خبر آثآر تسآؤلآتي [ نقآش ] !

[مطيريه ماركه]

آلسسلآإم عليكم ورحمة آلله وبركآته

بدآية ً مآحطيت آلخبر حتى أحصل على ردود تقليدية :-

وزآرة آلتربية كلهآ بلآوي - آلله يعين - مشكورة

وضعت آلموضوع لـ آلنقآش فقط أتمنى أجد ردود تنفعني وتجيب على تسآؤلآتي

يهمني رآي : آلمعلمآت - آلطآلبآت - وليآت آلآمور

هل فعلآً وصلنآ لـ هآلمرحلة آلسيئة !!!

آلخبر منقول بِ تصرف تصريح لـ آلآستآذ فهد آلغيص:

45 الف طالب وطالبة كويتيون يدرسون في مدارس التعليم الخاص من مختلف المراحل الدراسية والانظمة التعليمية متوقعا زيادة اعدادهم من الطلبة المستجدين المسجلين هذا العام.

45 آلف طآلب كويتي عدد غير قليل ولآ يستهآن به بِ آلنسبة لِـ عدد آجمآلي آلطلبة آلكويتيين

آلمصدر

تسآؤلآتي :-

لـ آوليآء آلآمور ؟

- سبب آنصرآف آوليآء آلآمور عن آلمدآرس آلحكومية ؟ وآتجآههم لـ آلتعليم آلخآص ؟

- هل ممكن تعتزلين مدآرس آلحكومة وتتجهين لـ آلتعليم آلخآص لـ تدريس آبنآئك ؟

لـ آلمعلمآت ؟

- آرآء آلمعلمآت حول آلتعليم آلحكومي وآلمنآهج ؟

- مآلذي ينقص آلعملية آلتربوية في آلتعليم آلحكومي ؟

- هل من آلممكن تتجهين لـ آلتعليم آلخآص كَ معلمة ؟

وممكن تجآوبون على آلتسآؤلآت جميعهآآ في حآل كنتِ معلمة وولية أمر في نفس آلوقت :080402ask_prv:

​

 

[الشيخات]

الله يزلزل اللي فيها ماسكين زمام الامور

 

[nana loly]

والله شي يقهر الوزارة صارت مظاهر ومصاريف ومصالح شخصيه وبس لاتعليم ولا تربيه

ورزارة التربيه والتعليم وصلت لمرحلة الاحتضار كل مالها واسوأ من قبل


التعليم الخاص صار تعليم صحيح لانه بفلوسنا ندفع ونجني فطبيعي الناس يتجهون له

اما الحكومي واااااااااااااسفاااااااااااااااااااااااه مافي اخلاص ولا امانه ولا اهتمام ولا حرص



مطيريه ماركه


خليها على الله بس شنقول وشنخلي<<<<على فكرة انا معلمة ابتدائي من سنين

 

[ملامح بريئة]

انا اقولك سبب واقعي من وجهة نظري كثرة تحديث المناهج كل يوم كتب جديدة واللي يألف الكتاب الموجهين الجدد و كل معلوماتهم من النت منقولة و لان هذا عليه فلوس و مكافآت فتوقعي التغيير بالمناهج مستمر لسبب مادي

كثرة الدورات للمدرسين و كلها صارت مسائي على حساب البيت و نفس الكلام السبب مادي لانها عليها فلوس نطري رادة

 

[ملامح بريئة]

بعد حبيت اضيف السلم التعليمي و معظم المدرسات نزلوا ابتدائي للراحة و سهولة المناهج فصار نقص بالمراحل الثانية و صار الهدف لكل مدرسة الراحة
الابلات يضغطونهم بالابتدائي الادارات بالحتياط اليومي الانشطة طوال مواسم السنة(عدي الحفلات) (شوفي برنامج مساء الخير)و ينسون اهم شي الاطفال فهذا ما يزيد الا الغياب للمدرسات
اولياء الامور صاروا يناشبون المدرسات و لا يرضون ان اعيالهم ما يجاوبون او ما يشتغلو نفتقولك مشيهم حتى لو ما يستحقون بالعكس تقوي الاعيال عليك وووووووووووووووووووووووووووووما تخلص العيوب بس الحل بالضمير و الحد من الغياب و احترام المدرسة و استقلاليتها مثل ما نعامل المدارس الخاصة نحط ايدنا بيد مدارس اعيالنا و نعينهم ياليت اكون افدتك

