خبئ دموعي'''

[afaf]

سلام عليكم°°°
مابي طول عليكم لان خانقتني العبرة بس ماسكة نفسي ودموعي مخبيتهم مابيهم يفضحوني

انا مادري ليش أميء تطردني من بيتهم لعلم انا متزوجة وهذا انا بساعدهم بمصيبتهم

طردتني وقالتلي خلي ريلج باجر يجيج ترا ان ماجئ بطردج انا وبقفل باب البيت

وعدتها وقلتله باجررر اكيد بولي ¨¨¨¨ انا مادري ليش دوم تطردني وتكسح فيني

توني عرفت ان جيتي عندهم ثقيله علي طول تطردني مادري ولما اقعد تجملني بكم كلمة

استعفرلله ماهي عيشة ¨¨ الكل طاردني ريلي متهوشه انا وهو وطردني لبيت اهلي موديني

والحين امي تطردني لعلم ترا ماتدري ان ريلي طردني ماقلتله افكر وين اروح دقيت ع ريلي

قالي لاترجعين خلج عند اهلج قلتله بغسل ملابسك وبكويهم سكرا الفون بويهي بالله وين اروح

قاعد فكر لباجر لان امي من صجها مخبئ دموعي مابيهم يفضحني ياااربي رحمتك فيني °°°° دعوتكم لي يابنات ان الله يفرج همي

 

[لمى الهاجري]

ما يصير كلمي ريال حد من هلج ابوج اخوانج او اي حد ثقة يحل هالشي بسالج امج من قبل كذا ولا بس هالفترة

 

[Tom ♥ Jerry]

,


لا حول و لا قوة الا بالله العلي العظيم
دقي على ريلج و تأسفي منه و ردي بيت ريلج
شتسوين بعد الله كريم

 

[جذابه بنت ذيابه]

لا حول ولا قوة الا بالله


ليش شنو السبب تطردج ؟!

وزوجج تاسفي له و خلج احسن منه و روحي بيتج و اذا تزاعلتو قوليله ما اطلع من بيتي ..!


و بخصوص امج اقعدي معاها و كلميها قوليلها شفيج علي و ناقشيها ..؟ يمكن في شي مضايقها منج
و اشتري لامج هديه و روحي لها بين فتره وفتره .. و دايم دقي اسالي عنهاا

 

[تهاني القمر]

ماكو الا تتفاهمين مع ريلج وتعتذرين منه وترجعين يمكن امج خايفه عليج وعلى بيتج ماتبي لج الطلاق

والله يصلح مابينكم​

 

[دلوله 111]

لا حول ولا قوة الا بالله
الله يفرجها عليج ياقلبي
حاولي دقين على ريلج حتى لو اهو غلطان

 

[بعـــيد الشــوح]

الله يعينك والله ماادري وش اقول
بس امك ليش تطردك اخوانك وينهم خواتك لكن ياختي مااملك الا حل واحد توضي وصلي لك ركعتين وطولي فيها واقرائي القران واكثري من الاستغفار وانشاء الله ربي يفرجها عليك

 

[أم تالا 2012]

ياختي الدنيا سياسه أنصحك سايس أمك وقولي لها من الكلام الحلو وبعد ريلج نفس الشي ترا ما يعيش إلا أصحاب اللسان المعسول ولاتنسي الهدايا للوالدة تراها تحنن القلب والله يعينا على هالحياة

 

[هدوء بحر]

الله يفرج همج..

 

[Patcholli]

مو معقوله بدون سبب ؟؟

 

[ناتشوو]

راجعي تصرفاتج
ومهما كانت الهموم
لا تبينينها قدام الزوج وتنكدين حياته

 

[afaf]

امي يابنات من تزوجت وكلعت من بيت اهلي تغيرت مادري ليش ماتبيني بين خواتي بس تبيني سلام دوم تحرجني جذام خواتي وتقولي روحي فكينا اقولها دوم اروح اروح لاتخافين
واخوي الله يهدها يشتكي مني مادري شمسويتلها هي امي قالتلي °°كل مابي ناس تحبني تزيد تكرهني مادري ليش ؟؟ اللهم غفرنك ياارب ياررب تراف بحالي مالي غيرك ياىب العالمين
مشكورين بنات اللي قريتوا موضوووعي علي لاقل فض فضتلكم مشكورين °°° وترا مافي سبب بيني وبين اميء من تزوجت تغيرت علي ماتبين بين خواتي

 

[ناتشوو]

ايه ليش
فجأة تغيرت عليج بعد زواجج؟؟


عالعموم الله يهدي الجميع
ويفرج كل هم
ويسخر لج زوجج

ماكلمتيه؟

 

[afaf]

ايه ليش
فجأة تغيرت عليج بعد زواجج؟؟


عالعموم الله يهدي الجميع
ويفرج كل هم
ويسخر لج زوجج

ماكلمتيه؟

مشكوره ياغالية °°°°° بلا كلمتها والله وتاسفت منه ورديت لها من ساعة 5 صبح قبل لاتطردني الولده

 

[afaf]

اي والله تغيرت عليه حيييييييل بعد الزواج جنها ماتبيني وتحاول تضرفني من عندهم دعواتكم لي ياغاليات عسي ربي يفرج كرب كل مسلم يااارب

 

[مدّهره !]

الله يفرجهاا عليج وويهدي الوالده ^^

 

[معي احلى]

الله يفرج كربك .. ويغير حالك من اسوء حال لاحسن حال ..

 

[عادت ذكرياتي]

الله يهديها بعض الامهات ما يعجبهم العجب الله يهدي هالنوعية ^_^

 

[afaf]

مشكورين حبايب قلبي

 

[ديانا سبنسر]

موانتي اللي خواتج تعبانات. ؟