خايفه من اختي تحسدني

[dom dom12]

السلام عليكم ورحمة الله وبركاته
اول شيي
ابي اقولك انا صارلي متزوجه شهور تقريبا داخله العاشر
وللحين ما حملت وهذا الله كاتبه
اختي اللي اكبر مني متزوجه من سنتين وما عمرها ارتاحت مع اهل رجلها كل يوم مشاكل ومرت ابو رجل
ها الصراحه مو حبوبه كلش معاها لان رجلها ساكن مع مرت ابوه من عمره 4 سنوات ابوه متوفي وامه الصجيه عايشه للحين ما ماتت المهم اهي ما ظلت شهرين وحملت من عرسها ماشاء الله عليها
وجابت عبودي اسم الله عليه ومن يوم ولدت واهي قاعده بيتنا ماراحت حق رجلها ولا يدق عليها ولا يصرف عليها ولا شي والحين عبودي عمره 7 شهور اسم الله عليه
مرت ابوه اهي اللي متحكمه فيه بكل شي
واهي الحين ...........
تغار مني حييييييييييل من كثر طلعاتي انا ورجلي من مجمعات ومطاعم وسفرات وكله مكالمات وما يصبر عني
وعلى فكر اهي من تزوجت طول السنتين والله العظيم ما عمرها طلعت من البيت الا للجمعيه بس
والملابس تبجي على امي عشاني تشتريلها ملابس
وكل ما تكلمت عن رجلي قامت تقول يا حلو عبودي اشهد ان الضنا غالي
يعني تحرني بولدها وانا ورجلي متفقين العيال بعد سنه وما علمت احد عشان محد يهاوشني خااااصه امي
والله ما دري شسوي فيها ..............؟؟؟؟؟؟؟؟؟؟؟؟
ادري طولت بس شسوي ما اقدر اقول حق احد الا منتداي الغالي

 

[مناير ...!]

مع احترامي الشديد لج مااحب نوعيتج
النوعيه الي من اتزوج على بالها اهي صارت ملكه زمانها وكل الناس اعيونهم فيها
حتى اهلها !!

اختج سندج بالدنيا لوتطلقتي تاخذين غيره اما لوماتت مايصير عندج بدالها
وجذي اتحجين عنها !!

 

[*غنج*]

مهما كان هذي أختج لو تزوجتي ريال زين لا تعتقدين انج ملكتي الدنيا وكل اللي حولج حاسدينج جذي بتتعبين،،،

 

[ام كوثر2007]

مع احترامي الشديد لج مااحب نوعيتج
النوعيه الي من اتزوج على بالها اهي صارت ملكه زمانها وكل الناس اعيونهم فيها
حتى اهلها !!

اختج سندج بالدنيا لوتطلقتي تاخذين غيره اما لوماتت مايصير عندج بدالها
وجذي اتحجين عنها !!

والله صاجه مناير .. الحين بالله بتحسدج علي شنو .. ترا النعمه زواله مو عشان اهي ما توفقت بزواجها بتحسدج وتتمنالج الشين


خصوصا انها اختج العوووده والاخت العوووده بمقااام امج والله عيب هالكلام اتقي الله بنفسج يخيتي ولا تتكلمين عن اختج جذى ترا اهي ما تقصد شي يوم تمسك ولدها وبعدين ولدها ولدج .. قوليلها ولدج ولدي واقصري الشر حرام عليج والله اخيتج هذي


ياليت عندي خوااااااااااااااات والله لو تدوس علي راسي راضيه
​

 

[جمبلو جمبليله]

:eh_s(11)::eh_s(11)::eh_s(11)::eh_s(11)::eh_s(11):​

 

[دلع العتبان]

مريضه انتي ؟

شكو اختج تغار ربي يهديج بس !

 

[منو انت]

اول شي الله يعينج على سوء الظن اللي فيج

ليش ماتقولين انها فرحانه بولدها بعدين انتي لج عشر شهور مو عشر سنين

واذا على الطلعات لو تبي تطلع طلعت ماتنطر احد يطلعها وتقدر تطلع مع امج او اخوانج

واسمحيلي بالكلمه شكلج مستكثره النعمه على نفسج شنو يعني طلعتي مطعم مع رجلج حسابه عشر دنانير ترى مو شي جايد او معجزه


صفي النيه الله يهديج ويهدي اختج واذا انتي فكرتج عنها جذي اعتقد هذا بدايه لنهايه علاقتج فيها

بعدين ترى اختج مو جارتج


بعدين اول الموضوع تقولين ان العيال الله كاتب ماتحملين لين الحيين بعدين تقولين متفقه مع زوجج بعد سنه ؟؟؟؟؟؟؟؟؟؟؟؟؟؟؟؟؟