 

[اسمي بين الاسامي]

اذكر لما كنت بالجامعه الطلبه خرجين المدارس الخاصه قمممممة الغباء

بعكس طلبة المدارس الحكومي

اما اللغه عند طلبة المدارس الخاصه كانت توب واغلب مدرسين الجامعه اجانب فاحنا ياطلبة المدارس الحكومي كلينا هواء

بس هذا موتبرير لسوء المدارس الحكومية

المناهج نو كومينت كل سنه مغيرين المنهج لمتى ؟؟؟؟؟

حتى المعلمين ملوا الوحده على ماتسقر على منهج معين ومرتبه افكارها للسنة الجديده قالوا لها المنج تغير

اذا انتوا مواقدرين تحطون مناهج ونسبة تسرب الطلاب بارتفاع سكروا المدارس وعطونا فلوس احنا نختار المدرسة اللي نبيها

 

[شكو بإسمي]

آلسسلآإم عليكم ورحمة آلله وبركآته

وعليكم السلام بنت عمي أحييج على هالموضوع اللى بالفعل أنا اسأل خواتي من قبل عن سبب ادخال اطفالهم للخاصه وبجاوب بكل مصداقيه واتمني أني ما شلخ :dddds:
​

سبب آنصرآف آوليآء آلآمور عن آلمدآرس آلحكومية ؟ وآتجآههم لـ آلتعليم آلخآص ؟

لأن اصبح الخاص فيه امان اكثر من الحكومي طبعا الحافظ الله بس الواحد يخاف على عياله خصوصا الصبيان والوقت هذا ماله أمان مع أني افضل المدارس الحكوميه لأن كلها مدرسات وبطبيعة الحال بيدرون بالهم عليهم لأنهم حسبة عيالهم أو اخوانهم الصغار لكن الخوف من أقرانهم وهذا نتيجة نظام خامس الفاشل بالنسبة للمرحلة العمريه يعني واحد بخامس وعايدها كذا مره مع واحد معصقل توه داش اولى ابتدائي ماخذ الدنيا كلها لعب مايعرف خبايا بعض النفوس المريضه من الاطفال اللى للاسف مالقوا احد يربيهم واسمحو لي بالكلمه هذه لأن صار الشارع يربي + التكنولوجيا الحديثة وأنا اقصد بالعمر هذا يعرفون للتلفونات بشكل خطير ويستعملونه استعمال خاطئ من افلام خلاعيه يقومون بتجريبها على الحلقه الاضعف بالمدرسه والشرها على الاهل اللى مايدرون عن تلفونات عيالهم حتى ولو قال ابي تلفون عطه تلفون مافيه فيديو ولا بلوتوث ..عشان ترتاح وتريح ..والشق الثاني تتحمله إدارة المدرسه اللى ماعطت المعلمه هيبه خصوصا في مدارس البنين لأن لو تكلم المعلمه من مصلحه الطالب يجون ثاني يوم اهل الطالب يشخلون المعلمه شخال أما في الخاص فيه مشرفين على الصفوف من الرجال وكذلك مدرسين وفيه مدرسات ولكن يهابون من الريال اكثر من المره خصوصا لموجه الميوعه اللى طالت اطفالنا اللى يقلد المدرسه شلون تحجي واللى يقلد طريقة لبسها للملفع واللى قام يصبغ اظافره مثل ابلته >>> صراحه اكثر اثم سوة التربية أن خلت الابتدائي مؤنث لأن عيالنا تأنثوا معاهم :0bee2e8d89:

