خايفه وايد وابي مساعدتكم ؟؟؟

[milkey way]

مرحبا بنتي بالصف الثامن من سنة أولى ابتدائي واهي في الأكاديمية العربية الإنجليزية والسنة بس نقلتها لمدرسة حكومية لا تسألوني عن السبب لأني لو بحجي ماراح يكفيني اليوم كله .

المهم الحين اهي مستانسه من المدرسة بس أحس انه شي يديد عليها مثل الرياضيات والعلوم لأنه الدراسه كلها بالعربي وفي مصطلحات اهي مو فاهمتها كلش ؟؟؟؟

وانا خايفه وايد انه ينزل مستواها أو انها ماتلحق معاهم ؟؟؟؟ شنو الحل برايكم أحطلها مدرسين خصوصيين ولا أدخلها تقويه؟؟؟

انا أكثر منها خايفه ومرتبكه بس والله اني ما ابين لها هالشي كلش وانا نقلتها هالسنة علشان اتأقلم مع الوضع وما اتوهق معاها عقب اذا راحت الثانوية .

ابي نصايحكم وتجاربكم في عملية النقل من الخاص الى الحكومة وشكرا حبايبي .

 

[بدوية اصيلة]

الله يعينج يقلبى انا بناتى بحكومى فما قابلت هالمشكلة بس ان شاء الله امهات اللى حولوا اولادهم من الخاص للحكومى يفيدونج

 

[m.a.m154]

حبيبتي هاذي مشكله وانا عانيت منها بالجامعه انا تخصص رياضيات وبالجامعه دراستنا كانت بالانجليزي واحنا تعودنا بالثانويه انها بالعربي انا انصحج تحطين لها مدرس خصوصي لين تتاقلم واذا تبين اي مصطلح بالرياضيات اترجمه لج للعربي اكتبيه لي وانا حاضره بس العلوم ما عندي خلفيه فيها واهي بس بالبدايه بعدين تتاقلم انا اول سنه بالجامعه كنت ضايعه عقب تعودت

 

[أم عبووووود]

هلا حبيبتي

انا السنه اللي فاتت نقلت عيالي من الخاصه بس عيالي صغار اكبر واحد اللي بخامس هالسنه

عانيت وايت بالبداية والحمد الله شوي شوي تأقلمنا انا معاهم بالوضع اليديد الحمد الله يارب

الله يعينج يارب بتشوفين صعوبة بالبداية بس انتي أقلمي نفسج وبنتج عالوضع وسهليها تسهل ان شالله

 

[سيدة الكويت]

يعتمد على بنتج اذا شاطره وكانت متوفقه قبل راح تمشى معاهم

بس اذا كان مستواها ضعيف الله يعينج

مالج الا المدرسين الخصوصيين

 

[الكـ صمتـ ــلام]

حبيبتي انا العام نقلت عيالي من انجليزيه لي حكومه يعني 200% الوضع تغير عليهم طبعا عااانيت وهما بعد انصدموا بالمستوى سواء من الطلبه او المدرسين ولو بايدي جان رديتهم بس الشكوى لله وانا ولدي اصغر من بنتج بسنه والحين صارلهم ثاني سنه بس ليلحين العود مو متعود عالوضع:0bee2e8d89: بالنسبه للماث كان شي غريب بالنسبه له لان كل بالانجلش والحين صار بالعربي يبتله مدرس يشرحله من يد ويديد الله يعينج قرار جدا صعب وانا بصراحه تندمت اني سويته مع ان مشوا بالحكومه بس وين هذاك المستوى وين مستوى الحكومه
الله يعينج ويعينا معاج:krkrkr::krkrkr::krkrkr:

 

[milkey way]

مراحب ،،، سوري حبيباتي وقفت مشاركتي لكم بموضوعي والحين برد لكم واقولكم اشصار معاي لما نقلت بنتي للحكومه من الامريكية .

اول شي طبعا غابت اسبوع عن المدرسه علشان سوالف النقل واللويه ومعادلة الشهادة والتعليم الخاص والمنطقه التعليميه تخيلو كل يوم لويه من مكان لي مكان .

المهم داومت بعد اسبوع ونص والله صج الجو غير والمدرسه يديده والله انها نقله بحياتها .

بس الحمدالله عدت على خير ومستانسه حيل من المدرسه والمدرسات بس شويه العلوم والرياضيات وايد مواد صعبه عليها .

 

[milkey way]

اشكركم عزيزاتي على مشاركتي بالموضوع

 

[حلم الطفولة]

حبوبه تو الناس نطري عليها بالتدريج راح تبدي تتأقلم ان شالله.. واحسن شي سويتيه نقلتيها قبل ماتروح الثانويه عشان تتأقلم قبل الجد والنقاط والمعدل ..

