خاين .....

[المسكـ]

بصراحه موضوعي مو يديد عليكم
ما ادري شقول
زوجي خاين
تعبت منه ومن كثر التعب ما عاد يهمني
زواجنا تقليدي ويبتله عيال
بس مر على زواجنا 3 سنوات بعدها شفته وطحت عليه بشتى انواع الخيانه
افلام سكس
ومسجات خلاعه يقول حق ربعه
ومحطات سكس بالتلفزيون طبعا قافلهم
واخر شي
يكلم وحده بالدوام مادري شنو نوعها بصراحه ما شفتها
طحت عليه اول مره دازلها مسج وبعدين زعلت وراضاني ولاني ابي اعيش سكت
والمره الثانيه يقولها حبيبتي وحياتي يعل ان شالله مايتوفقون لا اهو ولا اهي
وسويتله سالفه وعلمت اهله كلهم وامي كلمت البنت ووقفتها عند حدها
وطبعا بعد الزعل والنفسيه الاكس
حملت وامي زفتني
بس شسوي مو بيدي
ومشكلتي الحين ما اصدقه بولا شيي
وكله اشك فيه
وداايما خايفه من باجر
مادري شسوي
مع اني جامعيه وموظفه ووالله حسب كلام الناس حلوه ودايما بيتي نظيف ومرتب وماقصر عليه بحركات ولا رقص ولا دلع حتى السباحه اسبحه
مادري شسوي
شنو الحل برايكم
مع العلم ان وايد زين لا من الشباب اللي يحب يخربط ولا من الشباب اللي 24 ساعه هايتين
بس مادري شفيه مع هالبنت هل يحبها ولا قاعده تلعب عليه ؟
والمرتين اللي زعلت فيها منه قاام يبجي ويبوس ريلي عشان يردلي
شرايكم ؟؟؟؟

 

[قلبي عبدالله]

جاريه يمكن يطخ ويترك هالسوالف اما على انك تشكي فيه عذرج معاج مافيه ثقه خلاص

انتي بيني له انك واعيه ومستحيل تفوت عليج حركاته ووهدديه بالانفصال كلام بس مو صج وحافظي على بيتج لان لعيال مالهم ذنب والله يهديه ومايشوف غيرك

 

[ابدا يالغالي مانساك]

تعامللي وياه بالعقل بعيد عن الهواش والزف
دامه معنده خرابيط ويحبج
حمدي ربج حالج احسن من حال غيرررج
وعليج بالدعاء له بالهديه وربي يوفقج

 

[shams2008]

كلميه وخلج جدامه قويه
وخرعيه انج بتنفصلين
اذا يحبج تري راح يخاف واعتبريها نزوه
حاولي معاه بكل الطرق عشان عيالج وبيتج

 

[سكوتي بذوقي]

اختي التهديد بشتى أنواعه ماينفع

لأن راح يعاند ويخون أكثر وأكثر

عسى ربي يهديه ويبعد عنه بنات ابليس

 

[دلوعة حمني]

والله حبيبتي ماعندي شيء الا اني ادعيلج
الله يسخرلج زوجج و يبعده عن كل سوء...و يقومج بالسلامة

 

[قآنون كيفكـ!!]

الله يهدييه..
اب اب

 

[iLLuMinaTion]

الله يهديه

وحاولي تعرفين اسباب الخيانه

 

[اميره1980]

اللي يسويه ريلج غلط
بس انتي مرته و لازم تستحملينه و تهدينه و توجهينه للطريق السليم و ما انصحج انج تهدينه دامه فيه الخير و ناوي يتعدل
حسبي الله على اشكال هالبنت اللي تحاجيه و تخرب بيت غيرها يا عسا بيتها يخترب مثل ما تبي تخرب بيوت الناس اهي و اشكالها بنات ابليس

 

[Vaniela]

الله يهديه و يعقل ان شاء الله ..

بس بقولج شي دامه بجى و ترجاج تردين له ترى هذا اشاره ولازم تفهمينها انه مب مستعد يخسرج ..و انه بيسوي المستحيل ولا يهدج ..

الشي الثاني انتي رضيتي عقب زعلتج الاخيره واعتقد انه حلف لج مايعيدهااا عطيه مساحه يثبت لج هالشي ..
واذا على الثقه ما انصحج تثقين فيه ابدا بس عطيه انطباع انج واثقه فيه و بطلي عيونج عدل ..