((( يا لـــيــــت مــن الــبـــنـــات الــلـــي نـــفـــس تــفــكـــيـــرج مــاتــدخـــل وحـــده وتـــقــول كـــلـــيـــتـــوهـــا )))

 

[miss_jamsheer]

والله مادري بس الغيره طبيعيه بين الحريم ليش ماتحاولون تصلحون بينها وبين زوجها

 

[سكوتي بذوقي]

مافيه اخت تغار من اختها

الاخت دايم تتمنى الخير حق اختها

 

[أ.بيشو]

والله صاجه مناير .. الحين بالله بتحسدج علي شنو .. ترا النعمه زواله مو عشان اهي ما توفقت بزواجها بتحسدج وتتمنالج الشين ​

خصوصا انها اختج العوووده والاخت العوووده بمقااام امج والله عيب هالكلام اتقي الله بنفسج يخيتي ولا تتكلمين عن اختج جذى ترا اهي ما تقصد شي يوم تمسك ولدها وبعدين ولدها ولدج .. قوليلها ولدج ولدي واقصري الشر حرام عليج والله اخيتج هذي ​

ياليت عندي خوااااااااااااااات والله لو تدوس علي راسي راضيه ​

والله صاااجين ام كوثر ومناير

جان زين عندي خواااات والله

 

[دمثة]

اختج تحسدج انتي ما ترددتي قبل لا تكتبين الموضوع


استغفرالله شهالحجي الحمدالله والشكر علي العقل

 

[أم فـرح الحلوه]

اخاف انتي بس تمدحين زوجج وتذكرين اختج بوضعها حرام عليج اذا هذا نصيبها لا تحرين قلبها ترا لها حوبه

 

[مجنونة هع]

ليش تغار هي متزوجة وانتي متزوجة وكل رجال يختلف عن الثاني

 

[ريـــ205ـــم]

الله يهديج
ترى الرجال يتعوض ويجي مكانه الف رجال
بس الاخت ما تتعوض حبوبه احسني الضن بأختج ​

 

[سوسو حبيبتى]

مناير والبنات كفووا ووفوا

وانا من قريت عنوان الموضوع من برررة وانا حااسه ان السالفه غلط

الله يهديكي

 

[kwt4ever]

مااقدر اقول شي بعد كلام البنات


بس للامانة مرات الانسان يشتهي شي بس مايحصله ومرات الشيطان يعمينا عن ان نشوف حال غيرنا

اي وحدة في حالة اختج تتمنى انها تكون نفسج تطلع وتدش وي رجالها بس هي ظروفها غير ظروفج يمكن انها تتمنى شي بس علشان ترتاح تقول هذا الكلام لج وهي قاعدة معاج

بس نصيحة لما تكونين وياها لا تحجين عن زوجج لانها مهما كان مرأة وتبي تكون نفس النساء الاخريات تطلع وتدش وزوجها يدلعها

حاولي انج تقربين لها تحسسينها انج معها وحاسة فيها
وادعي لها وقولي لها خليها تدعي ربها ان يرد لها ابو عبودي وان يسخره لها

وربج ارحم بعبيده

واتمنى ان البنات مايهاجموون بهذي القسوة

 

[اللهم الجنة]

كلش ولا الاخت اهي اللي باقيتلج

 

[**(فـيـلا دانـتـيـل)**]

تأكدي اللي ماحترمت اختها وعزتهااا

عمر ريلها ماراح يصفالهااا------

والدنيا دواره
ياما رياييل بيوم وليله انقلبو علي حريمهم -----

وياما حريم يطلعون ويسافرون مع رياييلهم
بس مومرتاحين ولاسعيدين---

حبيبتي لاتلعب فيج الدنيا
وتذكري ان اختج اقرب الناس لج
واكثر وحده تحبج وتخاف عليج-----

 

[غبيشة]

مااقدر اقول شي بعد كلام البنات


بس للامانة مرات الانسان يشتهي شي بس مايحصله ومرات الشيطان يعمينا عن ان نشوف حال غيرنا

اي وحدة في حالة اختج تتمنى انها تكون نفسج تطلع وتدش وي رجالها بس هي ظروفها غير ظروفج يمكن انها تتمنى شي بس علشان ترتاح تقول هذا الكلام لج وهي قاعدة معاج

بس نصيحة لما تكونين وياها لا تحجين عن زوجج لانها مهما كان مرأة وتبي تكون نفس النساء الاخريات تطلع وتدش وزوجها يدلعها

حاولي انج تقربين لها تحسسينها انج معها وحاسة فيها
وادعي لها وقولي لها خليها تدعي ربها ان يرد لها ابو عبودي وان يسخره لها

وربج ارحم بعبيده

واتمنى ان البنات مايهاجموون بهذي القسوة

معاج في كل كلمة

 

[sKntyny]

المفروض ترحمينهاااا!!
لا طلعه لا روحه لا سفريات ..!!
مو تسيئين الظن فيها ش