عقب ماتعدي شهور الحمل على خير وسلام
وتدشين شهرج التاسع تبدي تظهر معاج علامات الولاده منها طلق او سداده الرحم عباره عن مخاط معاه دم بني او ينزل عليج ماي البيبي بهالحاله تروحين المستشفى
طبعا اول شي يقيسون ضغطج ووزنج و يسالونج اذا مسويه عمليات من قبل وهذي اول ولاده ولا الثانيه وليش يايه شنو فيج من الاعراض الثلاثه وبعدين عاد يدخلونج عالطبيبه وتفحصج والفحص ما يعور وايد يعني الم تقدرين تستحملينه وان طلع رحمج مفتوح من 3 الى 4 سم يدخلونج ولاده وغير جذي ما يدخلون الا في حالة نزول ماي البيبي يدخلونج على صبعين عادي
وبعدين يودونج غرفتج ويركبون تخطيط قلب الجنين ومعاه جهاز يبين الطلق طبعا الرقم ان وصل 80 معناته الطلق زين وفي تقدم
وان ما ياج طلق يعطونج تحميله طلق صناعي كل 6 ساعات وان ما نفع يركبون عليج الطق بالمغذي
طبعا انتي بهالحاله تكونين بغرفة الولاده غير عن غرفتج اللي حجزتيها ويروحون ويردون عليج لين يفتح الرحم 10 اصابع ويكون خروج البيبي في هذي اللحظه يرفعون ريلج على رافعه تساعدج في الولاده وقبلها يحطوونلج يا كمام او ابرة ظهر عشان الم الطلق وفي حريم ما يبون ولاشي من هالاثنين واذا يتلج الطلقه تشمين الكمام وتروحين بعالم ثاني وان كنتي طالبة ابرة الظهر تشهدين الولاده كااااااااااامله بدون اي احساس بالالم
طبعا ان يت حزة الولاده لاتصرخين لان اللي تصرخ يروح تعبها بالصراخ وماراح تستفيد من ولاشي تسويه يا انج تدفعين لي تحت نفس الخروج تكرمين بس من جدام يانج تكتمينها وتخشين قوتج حزة الطلق يعني مع كل طلقه لازم تدفعين بس هالحجي متى ؟؟؟؟؟؟ اذا فتح رحمج 10 اصابع وباذن الله تعالى تتم الولاده ويطلع البيبي وتسمعينه يبجي وبعدها دفعه قويه ثانيه حق طلعة المشيمه وتطلع المشيمه
ساعات الدكتوره تحتاج لانها تشق شوي من منطقة العجان عشان يطلع البيبي سليم وماياتر خاصة للبجريات
بس تطمني ماراح تحسين بهالشي ان كنتي بخاص لان راح يخدرون المنطقه ووبعد مايطلع البيبي والمشيمه اتخيط الدكتوره مكان الشق وطبعا انتي تكونين بسااااااااااااااااااااااااااااابع نومه
وعقب ساعتين تشوفين وحده تطقطق ويهج تقولج هلوو مدام مبروووووق في بيبي يالله الهين قومي << طبعا تفجين عينج ولا هذي السستر بويهج ويودونج غرفتج وينتهي مسلسل العذاب اللي بدا من 9 اشهر
وه
بس
تعبت
يعطيني العافيه
واي سؤال انا حاااااظره لج حبوبه
