خايفه علئ أمي :(

[أورآق الصفصآف]

ىالسلام عليكم ورحة الله وبركاته ومغفرته
شلونكم يا بنات
قبل فتره شفت أمي متكدره على بعضها ووجها ذبلان وسألها ان جان احد مزعلها مضايقتها لا سمح الله
مارضت تقولي شي ودمعتها بعينها
بعدها صارحتني انه تحس بثديها اليسار فيه كتله عورتها شوي بعدها اختفى الألم لي اليوم ولمن تضغط الثدي يطلع لون اخضر على زيتي غامج !!!
فتقول يمكن سرطان او انسداد قنوات الحليب او غيره؟؟ قلت لها أعوذ بالله مادري الصحي دمج قالت كابي عقب اقتنعت وقالت الاسبوع الجاي اروح وانا مافيني صبر!!!!
فيأريت اتفيدوني الله وجزاكم خير

 

[Tom ♥ Jerry]

.


الله يشفيها يارب و ان شاء الله ماكو الا كل خير
ادعي على طول الله يشفيها ..
و روحوآ الطبيب آحسن !

 

[بطوووطة$بيضة]

حبيبتي روحوا الطبيب افيد لكم

ترى التاخير مو زين

 

[روحين في رـوح]

حبيبتي لاآزم ترؤحؤؤؤن للطبيب اليؤؤم قبل بكرى الصراحهـهادي ممكن تكؤؤن اعراض سرطان الثدي لاسمح اللهـ ف لازم ترؤحؤؤ للمشفى تعملو تحاليل


ومممكن يكؤؤن كيس دهن والله اعلم بس الحذر واجب ياقلبي ماتهملو هالاشي امك لازم راحت من اول يؤم حست بهالاعراض وان شالله خير ومافي اشي خطيييييير


بس نصيحه مني امسكي امك ووديها عند الطبيب هسا

 

[fajorh]

الله يشفيها

 

[SILVER RAIN]

تدرين امي نفس امج جذي كلا تهمل نفسها
وتستحي وتخاف وتقول لا مابي اكلف على احد
لدرجة انها عادي تكنسل موعد عشان ماتضايق احد
خذيتها غصب وديتها الطبيب شخص حالتها
خذيت اوراقها وطرت فيهم سويت لها كل الي تبي تامر وتددلل حجيتي
كنسلت دوامي الي كنت اروحلا بارت تايم العصاري عشان اجابل مواعيد امي
صج عندي اخوان بس هذي امي ولا ارتاح الا لما تتعافى وراحتها من راحتي
كافي 9 شهور ابطنها كافي انها سهرت وتحاتيني لهذا اليوم
كافي انها امي

انا اقولج سوي نفس ماسويت مع امي لاتخلينها ترا والله يستحون من انهم يكلمونا
مع انه احنا اعيالهم !! يامرونا ويقولون لنا سوو يتددللون بس ولله نصيحة
لاتهملين الوالدة
هذي امج
اعيونج المركبة والله يخليها لج يارب ويشافيها ويشافي امي​

 

[SILVER RAIN]

اذا تبين احد يوديكم الطبيب ولله عادي
اعتبريني اختج
^______^ ​

 

[ام الدرر]

ان شالله يطلع دمل او خراج
اهم شي تراجع الدكتور
وعسى الله يعينج على برها ورعايتها
ويشفي الوالدة ويعافيها ​

 

[أبله شقحه]

سلامتها يارب تتطنمييين عليها قولو امين:yaaaaaarb:

 

[~*~الملكة~*~]

ماتشوف شر ان شاءالله

روحوا الطبيب باسرع وقت

 

[granted]

لاتحاتي ولاتخرعينها قوليلها هذي يمكن كيس دهني مو شي يخرع
ووديها الطبيب لانها لو خافت مابتروح عرفتي
الله يشفيها ويخايها لكم يارب

 

[-تكفيني الذكرى-]

طيب الورمة الي فيها تعورها ... وبسرعة كبرت ولا ماتحس فيها وبطيئ نموها
وسبق واغمى عليها ولا لأ

لأن اعراض السرطان اغماء ... الورمة نفسها ماتحس بعوار فيها لم تلمسها ... وتكبير ع بطيئ حيل

 

[وفاء ولين]

الله يطمنكم عليها لازم كشف

 

[قمر بيت أبوها]

مافيها شي كايد ياروحي الاورام اغلبها حميده مافيه شي يخوف ياروحي
يالغلا اهم شي تأخذ عينه من نفس الورمه ولا ماعليها الا العافيه
اعرف بنات بالعشرين والله وعندهم هالمشاكل والحمد الله امورهم الصحيه تمام لا تخافين وتخوفينها ياروحي
اهم شي تكشف عند دكتور جراحه وتاخذ عينه وطمنينا عنها
الله يحفظها لكم

 

[Sweet Angle]

بعد عمري عسى مافيها الا كل خير
روحوا الطبيب اليوم على طول لا تنطرون اكثر عن جذي علشان تطمنون ..
وبإذن الله يارب مابيكون فيها الا كل خير حبيبة قلبي

 

[مولاي الفرج]

حبيبتي على طول فحص واذا ورم راح ينشال

اذا لحقت على روحها بسرعه راح تطيب بس التأخير مومن صالحها !! فهميها هالشي


وماعليها خوف وايد حريم صارلهم جذي وتلاحقوو شالو الورم وهو حميد

 

[هويت وانتهيت !]

لازم تودينها الطبيب علشان تطمنين عليهاا

ان شاء الله ماكو شي صلي قيام الليل انتي وياها

وادعوو ترا قيام الليل سبحان الله باذن الله تكون الدعوه مقبوله

بس لازم انتي وياها مع بعضض بوقت واحد وادعوووو

 

[أورآق الصفصآف]

تسلمون الله يخلي لكم أمهاتكم الله يستر بس ويحفظها ويخليها لي

 

[ya al3rosa]

شوفى اذ يعورها عادى قوليلها قبل لا تتسبح خليها تمسكة وتضغط علية على شكل دائرى اذ يعورها عادى
بس انتى قلتى ان يطلع شى اخضر وزيتى غامج مادرى عن هذا بس وديها الطبيب باسرع وقـــــــــــــــــــــــت اذ كانت اعراض السرطان اللَة لا يقولة يعطونها حبة تاكلها لمدة اسبوع ويروح كل شى وتطمنى وطمنيها ولا تخوفينها

 

[أورآق الصفصآف]

تكفيني الذكرى. ساعات قليل أتحسس بدوخه أنا اللي اعرفه انه كان يعورها شوي بعدها اختفى العوار وأنها كتله اللي فيها وانا ماودي افتح لها الموضوع مابي اخرعها إحنا الحين عندنا شوية ظروف فتأخرنا ان شالله الأحد نفحص دمها وان شالله خير وادعوووولها تكفون الدعوه بظهر الغيب مستجابه ان شالله .
Silver تسلمين يا قلبي عسى ربي يطول بعمر والدتج ويرزقها العافيه.