 

[milkey way]

والله ياحلم الطفوله ماتصدقين اشلوون انا اللي خايفه ومتوتره حيل ، خايفه من انها تنتكس وخصوصا لما مدرستها قالتلي اهي انطوائيه جذي طبعها ؟؟؟؟ حطيت ايدي على قلبي من الخرعه بس رديت عليها وقلتلها انها يديده تخلي انها 7 سنوات بالخاص يعني عاشت معاهم عمر ، وهذا مكان يديد وماتعرف احد والله اني اسألها كل يوم قعدتي معاه ومنو رفيجاتج ومنو تمشين معاه بالفرصه ، ما اشتكت ولا قالت ماعندي صديقات بالعكس تسولف عن فلانه وفلانه وهذا اللي مطمني اكثر .

 

[حروف من ذهب*]

نفس المشكله قبل سنه نقلت عيالي من البكستانيه لي الحكومه بس مع مرور الوقت تأقلمو

 

[حلم الطفولة]

والله ياحلم الطفوله ماتصدقين اشلوون انا اللي خايفه ومتوتره حيل ، خايفه من انها تنتكس وخصوصا لما مدرستها قالتلي اهي انطوائيه جذي طبعها ؟؟؟؟ حطيت ايدي على قلبي من الخرعه بس رديت عليها وقلتلها انها يديده تخلي انها 7 سنوات بالخاص يعني عاشت معاهم عمر ، وهذا مكان يديد وماتعرف احد والله اني اسألها كل يوم قعدتي معاه ومنو رفيجاتج ومنو تمشين معاه بالفرصه ، ما اشتكت ولا قالت ماعندي صديقات بالعكس تسولف عن فلانه وفلانه وهذا اللي مطمني اكثر .

الله يطمن قلبج عليها ,, انتي بعد لا تحاتين ترى الخوف موجه تنتقل من الأم لعيالها .. ,, أدري الوضع غريب وآنا مرو عيالي بظرف مشابه لم نقلتهم من مدرسه لأخرى نظامهم غير .. بس بعد شهرين بدأو شوي يتأقلمون ,, لله الحمد ..
خليتهم يروحون كل عزيمه وكل حفله ينعزمون لها مع إني ضد إني أخلي بناتي يزورون ناس ماعرفهم . بس كنت إذا وحده معزومه اخلي الثانيه تروح معاها ...

وعزمت بنات صفهم ... وهكذا شوي شوي تأقلمو ...
انتي لاتحاتين .. ترى يبين , والطفل يحس سبحان الله الخوف يأثر عليها حتى لو ما بينتي لها.

 

[اثمان]

السلام عليكم

سؤالى لصاحبة الموضوع

لما نقلتى بنتج للحكومه ما نزلوها سنه ؟؟

 

[milkey way]

مراحب
اي والله صاجه ياحلم الطفوله المشكله بالامهات مو بالعيال

 

[milkey way]

السلام عليكم

سؤالى لصاحبة الموضوع

لما نقلتى بنتج للحكومه ما نزلوها سنه ؟؟

هلا أثمان ،،،
انتي لوتشوفين الطلبات واللويه اللي كنا فيها ، مادري ليش ؟؟؟؟

بس الحمدالله مانزلوها سنه ، بس اطلبو شهادة الصف السابع وعقب قالو نبي السادس بعد وانا الحمدالله بنتي متفوقه بس مادري ليش هالطلبات .

 

[milkey way]

هاي بنات ،،،

بعد المعاناة عقب النقل من الخاص إلى الحكومه وبعد ما جابلتها عدل عدل ومدرسين خصوصيين يابت الشهاده الحمدالله مستواها وايد زين الا الرياضيات تخيلووو انها اسقطت لا وجم الدرجه 15 والله خايفه مادري شسوي مع اني لما رحت الاجتماع الكل يمدح فيها وبشطارتها الا الرياضيات اتقولي اهي وايد ذكيه بس مشكلتها ماتعرف المصطلحات بالعربي ولا اتعرف الأرقام وتكتب دايما بالعكس ، والحين غيرت المدرس ويبت مدرس ثاني واهو حرام قال انه مستواها ضعيف ويبيلها مجابل والحين من يايها اهي اتقول اني قمت افهم عدل والله يستر ​

 

[mr000]

الله يوفقها يارب وميخالف حبيبتي هالسنه لاتدققين عليها وشجعيها دايما ترى تحتاج وقت علما مخها يتبرمج بالعربي مره ثانيه الله يعينها مسكينه وزين منها أنها مشت عادي بالمواد الثانيه.. بس هي البدايه شوي تكون صعبه عليها وان شاءالله تشوفينها أحسن تالي!!

 

[milkey way]

مشكورة حبيبتي ماقصرتي والله ساكته وما أكلمها وحتى لما يابت الشهاده ما تكلمت ولا زفيتها بس نصحتها انها تشد حيلها وتحاول ، والله كريم انشالله .​

 

[milkey way]

صباح الخير ​

 

[mr000]

السلام.. ملكي واي اشلون بنتج مع المدرسه والامتحانات هالفتره...