​

- هل ممكن تعتزلين مدآرس آلحكومة وتتجهين لـ آلتعليم آلخآص لـ تدريس آبنآئك ؟

الاسباب اللى تدفع الاهل في السابق لإدخالهم الخاص هو الكشخة والمظاهر ولكن حاليا الخوووووف على الابناء من الاعتداءات وخصوصا أنها منتشره بالحكومي اكثر من الخاص وأرد واقول الحافظ الله لأن الخاص فيه راقبه اكثر

​

لـ آلمعلمآت ؟

- آرآء آلمعلمآت حول آلتعليم آلحكومي وآلمنآهج ؟

صراحه مناهجنا حشو على غير سنع لا وكتب مالها داعي يطلعونها عشان يهلكون الطالب بحمولة زائده على ظهره ويزهقون المعلم لكثرة المواد اللى يعطيها >>> ليش يقعد فاضي خل يحلل معاشه بكتاب ومنهج جديد غالبا مايكون تافه مثل اللى حاطه وبصراحه هذا كوم والملف الانجازي كوم ثاني ياناس حراااااام بنت 3 ابتدائي ماتعرف تكتب ولاتهجئ الكلام عدل وهذا كله بسبه أن ينجحونهم جوازا بالابتدائي وبعدين إذا وصلوا رابعه وخامس قاموا يسقطونهم ..بذمتكم يوم كنا برابعه ابتدائي فيه احط يسقط مثل الحين لأنهم مايعرفون يكتبون ..بصراحه إذا ما تداركوا موضوع النجاح هذا راح نشهد اسوء جيل ممكن تطلعه التربيه من ورا فناتقهم العجيبه >>> الرحمه بأولادنا ياتربية ترى موضوع النجاح جوازا هو موضوع فاشل بإمتياز
​

- مآلذي ينقص آلعملية آلتربوية في آلتعليم آلحكومي ؟

ينقصها الحكمه في التعامل مع المعلم لأنه اساس العملية التعليميه المفروض ياخذون رايهم بالمناهج اللى يدرسونها يطرحون بعض التعديلات على المناهج اللى تدرس من سنه جدي يجب أن تواكب التطور فتكون المناهج مفيده للطالب لما يتخرج موبس مواد يمتحن فيها وإذا تخرج نساها وأنا مالومهم لأن تخصصه باجر بالجامعه بعيد كل البعد عن المواد اللى خذها ..على سبيل المثال ..اليابان مواد الثانوي تكون ذات صله بمواد الجامعه يعني تكون تمهيد لمواد الجامعه وتعطيه حرية الاختيار يدرس مجال تجاري أو مكانيكي أو هندسي فتكون مواد الثانوية متصلة بمواده اللى راح ياخذهم بالجامعه ونفس السالفه ماليزيا تدرون أن أموال السياحه يصرفون ثلاث اربعها على التعليم لأنهم يؤمنون بأهمية العلم وأنه اساس لرقي المجتمع وحنا نقاعدين نتنابح على معاش ذالينا فيه وكل يوم مهددين بإطالة اليوم المدرسي صج وزارة بطيخ " ويكفي أن الوفد الكوري لما جا يتفقد مدارسنا عشان يطبقون جودة التعليم انصدم وقال حق اللوغاني هذه بيئه طارة وليست جاذبه للتعلم " واللوغاني مستغربه من الوفد لأن اغلب المدارس اللى ودتهم لهم كانت مدارس نموذجيه مبهرجينها من بره كالعاده على بالهم أن سؤالف البهرجه تمشي على الوفد الكوري>> يبه مخ التنك المصدي عندنا ياللوغاني<<
وبالنسبة لموضوع إطالة الدوام ترى هو زين إذا تطبق عدل يعني يحلون الطلبه واجباتهم يستفيدون من الزياده إما تطويل الدوام على الفاضي يعني ترجع حليمه لعادتها القديمه مع فرق التوقيت يعني ماجنك يابو زيد غزيت لا هذا التطويل مامنه فايده ولازياده ولا عايده :eh_s(6):

​

- هل من آلممكن تتجهين لـ آلتعليم آلخآص كَ معلمة ؟

لا ..لأن احنا بقطاع حكومي قاعدين نلعب لعبة جاك الذيب جاك وليده محنا قادرين ناخذ حقنا منهم..شلون باجر بقطاع خاص اللى ماتعني له شي كلمة مواطن وممكن يفنشك على اتفه سبب :eh_s(4):
​

​

 

[درة أهل الطولات]

رد : خبر آثآر تسآؤلآتي [ نقآش ] !

