد على كثرتهااا
فالازم تستخدمينها
وهذي نصيحتي لك
واللة يرزقنا وجميع بنات المسلمين الذرية الصالحة

 

[@ام يوسف@]

الله يرزقج الذريه الصالحه

 

[نتاشه]

الله يرزقك استمري على العلاج واخذي الابر وان شاء الله تبشرينا

 

[سوزي الشرقية]

استمري على العلاج واكيدالدكتورة فاهمه عدل

 

[الدميره ..]

امين ي ارب . فديتكم كويتيات

 

[بارونة نابولي]

الله يهداج حبيبتي لازم تاخذينهم وتنتظمين بالعلاج والتكيس ماياثر

 

[moon ali]

انا سمعت كثرتهم تسبب تكيس بس اذا انتي اول شهر اتوقع عادي ماياثر

 

[محسن ولدي]

حبيبتي لازم تنتظمين بالعلاج وتوكلي على ربج
الله يرزقج

 

[DO7AWE]

اللهم اني اسئلك باسمك الاعظم، رضوانك الاكبر، اللهم اسئلكـ باسمك الطاهر
الطيب المبارك الاحب اليك الذي اذا دعيت به اجبت، واذا سئلت به اعطيت
واذا استرحمت به رحمت، واذا استفرجت به فرجت، ان ترزقنا بالذرية الصالحة*
وتيسر امورنا يا رب العالمين ...

اللهم انت قلت و قولك الحق ( ادعوني استجب لكم) وقلت ( اذا سألك عبادي عني
فإني قريب اجيب دعوة الداعي اذا دعاني) اللهم يامن اجاب نوح حين ناداه اجبنا
ويا من كشف الضر عن ايوب في بلواه اجبنا ، ويا من سمع يعقوب في شكواه
ورد اليه يوسف و اخوه و برحمته ارتد بصيرا وعاد النور الى عينيه اجبنا و ارزقنا
ومن علينا بفيض جودكـ و كرمكـ
يارب استجب لنا من لي غيركـ ادعوه و ارجوه... يارب استجب لدعائنا و تقبله منا

ومن جميع المسلمين,,,, يارب