كل انسان يغلط ,, و في ريايل طبعهم الخيانه يحب يكلم و يخزز الحريم وساعات يلاحقهم حتى بالسكيك بس مرده لج انتي ولعياله ..
انا ما انصحج بالطلاق ولا تروحين لاهلج ..
الطلاق << انتي الي بتتوهقين مصاريف و سكن وتربيه و غير هذا بتمين بروحج الا من رحم ربي وبتعرسين و لعرستي يمكن ياخذ عياله ..
اما لرحتي لبيت اهلج بيفضى له الجو وبياخذ راحته و الريال نساي بينساج على طول وبيدور غيرج وبيعرس ..
وانتي محتاجه ريل طال الدهر ولا نقص ..
وانتي قلتي انه زين ومب مقصر ..
اهو تقصيره من ناحيه الاخلاص << هدديه بس مب تهددينه بلكنه قويه بس فهميه انه ان صار شي ثاني بتكون نهايه الي بينكم و ذكريه ترى عياله بيضيعون و من هالسوالف خرعيه بس مب صج ..
والله يهديه و دايم اشغليه وجددي من نفسج << صيري متفائله خلج مرحه و من هالسوالف عشان ينجذب لج ..
و قنوات السكس << خليه يشيلهم و ذكريه بربه ..
وقولي له الدنيا دواره باجر يصير ببناته ولا خواته الي يسويه ببنات الناس ..

وبعدين حطيها ببالج اهو زين و اهله زيننين معاج ليش تنفصلين .. في جانب مب حلووو حاولي تغيرينه وان ما تغير استحملي .. انتي يوم تزوجتي ماتزوجتي عشان تطلقين .. وتوه صغير ما صار لكم 3 سنوات لا تهدمين بيتج

وتبين الصج خرابه لنفسه << قنوات , مسجات, مغازل . الدنيا دواره واثام عليه .. بس انتي خلج اعقل

 

[om MaRyooM]

لاحول ولاقوة الا بالله



عمري انتي كفيتي ووفيتي وواجهتيه وتحملتيه بس شنو بيدج تسوين اكثر من اللي سويتيه ؟؟؟


مادري شقولج صراحة بس دامج حامل منه الحين لازم تصبرين وتحاولين تذكرينه بالله كل يوم بشكل غير مباشر
يعني لي طلع غيري المحطة حطي قناة القران ..
لي قمتي تصلين خلي يشوفج وانتي تصلين
يوم الجمعة حزة الصلاة خلي يكون عندج طقوس خاصة بالبيت .. يعني شغلي سورة البقرة وخليج على سجادتج يعني خلي البيت جوه ديني بحدود المعقول

وادعيله بالهداية بقيام الليل وبعد كل صلاة


اما عن سالفة البنت هذي والله مادري .. دامج واجهتيه المفروظ يستحي على دمه ويحافظ على مرته وبيته

بس شنقول ... زمن اغبر

 

[ياحب قل حلاك]

عادي شنو فيها لاجيتي تنامين فرغي حرتج بالبجي ونامي شنو فيها
خلاص الكلام ماينفع مالج الا الدعاء شلقينا من الزواج غير كسرة القلب الله المستعان
بس الحمدالله ماوصل اللي عندي لين التيلفون للحينا افلام سكس
والا الظاهر شكله تيلفون وانا مدبوغه خو خلاص انا من عقب اللي شفتهم في جهازه هالمافصيخ كرهت نفسي حسيت اني ولا شى بالنسبه لهم الله يلعنهم
رغم اني لا فكرت احلا باشياء واااااااااجد منهم بس سبحان الله الوحده تعز عليها نفسها لا شافت اقرب الناس لها جذي
الله يهديه لج ويسخره يارب

 

[ثريا الكون]

احس الكلام متناقض يخونج وانتي مليتي منه بس مو راعي خرابيط ؟؟؟ ما فهمت هل شئ

 

[واي بفضفض]

كلمي اهل البنت

 

[موج-البحر]

الله يهديه ان شاءالله

لاتسكتين امصخت السالفة كلميه للمرة الاخيره اول كلمي احد من اخوانج علشان يسنعه

انتي عودتيه ان كل ما غلط تزعلين ويراضيج بعدين صار الوضع عادي عنده

 

[^_^ Coco Chanel]

انا بس ابي اعرف شي واحد !!!!!!
اشلون تعيشون مع واحد بينكم مشاكل ، وفجأه تحملون؟؟؟؟؟
والله العظيم انا مو فاهمه هالشي ابداااااا...
مافي احساس مافي مشاعر؟؟؟؟ !!! الله علم ..
كل وحده حسب تفكيرها وعقلها ...

 

[آتعــبني غـلآآك]

تحملي عشان بيتج وعيالج
والبنت الي يكلمه باين نزوه
وبينساها ان شاء الله

 

[a7la_7b]

الله يهدييييييييه يارب ويسخره لج

 

[الشيخة@]

الله يهدي سركم

 

[المسكـ]

اللي تسال شلون حملت كان حملي مشروع مخططه له من زمان ومو مستعده اني اخسر عيالي ويمشي فيني العمر واتم ماعندي عيال يشيلوني باجر وبعد مابيه يكون عذر عشان يخون على راحته اني ما اييبله العيال
اما الحين فقررت اني افوض امري لله وحده محد يقدر يحل مشاكلي الا ربي والشكوى لغير الله مذله انا احبه واحب اهله مو مستعده تييني وحده بلمحة البصر تاخذه مني ...
مالي الا الصبر والله يصبرني على اللي انا فيه