لـ آلمعلمآت ؟

- آرآء آلمعلمآت حول آلتعليم آلحكومي وآلمنآهج ؟ المناهج صعبه على غير سنع ما تناسب اعمار الطلبة وتكديس معلومات

- مآلذي ينقص آلعملية آلتربوية في آلتعليم آلحكومي ؟ وايد اشيااااااااااااااااء تطوير المناهج مراعاة الفروق الفردية

- هل من آلممكن تتجهين لـ آلتعليم آلخآص كَ معلمة ؟ لا لان بأأي لحظة يفصلوني على عكس الحكومي

 

[بنات حواء2]

راح ارد على تسائلاتج تالي راح اعطيج رايي و الحل بحكم اني الكورس الياي راح اكون مدرسه و هلكورس انا ميداني و عندي بنت
فانتي راح تاخذين وجهة نظري كولية امر و معلمه في وقت واحد
بنسبه لتساؤلاتج
- سبب آنصرآف آوليآء آلآمور عن آلمدآرس آلحكومية ؟ وآتجآههم لـ آلتعليم آلخآص ؟
السبب هو الافضل و الاحسن بحكم انه الانسان دايمن يختار الافضل و الاحسن و اكيد كلنه نبي عيالنه يكون تاسيسهم سليم فتلقين اغلب اولياء الامور خاصه الغير مقتدرين يدخلون عيالهم في السنوات الاولى مدارس خاصه و المتوسطه يكملون في المدارس الحكوميه علشان يكون تاسيسهم اقوى و مثل ماقال المثل التعليم في الصغر كنقش على الحجر و هذا ما اثبتته الابحاث التربويه في هذا الاطار
فمثلا كلغه اكييييييد و بلا شك انه المدارس الخاصه الانجلس عندهم اقوى من الحكومه هذا يرجع الى وجود خلل في المناهج و في تاسيس و تدريب المعلمين نفسهم لمن الطالب يداوم المدرسه الي مكسره من بره و صبغه مقشر من داخل هذا شي ياثر على نفسيته بشكل سلبي فاهم شي في العملبة التربويه انه يكون المكان نضيف مرتب الوان سليمه وسايل جذابه في المدرسه و الممرات و كل هذي الشغلات تقريبن غير متوفره في المدارس الحكوميه يا جماعه احنه في ديره الحراره توصل فيها خمسين يعني مدارسنه كلها المفروض تكون مكيفه و مصكره رحموا حال عيالنه ثانيا تعالي شوفي الطوف في المدرسه سواء الممرات و لا الصفوف احلى شي في المدرسه الاداره يسنعونها لهم و حق نفسيتهم اما نفسيت الطالب في قلعت وادرين اهم شي انه الطوف تكون مصيغه ابيض و السلام عليكم انزين ليش ابيض بذات يعني ليش مو الوان ثانيه ليش مو رسمات ليش مو لزقات و شغلات و حركات هذا كله ما تلقينه في المدارس الحكوميه لاكن متوفر في المدارس الخاصه ثالثا و اهم شي المعلم وهو حلقت وصل بين الطالب و و لي الامر و الاداره المدرسيه لمن يي المدرس وهو مو حاب وظيفته كمدرس ماراح يبدع راح يداوم عشان المعاش بس لا اكثر و لا اقل فماراح يشتغل بضمير لانه مايحب هشي هذا فهو زائده بلا فائده عشان جذي نقول لاولياء الامور تركوا حريه في اختيار اعيالكم لتخصصاتهم و كلياتهم حسب رغبتهم مو حسب رغبتكم لانه حب الشيء يعني ابداع و كره الشيء يعني احباط و في مدرسين من النوع الي يبون معاش بس مايبون شغل و انا اعتقد انه الضمير مهم في هذي القضيه المسئله الثانيه القطاع الخاص يعطي دافع للمعلم انه يعمل و يجتهد و لكل مجتهد نصيب فنلقى المعلم في القطاع الخاص يسوي المستحيل حتى يتميز فتلقين تنافس ايجابي بين المعلمين و لا كن في القطاع الحكوي الي يشتغل نفسه الي مايشتغل و بنهايه الكل امتياز فهذا هو الظلم بعينه و علمه

