خايفة ومادري شسوي

[_Fofo_]

السلام عليكم بنات
بنات انا عرسي قريب بس انا واااايد خايفة من اول ليلة وايد قريت مواضيع انها مؤلمة وتخوف ومادري احس اني ضايعة مادري شيوي خايفة ومتوترة ودي كل شي يتكنسل ما اتخيل نفسي بهاليلة شبسوي ماني عارفة شلون بتصرف فيدوني بليييييييز

 

[ريتاج_90]

اول شي الله يوفقج ويسعدج والف مبروك
حبيبتي لـيــ�ـش ..؟! خايفه وتوسوسين
ترى بيعدي هاليوم جنه حلم
ولاتخافين توكلي علئ الله وشغلي سورة البقره
واقريها قبل ماتنامين كل يوم وادعي بكل صلاه
انه يسخر بينكم ويجمع بينكم على خير

ولاتحاتين مافي خوف ترى شي بسيط مو مثل
ما انتيي متصورة
والله يوفقج

 

[دكتواره]

مالهً داعي تخافيييين كلً وحده بهاليوم خايفه خليها احلئ ذكرئ بحياتك

 

[!الجادل الصعب!]

خوف بسيط ممكن ..بس رعب لا ..
شدعوة رايحه اعدام مو عرس ههههههه

الله يوفقج

 

[مذهلة2013]

حبيبتي كل شيء بسيط

صج ماجربت للحين ههههههه

ربي يوفقج ويوفقنا

 

[ليليان ..]

قريت مواضيع انها مؤلمة وتخوف

^ أيش هذي اللي تخوف .؟

 

[الأميرة جوري]

توكلي علي لا خوف ولا شي بعض سوالف البنات يكرهونج بزواج ويسبب لج ررررررعب

 

[غآب نورك ~]

هذا الغلط تقرون وتقرون موآضيـع هالبنات ويالله المخ يشتغل افلام

ترا والله عادي خلج ريكلس واقري سورة البقرة على طول لي يوم عرسج وحافظي على الاذكار

احلا ليله لا تخربينهاا < قولي حق نفسج :Krkrkr:

 

[_Fofo_]

مادري والله متوترة من المواضيع اللي قريتها في بعض البنات كاتبين ان اول ليله يبجون وشهرين على ما يخلصون من هالسالفة وبعضهم خمس اشهر واااايد وااايد خايفة

 

[_Fofo_]

ومشكورين حبيباتي عالرد و عسى ربي يوفقكم

 

[مموريز]

هواين ,,,,,,,,,,,,,السالفة كلها هواين..

لاتخوف ولاشي ,,,وبس بعض البنات يحبون يهولون بالمواضيع..

هدي اعصابك وسمي بالرحمن ,,,وادعي بالتوفيق بحياتك الجديدة...

 

[_Fofo_]

شكرا لردودكم و ربي يوفقكم حبيباتي :eh_s(17):

 

[خل وملح]

لاتصيرين مثلي قبل عرسي مثلج خايفه وكنت اقرا مواضيع بنات ورفيجاتي يسولفون لي بس والله طلع جذب بجذب وقفي عن هالقراءه بالمنتديات وتوكلي علي الله تعالي وبيوم عرسج اقعدي علي صلاه الفجر وصليها وانتي بالسجاده. اقري سوره البقره وبعدها اذكار الصباح والرقيه الشرعيه ورا بعض وكله اقري علي نفسج ايه الكرسي والمعوذتين والفاتحه واستغفري ربج انا سويت جذي والله اني كنت عاديه مو خايفه بدخلة الصاله او بالتصوير عادي الله يوفقج يارب

 

[اميره^_^بحلآها]

حبيبتي شدعوهه رعب و بعدين ترا صج بيمر هاليوم بسرعه ..~
ما عليج من كلام البنات الي حولج او كلام المنتديات كلهه جذب ..~ هاذي اهم ليله بحياتج توكلي ع ربج

 

[عادت ذكرياتي]

أكو بنات يهولون بالأمور ويضخمونها ما عليج منهم ^-*

 

[M!SS.LOBY]

لا تحاتين ولا تترعبين حافظي عالصلاة والدعاء والاستغفار وقراءة القران وسورة البقرة

 

[يجازيك بحبك]

الله يوفقج ويتمم عليج بخير
لاتخربين اهم ليله بالعمر ب الوساوس والظنون كله جذب
توكلي على الله والله يوفقج ....

 

[_Fofo_]

مشكوورين عالرد بس يا بنات انا مو قصدي العرس انا قصدي اول ليله :'( لان مو موضوع ولا موضوعين وااايد مواضيع كاتبين ان يبجون فيها وعلى ما يخلصون منها ثلاث ايام او شهر او شهرين هذا اللي خايفة منه:'(

 

[عاشقه رويشد]

الله يوفقج ويهنيج سهالات ان شاء الله