خال زوجى

[ضوء امل]

مرحبا بنات شلونكم مع الغبار؟ ياربى مرتين اكتب الموضوع ومادر وين يختفي؟
بنات انا مادومت من يوم الخميس وقاعده بالبيت محكوره بغرفتى اكل واشرب والاعب عيالي وانام
والسبه <خال زوجى>اللى جاى من دولة عربيه وقاعد عندنا من يوم الاربعاء لليوم لهالساعه اووووف والله زهقت الاخ ماخذ راحته علي الاخ وكأنه ببته بتقولون لى ليش مايروح بيت اخته اللى هى خالتى بقولكم انهم امقاطعين بعض من سنتين عفيه اخوان
والله يابنات لو تشوفونه اول مايقعد من النوم ينادى الخدامه بصوت عالى مادرى وين قاعد؟ويصارخ بعد عليها ويقعد يتأمر ويتشرط وحطى وشيلي وهاتى وسوووى يتعطل شغل البيت بسبته لو موبس كبر سنه وووووواى شنو ضيف ثقيل لاوالمصيبه اذا قعد مع زوجى وتربعوا بالصاله وهات ياضحك وسوالف وغشمره وشاى وشيشه والصوت العالى يرقع شنو قاعدين بقهوه؟مادرى والله
كلمت زوجى اكثر من مره قلت انا زهقت طفرت شنو خالكك هذا ماكو احساس؟ قال يعنى اطرده فشله ؟ صج فشله بس اهو غثيث ودعله قال صبري بس هاليومين يمكن يطلع من نفسه
والله جبد محكوره واذا كلش بطلع من غرفتى اروح المطبخ البس ككل اللى بالكبت
اووووف شسووووووووووووى بضيف ثقيل جذيه؟

 

[انا لحبيبي .]

معلش حبيبتي هاد ضيف فتره ورح يروح ، وخليه يطلع يذكرك بالخي حبيبتي

بس وين زوجك من الموضوع تبعك؟

​

 

[ام شووووق]

الله يعينج تحمليه ترى هذا ضيف وبروح يبقى الموقف

خله يمدح فيج ويقول والله مرت فلان ماقصرت

 

[ضوء امل]

معلش حبيبتي هاد ضيف فتره ورح يروح ، وخليه يطلع يذكرك بالخي حبيبتي​

بس وين زوجك من الموضوع تبعك؟​

زوجى زهقان حده بس قاعد يجامله ويجاريه بس شسوى فشله يطرده
شكرا حبيبتى لمرورج

 

[ضوء امل]

الله يعينج تحمليه ترى هذا ضيف وبروح يبقى الموقف

خله يمدح فيج ويقول والله مرت فلان ماقصرت

الله الشاهد انى ماقصرت ولا شاف ولاسمع منى الا كل خير بس اتحلطم جدام زوجى زهقت من الحككره والشقه ضيجه
شككرا حبيبتى لاهتمامج

 

[حرم الاسد]

الضيف ضيف الرحمن

ولا تصير عينج ضيقة يا بنت الاجواد

 

[جلكسيه اس 3]

بسيطه نامي بيت اهلج
لما يمل و يطلع

 

[غيمه ظميانه]

اتفقي مع زوجج ان حزه العصر لي الليل يطلع اهو معاه دوانيات او اي مكان بحيث ان بهالفتره تاخذين راحتج

ووقت النوم مو مشكله يرد وينام واكله يوصل لعنده

 

[كيكااا]

حراام ميخالف تحمليه ونتي تقولين ان ريال كبير يعني مو شباب خليه يتامر وياخذ راحته اذا اخته مافيها خير فيه انتي خلج احسن وصدرج وسيع وين يروح الرياال ميخالف كلها فترا وتعدي تحملي بعد عشان انتي وزوجج تشتاقون حق بعض لوووول

 

[قــل مـا تـشـاء]

ماعليه فترة وتعدي بعدين الضيف يجي برزقه وهو اللي يتفضل عليج أنه جاي عندج
لأن ماتدرين إكرام الضيف في الإسلام شنو حسناته ,,
تحمليه كلها أيام وتعدي وخلي زوجج يطلعه يمشيه يوديه القهوة والا الديوانية ويصالحه على أمه إلى متى بيتمون زعلانين !
وأنتي بعد طلعي روحي وتعالي مافيها شي ,,,

 

[A.E]

بس صج انه يقهر لاوبعد يتامر والله شي ينرفز بس وش يعني راح تسوي اصبر وخلي كل الخدمه الي تخديميها لوجه الله عزوجل

الله يوفقج ويريح بالك

 

[نفهمها صح]

اولي شي خال زوجج موو حلال عليج
اذا انتي منقبه اوو متحجبه
خليه يجلس في مجلس الرجل استر للجميع
وكلن ياخذ راحته
وانتوو من البدايه دخلتووه داخل البيت تحملوو
والا ضيف معرووف مكانه ويين
صراحه غلطتكم من الاول

 

[املى كبير]

تقولين رجال كبير اجل ماعليه حرج ....وعادى ليه مكبرتها وحاكرة عمرج شنو بياكلج هوو عادى اطلعى واقعدى معهم واضحكى وسولفى بحسبه خالج هو

وان ماجاز لج روحى لبيت اهلج اقعدى يوم يومين مافيها شئ تغير


حيل مكبرة الموضوع

 

[شطانه طفله]

انا مع غيمه ضميانه حبيبتي تحملي فرصتج تثبتين نفسج وتخلين ريلج يشتاقلج ويبي حنان منج
انا طموشه

 

[أتراب]

اتحمليه ترى هو ضيف وعشان زوجج

 

[ضوء امل]

اتحمليه ترى هو ضيف وعشان زوجج

اتراب ياعيونى والله متحمله وعارفه واجب الضيف بس ساعات اتنرفز من الحككره

 

[ضوء امل]

الضيف ضيف الرحمن

ولا تصير عينج ضيقة يا بنت الاجواد

صدقتى يابنت الاجواد

 

[ضوء امل]

بسيطه نامي بيت اهلج
لما يمل و يطلع

امى وابوى متوفين اروح بيوت خواتى بس ماانام صراحه ماارتاح الا ببيتى وشكلى ماراح يمل نوعيتهم جذيه مغثه

 

[اوراق التوت]

بسيطه نامي بيت اهلج
لما يمل و يطلع

:bbbiu: لو عملتها راح تحلى لع القعدة ويطوووووووووووووووووووووول:krkrkr::krkrkr::krkrkr::krkrkr::krkrkr::krkrkr::krkrkr:

 

[ضوء امل]

اتفقي مع زوجج ان حزه العصر لي الليل يطلع اهو معاه دوانيات او اي مكان بحيث ان بهالفتره تاخذين راحتج

ووقت النوم مو مشكله يرد وينام واكله يوصل لعنده

زوجى مايقدر يطلعه يوميا لان عنده دوام واذا رد من الدوام قابل خاله العزيز وبعدين دش نام لليل وبعدين يقعد متعكر مزاجه كالعاده ومايبى احد يكلمه وقعد وقابل خاله للفجر اوووووف