خالتي ام ريلي بتينني :( ساعدوني شسوي

[متى تفرج بس]

مرحباا

خالتي ميننتني تغار مني حيييييييييل , يعني توني عروس واهي طول الوقت تتصل على ولدها وتخليه يوصلها مشاويرها ماتحس على دمها تقول الريال توه معرس و نايم مع مرته اومشغولين
انا موساكنه معاها ببيت واهي عندها اربع اولاد غير ريلي بس ريلي البجر
يعني ليش تتعب ريلي بمشاوريها واهي عندها اربعه غيره
باطه جبدي ,كفايه دوام ريلي اللي يخليني ماشوفه وايد تجي اهي وتمشوره من مكان لمكان
وعندها فلوووس ماشالله ولاتعبت عمرها ولايابت لها سايق خاص فيها
ماعندها الاتتصل على ريلي وتخليه يوديها الشغل
مصختها حييييييييييييل
حتى رفيجاتها يقولون لها عندش ماشالله نعمه وانتي تخلي ولدج فلان يوصلج فترد عليهم وتقول اي اي انا مابيه يوصلني الا اهو ,شفتو كيف ردها يبط الجبببببببد
اوكي انتي امه على عينا وراسنا بس موكل شي على ريلي واهي اسم الله عندها اربعه غيره في البيت وحتى لوكانت متعلقه فيه بس مولهالدرجه
كفايه متحكمه براتبه واهي اللي تقوله اصرف قد هالمبلغ واشتري واحط ولاتشتري وانا بالعتها وساكته بس توصل انها تاخد ريلي مني لا والف لا
شسووووي لاني خلاص موقادره اتحمل وودي اشكتي لريلي بس موعارفه بيقولي دي امي ومدري شنو
بس يابنات انا وربي موغلطانه اهي عندها اربعه غير ريلي يعني تقدر تقسم مشاويرها بين اولادها وبين ريليي
شسوي بمووووووووت قهر وضغطي مرتفع ونفسيتي زفت زفت , لدرجه بس اطلع مع ريلي احط ايدي على قلبي اقول اكيد بتتصل وبتخلينا نرجع عشان يوصلها مكان ماتبي
شسوووووووووووووووووي :eh_s(2)::eh_s(2):

 

[متى تفرج بس]

معقوله مافيه ولارد
لاتبطون جبدي كفايه خالتي هههههههه

 

[Beauty is Me]

شوفي حبوبه لا بد تصير غيره من أم الزوج هاذا شي طبيعي ومفهوم بالبدايه اهيا ليحن مو مستوعبه انه ولدها كبر وتزوج متعوده عليه كأنه أيام العزوبيه ميخالف عطيها فتره تستوعب هالشي وصراحة المفروض زوجج يبادر بهالشي اذا انتي تكلمتي راح تسببين مشاكل من ولا شي ما ادري هاذا رايي الشخصي

 

[UM HaSSaN]

يمكن اهي مو قاصده شي ويمكن ماترتاح الا مع اهو وقبل لاانتي تصيرين مرته اهي امه المره تتعوض بس الام مستحيـل تتعوض
والله يخليك لريلج ويخلي ريلج لج

 

[YA B3DHUM]

وييييه ياكثرهم الي جذي
تسوين بعد عيزت وينت

 

[شوارفسكي]

اسمحيلي ياعمري بس ترى موكل لعيال حنونين على امهاتهم ياماناس عندهم 5 و6 ويطلع بس واحد لي يحن ويعطيهم من وقته لاتقولين عندها غيره لو تدري انه يقومون فيها مثل ولدها هذا الله يخليه لها ماتعبته وترى ولدها قبل تصيرين مرته اكيد بتحن عليه وترحمه بس لاشافت الكل مصكر اذانه ومو فاضي اكيد بتنحد وفي ناس واجد ما يرتاحون للسايق عادي انتي لاترقبين وتحطين فبالج وترى اللي فيه خير لامه فيه خير لمرته وللناس خليه خليه جزا الوالدين الجنه لاتحرمين الولد يخدم امه ومهما سوا مولاحق جزاها وكل ماحتريتي كثري استغفار ترى هذا ابليس يوسوس بعقول الحريم واذا عامصروف كل شي تقدرين تغيرينه بهدوء وبتفاهم مع زوجج بدون مشاكل عادي واتمنى ما اكون ثقيله بردي عليج بس هذا وجهة نظر والله يوفقج نشالله

 

[اسواريه]

الله يعينج حبيبتي هذي امه احسبيها حسبت امج ولدها بجرهااا متعوده عليه ولا تشتكين للزوجج اسمعي كلامي تراه الرياجيل مايحبون المراه تشتكي من اهله وبالاخير تحسفين اصبري اصبري اصبري عليها حاولي انج طوفين كل مادقت

 

[*غنج*]

مو شرط يكون تفكيرها غيرة لا يمكن ما ترتاح الا مع ريلج حبيبتي هذي أمه كل شي بالدنيا يتعوض الا الوالدين ما يلقى غيرهم استهدي بالله وشيلي الافكار هذي من بالج وصبري يمكن مع الوقت تتغير او تتعود انها تطلب من عيالها الثانين.

