خبر حمل ... ومفاجأه زوج : )

[princess.78]

السلام عليكم ...

كويتيات محتاجه مساعدتكم ... :eh_s(7):


اختي توها درت انها حامل وزوجها بعيد عنها يشتغل بمنطقه بعيده وما يجي لها إلا كل خميس وجمعه ...

ممكن تعطوني كم فكره حلوه عشان تفاجأه فيها

ماتقدر تتواصل معاه إلا عن طريق الفون خلال الاسبوع


محتاجين افكاركم :eh_s(7):

 

[$$king moon$$]

امممممممم عادي خل تنطره يرد من الدوام وتسويله
عشى حلووووو وعقب اتقوله بطريقه حلوه وسلامتج

 

[ام شووووق]

مممم مااعرف

ان شاءالله البنات يفيدونج

 

[جوريـن]

وانا كمانا مآااعرف بس منكم نستفيد
الله يقومها بالسلامها​

 

[جوريـن]

بالسلامه ** ​

 

[ام عفاف الكويت]

خل تروح تشتري جوتي عزج الله لطفل وتحته صوب جوتي زوجها
راح يجي يسالها من حقه هالحذا الصغيرون
تقول له حق اللي في بطني بعد تسع شهور جاي
بس يحجز مكان لووول

 

[*غنج*]

حلاته تقوله الخبر واهو عندها أحسن من التلفون عشان تشوف فرحته،،،

 

[( مي )]

طرت على بالي حركة
خل تطلب من اي محل كيك من طقة سابليه والخباز كيكة يحلون فيها عقب العشا .. او الغدا طبعا على حسب وقت وصوله
وبدال لا يكتبون عليها happy birthday
خل يكتبون I'm pregnant
سواء بالعربي أو الإنكليزي
ويطبعون عليها بيبي او مصاصة او اي شي يناسب الجملة
وتخيلي عاد تعابير ويهه واهو يقرا ويشوف اللي على الكيكة


طريقة ثانية إذا مالها خلق هاللوية
تصفط ورقة التحليل وتوقفها بين عطوراته وأغراضه على التسريحة
لابد ان يفتحها ويشوفها
​

 

[BiiShOoO]

اللف مبرووك يا رب

ترتب له قعده حلوة و عشا و تكشخ و تبلغه

 

[G!RLooNa]

لا تقوله بالتلفون خل تنطره اييها

مره وحده هني قالت شرت شويه اغراض مميه و مصاصه و جذي و حطتهم ف بوكس و خلتهم عالفراش و لفت على بطنها شريطه على فيونكه يعني في هديه داخل عجبتني الفكره

 

[princess.78]

هههه افكاركم حيل حلوه يعطيكم العافيه ...

المشكله لو نطرته على ما يجي في غيرها بيخرب المفاجأه

يعني مثلا جدي يصير عمه ... واكيد بيقول لابوه وابوه بيقوله وبينتشر الخبر

عشان كذا لو تقوله بالتلفون وتسبق الكل احسن فهمتو علي : )

 

[florense]

اب اب

 

[CHANGE]

خطرت في بالي فكره بسيطه

تكتب مسج

" اشتقنالك

المرسل ولدك "

شي جذي

 

[جوريـن]

حلوة فكرة المسج انا اؤيدها​

 

[لمى...]

ترا أحسن تقوله وجها لوجه مثلا تشتري رضاعة أو جزمة طفل رضيع أو ملابس وتحطهم في علبة وتحطه قدامه اذا دخل

أو تحط علبة هدايا حلوة وتحط فيها ورقة تكتب فيها ترا هديتك جايه بالطريق بعد تسع شهور

وألف مبروك والله يتمم عليها................

أدعي لي الله لايحرمني من بنتي ويسخر لي زوجي

 

[احلى بنت بالدنيا]

افكاركم حلوة وايد

اشرايج انها تحط صورة السونار مالت البيبي على المخدة اللي متعود ينام عليها .. ولما يسأل شنو هذا تقوله .. ولدك حط لك صورته واهوه في بطني

الف مبروك ماياهم

 

[انا لحبيبي .]

الف الف مبروك لأختك وعقبال ما تقوم بالسلامه يارب

شوفي انا حكيت لمرت اخوي لما كانت حامل شو تعمل ، طبعا كنا عارفين قبلها بيومين بس ماحكينالو

حكيتلها خلينا نزين البيت واحكيلو يوم الخميس افضل شي لانه تاني يوم ماعندو دوام ورح يكون قدامك وتشوفي قديش مبسوط

رحت جبت زينه وكتبت بالزينه ع الحيط كلمه Baby ، وعملت هي عشا خفيف وجبنا كيكه مرسوم عليها رضاعه من العروسه ما بتكلف غير 5 دنانير لانها صغيره

نفختلها بالوناات كتير اشكال والوان وحطيتهم كلهم ع باب البيت ، وجمعت اهلي ماما وبابا وخواتي واخواني ، وجمعت امها واخوها واختها

وكنا كلنا قاعدين بالصاله ، وبحكم انو عايشين بشقه الباب بالصاله نفسها بكون ، وحطيت البالونات كلهم ع باب البيت بحيث انه بس يفتح الباب يلاقي كل البلالين بوجه

اول مادخل انصدم حبيبي ، رحت حكيتلها تمسك ايدو وتخليه يقرأ الكلمه يلي بالحيط ، وبس قرئها حبيبي انصدم

وصرلنا احنا نباركلو ونحكي لقب ابو فلان ،، وهي ولي العهد انولد صرلو شهر يومين اجا على الدنيا الحمدلله ^_^ ​

 

[احساس السعوديه]

عالبركة الله يتمم لها على خير يارب


والله هو حلاته تقول له وهو جنبها
وكان ماخبرت احد الى لمن قالت له هو اول واحد
واكيد حلاته يسمع الخبر منها

مافي الا انها تكلمه وتقول له بطريقة ثانية

بس اهم شي لازم يدري منها

والله يوفقها

 

[noo7a]

اذا تبي تقوله بالتلفون عشان لحد يسبقها
خل تدز له مسج تكتب فيه

لكل مناسبه هديه , ولكل هديه مرسل, وكل هديه تنهدي تاخذ وقت لين توصل , والهدايا تختلف على حسب مرسلها.. في هدايا نعرفهاوننطرها ببرود,
وفي هدايا مانعرفها وننتظرها على احر من الجمر,
وانا هديه من الله وبوصل بعد 9 شهور*
ان شاءالله ... الى اغلى واطيب ابو في الدنيا*
حط بالك على امي على ما اوصل بالسلامه احبك باباتي :*


و مبروك الحمل

 

[احساس السعوديه]

اذا تبي تقوله بالتلفون عشان لحد يسبقها
خل تدز له مسج تكتب فيه

لكل مناسبه هديه , ولكل هديه مرسل, وكل هديه تنهدي تاخذ وقت لين توصل , والهدايا تختلف على حسب مرسلها.. في هدايا نعرفهاوننطرها ببرود,
وفي هدايا مانعرفها وننتظرها على احر من الجمر,
وانا هديه من الله وبوصل بعد 9 شهور*
ان شاءالله ... الى اغلى واطيب ابو في الدنيا*
حط بالك على امي على ما اوصل بالسلامه احبك باباتي :*


و مبروك الحمل

حلووووووووووووووووووووووووووة :rerrerek: