خبيرات أمريكا ترشحولي كلفورنيا ولا فلوريدا

[نون 123]

السلام عليكم
حبيباتي انا رحت أوروبا السنه الي طافت و حابة اغير هالسنة و اروح امريكا

بس محتارة بين فلوريدا و كليفورنيا

علما ان معاي عيالي 10 سنوات و 7 سنوات و 4 سنوات



و شنو المقارنة بين امريكا و اوروبا من ناحية الترفيه و السياحة و المصروف ؟




ناطره ردودكم عزيزاتي

 

[Lady_q8]

كالفورنيا

 

[حـلا و ذوق]

هلا حبيبتي , انا رحت أورلاندو .. وايد حلوة وروعه بيستانسون عيالج بس كاليفورنيا ما أدري عنها
عيبها الحر الكريههه في النهار بسس

طبعا أمريكا وايد ارخص من أوروبا خصوصا في السكن و الأكل فرق شاااسع ..

 

[Alrem_q8]

صراحه هذا اكثر سؤال حيرني لان احسن ولايتين عندي كاليفورنيا وفلوريدا


فراح ارشح لج الولايه الانسب ع حسب مدة الرحله
اذا اسبوعين روحي فلوريدا
١٠ ايام اورلاندو و ٤ ايام ميامي
اذا ٣ اسابيع واكثر روحي كاليفورنيا
اول شي لان كاليفورنيا كبيره وحيل حلوه
عندج لوس انجلووس منها تروحين هوليوود وبفرلي هيلز ومنطقة سان دييقو روووعه
وسان فرانسيسكو حيل حلووه وتقدرين تروحين لاس فيجاس ،. بينها وبين لو انجلوس اربع ساعات


ولازم تحطين ببالج ان ولاية فلوريدا خصوصا منطقه اورلاندو حاره ورطوبه وممكن هالشي يكرهج فيها
اما ميامي جوها حلو


وترا اغلب الاماكن الرئيسيه و الحلوه مكررهة في الولايتين
دزني لاند موجوده بأورلاندو ولوس انجلوس )) بس اللي بأورلاندو اكبر واحلى
واليونيفرسال ستوديو موجود في الولايتين موجود بلوس انجلوس واورلاندو
وهم السي وورلد موجود بالولايتين في اورلاندو وسان دييقو )) سان دييقو تقريبا تبعد عن لوس انجلوس بحدود الساعه ونص او ساعتين


يعني تقدرين تقولين افضل تروحين كاليفورنيا
ورحله سعيده ان شاءالله

 

[مشتطـه]

انا رحت اورلاندو حيل حيل حيل راح يستانسون عيالج فيها


بس يقولون بالصيف حر وموت زحمة عاد مادري

رحت لها شهرر 3

 

[اللوتس]

انا رحتلهم بقولج شغله تفيد وتوضح الفرق فلوريدا اورلاندوا ان كل حديقه تبعد دقايق عن الثانيه ام كالفورنيا تبعد كل حديقه مو اقل من ساعه اما الجو باورلاندو حر و انجلوس برد جو اوربي