 

[بقــآيآ جـروح]

ولـــــــــــــــــــــيش تغآآآآر منج قولي تغآآآآآر ع ولدهآآآ وهذآ شي
عآآدي نفس آنتي مآآتغآآرين ع زوجج من آمه
يمكــــن آهو الوحيد الحنون عليهـــآآآ يمكن تخــــآف يتغير عشآآن
جذي تحآآول تطلع وتي معه المفروض تستآآنسين اللي يحترم آم ويحبـــهآآ
رآآح يحتـــرم مرته ويبرهآآآآ بالعكس شجعيه ولآتنكدين ع عمرج وهذي امه
الرسول يقول لو آنت تصلي وآمك نآآدتك آقطع الصلآه وروحي سئلي آي شيخ
لاتصيرين حسآآسه وآم مردهآآآ بتطخ ووتتغير والله يكتب اللي فيه الخيــــر​

 

[متى تفرج بس]

لاوالله يبين ان تصرفاتها غيووووره حيل , يعني كدا موقف صار جدامي يبين انها تغار
كان اسبوع في الشغل ماشفته وبعدين لما رد البيت مسكين تعب ونام وقامت اتصلت عليه يوم ثاني وتقوله اي مرتك ماخدتك مني نسيت ماوصلتني المكان الفلاني ومتحكمه في ريلي تحكم جنه خادم ليها واهي من النوع المسيطر , يعني معقوله لواولادها مارضو يوصلونها مكان بتسكت عنهم
والا بس تحس انه معاي تتصل على طول , لايكون بتصيرلي زي عادل امام في فيلمه مع حلا شيحه وبتقعدلي في النص
اوووف وربي قهر وان زودتها تراني ناويه على شر ياانا يااهي لوعت جبدي ,ناقص تجي تنام بالوسط بينا

 

[عادي من قلبي أشيلك]

الله يعينـــــــــــــــــــــــــــج

 

[يآحبي الدآيم]

شنو مااا ارضى تاخذ ريلي مني ؟؟؟
انتي تدرين انه هي امه قبل لا تكونين زوجه حرام عليج هذا بجرها ويمكن متعوده عليه وتحبه حييل لن البجر غيير وخليها مثل امج ولا تبينين له انج متضاايقه منها لن شكله يحب امه ومايرضى عليها وديري باالج لا تغلطين وتحسفيين المفروض تفرحين لم تشوفينه يخدم امه وبعدين ترا هي اولا بلخدمه منج يعني يخدمها اول وبعدين يلتفت لج

 

[فلة-شمعة-منورة]

أنت توك عروس
مايصير تشتكين له بياخذون فكره عنك مشكلجيه لكن تعالي معي شوي..<<ناويه للعجوز نيه هههههههه
بطلي أذونك زين
وفتحي عيونك زين
خليك معه بكل مشوآر مثل المسمار في لوح
إذا رآح لأمه نقزي لبسي عباتك وسنتري معه وإذا قال شي قولي متضايقه حدي بروح أغير جو ومن هالكلام
وإذا بغيتيه يبقى معك حطي بطاريه فاضيه بجواله وقفليه ومارآح ينتبه إلا بعديييييين
وخلي العجوز يورم أصبعها من كثر الدق..
ولكن أنا أتوقع أن هذي الحركات تسويها معك عشانك توك عروس
وتبي توصل رساله مشفره لولدها يعني لاتنساني..!
بعد كم شهر بتصد من نفسها أما مسألة الراتب والتدخلااااات هذا خط أحمر إذا ماحليتي الموضوع فالبدايه عمرك مابتحلينه..
آسفه على الأطاله
هدي أعصابك

 

[قاهره عذالي]

اهم شي
انه مو مقصر معاج وولا مقصر بمشاوريج الضروريه على الاقل
قولي له
اذا بغيت تروح مع امك
اخذني معاكم
وانه يعني تحبين تروحين معاه هو وامه وتوسعين خلقج وجذيه
وخلي كل روحه معاهم
يمكن تحس على دمها وتفج