- هل ممكن تعتزلين مدآرس آلحكومة وتتجهين لـ آلتعليم آلخآص لـ تدريس آبنآئك ؟
نعم ممكن لانه ما اعتقد انه كل المدرسين راح يصيرون مثلي انا عن نفسي راح ادرس و باخلاص و راح احط من جيبي الخاص حتى اهيء الطالب الكويتي نفسيا و عقليا و ادفعه الى النجاح بكل الطرق و لا كن غيري ممكن مايسوي لانه مثل ماذكرت لج مافي دافع قوي يدفع المدرس
ولا في مناهج اساسها صحيح حتى تاسس عيالي صح فانا مضطره اتجه للتعليم الخاص لانه ما ابي اعيالي يتعبون مثل ما انا تعبت خاصه في قضية اللغه و حشو المعلومات الي يسبب مرض نفسي اسمع اعصاب
لـ آلمعلمآت ؟

- آرآء آلمعلمآت حول آلتعليم آلحكومي وآلمنآهج ؟
المناهج تحتاج الا اعادة نظر بل ليس المناهج و فقط حتى النظام التعليمي لمرحلة الثانويه لازم يكون يستند على رغبة المتعلم مثل نظام المقرارات و هو نظام ناجح لانه يعتمد على رغبة و ميول الطالب و ياسسه و يهيئه للحياة الجامعيه و لا كن تم حذفه وهني السؤال لماذا تم حذف نظام ناجح و استبداله بنظام فاشل
و لا بد من تغيير في عملية التخصص العلمي و الادبي و فتح الابواب للمواطنين و الطلاب الكويتين بشكل اوسع في تخصصات اكثر و في مرحله عمريه تسمح لهم بااختيار الصح من الغلط و هي تكون من عمر متأخر و ليس من اول مرحله في الثانويه لانه مرحلة مراهقه و اتخاذ القرارات فيها عاده ليس صحيح و لا يكون بمحله


- مآلذي ينقص آلعملية آلتربوية في آلتعليم آلحكومي ؟
اشرت عليه في الفقرات الي فوق ينقصها وايد شغلات في المناهج و في النظام التعليمي نفسها و في مسئلة التخصصات و ينقصها دفعات للمعلمين للخارج و تطوير وظيفة المعلم حيث ان كل شي يتطور و يتقدم
- هل من آلممكن تتجهين لـ آلتعليم آلخآص كَ معلمة ؟
ممكن اذا شعرت اني مظلومه في القطاع الحكومي و لا تقدر جهودي بشكل المطلوب

 

[رضاهم جنه]

انا بقولج بالنسبه لمنطقتي الي انا ساكنه فيها اكثر المعلمات الي معاي عيالهم بس بالمتوسط والثانوي يسجلون عيالهم بمدارس خاصه لان يقولون اخلاق الطلبه مو شي بالمدرسه الحكوميه والمدرسين ما يقدرون لهم لان اكثرهم الطلبه مو كويتيين وبايعينها يعني اجرام ومشاكل وللعلم المناهج الي مسجلين عيالهم فيها نفس مناهج الحكومه بس هم يدورون الحمايه لعيالهم

 

[مطيريه ماركه]

رد : خبر آثآر تسآؤلآتي [ نقآش ] !



أشكركم على ردودكم آلوآفية

مآقدر أقتبس رد رد كل ردوكم صحيحة ووآقعية لآنكم قريبآت من آلمجتمع آلمدرسي وشآيفين بِعينكم كل شي