خايفة

[سحر الشرق2008]

مرحبا بنات انامن اربع ايام اجهضت البيبي لأن توقف نبضه وله من العمر 7 اسابيع ونزل ولم احتاج الى عملية تنظيف لأن الدكتورة اخذت اشعة وقالت ما احتاج عملية والبقايا صغيرة بتنزل بس لسى اعاني من الم ومغص في البطن والظهر وبطني احسه لحد الآن منتفخ وخايفه اذا حملت تتكرر علما عندي ولدين الحمدلله جبتهم بدون مشاكل صحية من اللي مرت بها التجربة تقول تجربتها والله لا يراويها الأجهاض ومتاعبه

 

[big heart]

رد : خايفة

الله يعينج حبيبتي

 

[جذابه بنت ذيابه]

رد : خايفة

الله يرزقج باللي تتمنين يا قلبي



حبيبتي انا اجهضت والحمدلله ربي عوضني خير



شوفي يا الغلا لازم تتنفسين نفاس 15 يوم عشان الالم تروح واشربي حلبه
تقوى الظهر .. واكلي رششاد عشان ينزل الوصخ اللي برحمج



واذا نظفتي روحي سوي سونار وتحليل دم


يبين كل شي فيج


دعواتج الله يسهل ولادتي على خير

 

[أم عبود 2011]

رد : خايفة

خيره من رب العالمين واحمدي الله عليها يمكن يكون حمل غير صحي وربي ريحج منه وصدقيني الحمد لله دام عندج ولدين الله يخليهم يبتيهم بحمل صحي ربي بعوضج المرة الياية مسألة وقت وبترتاحين

ما تشوفين شر

 

[بدوية بملامح كشميرية 86]

رد : خايفة

خيره ان شاءالله

والله يعوضج ان شاءالله

 

[(أم نونو)]

رد : خايفة

ربي يعضج نشالله انا اجهت نفسج وماسولي تنظيفات نزل مني دم 10 ايام وبعدها ظفت بس اكلي دويات عشان تنظف رحمج

 

[خليفة العظماء]

رد : خايفة

انتي الحين نفاس كانج والده وحملج كان 9اشهر لازم تسوين جذي عشان ما ياثر عليج بالمستقبل
وعلي الالم انا قبل اجهضة بسابع والحمدلله علي كل حال وكان معاي الم وعطاني الدكتور مسكن جنا سحر حيل حلو بس والله مادري شسمه
عليج بالاعشاب وقشر القهوا وانصحج تشربين قبل لاتنامين منقوع الدارسين وتنامين بتقعدين الصبح وتلقين كل الوصخ تكرمين طالع منج
بس منقول الدارسين لاتكثرين منها سويها مرتين بس
وتبخري وسوي كل شي كانج بنفاس وعادي


وربي يعوضج وبعوضني خير

دايما قولي اللهم اجرني في مصيبتي وخلفني خيراً منها

 

[خليفة العظماء]

رد : خايفة

انتي الحين نفاس كانج والده وحملج كان ٩اشهر لازم تسوين جذي عشان ما ياثر عليج بالمستقبل
وعلي الالم انا قبل اجهضة بسابع والحمدلله علي كل حال وكان معاي الم وعطاني الدكتور مسكن جنا سحر حيل حلو بس والله مادري شسمه
عليج بالاعشاب وقشر القهوا وانصحج تشربين قبل لاتنامين منقوع الدارسين وتنامين بتقعدين الصبح وتلقين كل الوصخ تكرمين طالع منج
بس منقول الدارسين لاتكثرين منها سويها مرتين بس
وتبخري وسوي كل شي كانج بنفاس وعادي


وربي يعوضج وبعوضني خير

دايما قولي اللهم اجرني في مصيبتي وخلفني خيراً منها

 

[ديانا سبنسر]

الله يعوضج يارب