 

[متى تفرج بس]

حبيتي انا غلطت بالتعبير لما قلت مابيها تاخده منه
انا قصدت مو كل دقيقه والثانيه تتصل على ريلي وتاخده مني ماشوفه الابالنادر من كثر مشاويرها
والقهر عمي ابوريلي يسوق ليش ماتخليه يوصلها
بس الغلط من ريلي عودها من قبل لايتزوج انه يوصلها وين ماتبي بس المفروض تحس على دمها اشوي
ياربي صحيح ليقالو محد بيحس بالنار الا واطيها

 

[عاشقه رويشد]

هذي امه مهما كان ميخالف صبري عليها بالعكس دامه بار بامه اكيد بيقووم فيج حبيبتي لا تشغلين نفسج بهل امور

باجر لي يبتي الظنا وكبر ان شاءء الله بتحسسين باحساسها

 

[متى تفرج بس]

أنت توك عروس
مايصير تشتكين له بياخذون فكره عنك مشكلجيه لكن تعالي معي شوي..<<ناويه للعجوز نيه هههههههه
بطلي أذونك زين
وفتحي عيونك زين
خليك معه بكل مشوآر مثل المسمار في لوح
إذا رآح لأمه نقزي لبسي عباتك وسنتري معه وإذا قال شي قولي متضايقه حدي بروح أغير جو ومن هالكلام
وإذا بغيتيه يبقى معك حطي بطاريه فاضيه بجواله وقفليه ومارآح ينتبه إلا بعديييييين
وخلي العجوز يورم أصبعها من كثر الدق..
ولكن أنا أتوقع أن هذي الحركات تسويها معك عشانك توك عروس
وتبي توصل رساله مشفره لولدها يعني لاتنساني..!
بعد كم شهر بتصد من نفسها أما مسألة الراتب والتدخلااااات هذا خط أحمر إذا ماحليتي الموضوع فالبدايه عمرك مابتحلينه..
آسفه على الأطاله
هدي أعصابك

اي قايله بلزق فيه لزقه بصير لزقه عنزروود وين مايوصلها بروح معاه عشان تنبط جبدها :krkrkr: اي بعد زي ماتبط جبدي لازم اسوي مثلها العين بالعين
واصلا ريلي على عمري دايم يقول قبل يبي نتزوج بسرعه لانه تعب من البيت يحس بضغط عليه لانه طلباتهم كلها على راسه مسكين
واهو قال لامه قبل لانتزوج اخيرا بتزوج عشان افتك اشوي من التوصيل ,قالتله ماعلينا منك غصبن من عليك بتوصلني وين ماابي
مع ان ريلي قالها هالحجي من باب المزح بس وده يخففو من طلباتهم اشويه لانه مستحي يقول لهم مااقدر اوصلكم مكان

 

[متى تفرج بس]

اهم شي
انه مو مقصر معاج وولا مقصر بمشاوريج الضروريه على الاقل
قولي له
اذا بغيت تروح مع امك
اخذني معاكم
وانه يعني تحبين تروحين معاه هو وامه وتوسعين خلقج وجذيه
وخلي كل روحه معاهم
يمكن تحس على دمها وتفج

هذا اللي بسويه من باجر وانا اول وحده بكون بالسياره لوووول

 

[متى تفرج بس]

هذي امه مهما كان ميخالف صبري عليها بالعكس دامه بار بامه اكيد بيقووم فيج حبيبتي لا تشغلين نفسج بهل امور

باجر لي يبتي الظنا وكبر ان شاءء الله بتحسسين باحساسها

عارفه حبيبتي بس ريلي مسكين يحس بضغط واحسه تعبان خدت حيلي واخاف تتعود عليه خلاص
وبعدين لوتحب ولدها صحيح جان ماتعبته كل مشاويرها عليه :rgewrg::rgewrg:

 

[Cute mama]

ماعليه ولدها اكيد بتحس بشوية غيره
انتي اذا ان شالله صار عندج ياهل وكبر وتزوج راح تحسين بهالشي
ربته طول عمرها واتعبت عليه واخر شي اتي وحده وتاخذه
مو معناها انها تكرهج او ماتحبج بس لازم تغار عليه
ومافيها شي لو طلبت منه يمكن له معزه خاصه بقلبها عن باجي اخوانه
بالعكس خيوديها واييبها ختكون راضيه عنه على شان يرضا ربج عن ريلج ويوفقه بحياته​