خايفه

[كويتيه قطوه]

السلام عليكم
شلونكم شخباركم


بنات انا عرسي قرب ووايد خايفه وماعندي احد ينصحني باول الزواج
انا اكبر خواتي و ماعندي بنات خاله وبنات عمي صغار وامي استحي منها حتي لو بتكلمني بسوي نفسي مو معاها وخالاتي كبارر هم استحي ورفيجاتي مو متزوجين فبلييز ابي نصايح منكم والي ما تبي تقول ادش عالخاص انتو خواتي والكل يشهد الي عنده مشاكل ادش والي بساعد ادش هالمنتدى بليز ساعدو اختكم لصغيره
وشكرا

 

[Sweetq8]

شنو تبين انقولج مثلاا؟!؟!

الله يوفقج ويتمم عليج

واضن امج أكيد انصحتج وعلمتج تحترمين رجلج واهله عشان هم يحترمونج وبس

 

[FeShinGoOo]

رد : خايفه

حبيبتي ليش خايفه حلاته البنت جذي تكون قطوه مغمضة وكلشي بتتعلمينه عقب الزواج
تبين نصايح بشنو بالظبط ؟؟

 

[ضماي هو وهناي]

ماعندي الا ربي يوفقج ان شالله
ولا خوف ولا هم يحزنون
ونصيحه اشتري كتاب تحفة العروس
كتاب اكثر من روعه
انا متزوجه الحمدلله من سنين بس والله هالسنه شريته من مركز سلطان
ووايد عجبني وفادني وايد وايد وايد
كتاب اسم على مسمى اكثر من روعه
مفصل عن كل شي يخصج ويخص ريلج
ولا يخالف الحيا ولا شي ولو انه جرئ بعض الشي بس منتهى الروعه
لو انصحج ماراح انصح والحيا بيوقف بيني وبين اي نصيحه بس هالكتاب جدا مفيد
ومبروك ياعروسه وياربي تصيرين احلا عروس وتملكين قلب وعقل ريلج بهالزواج
مبروك
الكتاب
تحفة العروس
اداب المعاشره بين الزوجين بالاسلام
للدكتور عبدالمجيد رستم
مفصل بدون صور بس بدون اي تحفظ على كل شي

 

[~LiBrA~]

رد : خايفه

ماني عارفه شنو بالضبط الي تبين النصيحه فيه

يعني حياتج مع زوجج اعتقد اذا خذيتيلج فرة بالقسم في وايد نصايح تفيد التعامل معاه

والله يتمم عليكم

 

[شمس 20]

الله يوفقج يارب

 

[فاقده حنان ابوه]

الله يوفقج

....