خالتي ام ريلي بتسويلي استقبال شنو تقترحون اللبس ؟؟؟

[ام يوسف2011]

السلااااااام عليكم ..

حبيباتي خالتي ام ريلي بتسويلي استقبال بعد العيد بمناسبة الزواج

فمحتاااااااااااااره شنو اللبس .. بس الي فهمته منها ان بنحط ديجي وبتعزم ناس وايد

فاكيد بلبس نفنوف حفله بس محتااااره بالمديل ..

بنات شنو تقترحون اللبس ؟؟؟:bbbiu:

اول شي بشرح لكم جسمي عشان تعطوني اقتراحاتكم ..

انا لوني حنطاوي على برونزي ووزني 75 >> ادري متينه على عروس :eh_s(14):بس قاعده احاول

عاد تدرون بنات انا قبل الملجه كان وزني 70 بس متنت من المطاعم ..:eh_s(16):

المهم نكمل وطولي 165 او 166 .. امممم وشعري يوصل تقريبا تحت كوعي بشوي

بنات تكفووون حطوا صور مديلات تلوق على جسمي وبشرتي ..

لاتبطون ترى انطركم :eh_s(7):

 

[om mishaal]

الف مبروك
كثر ما كنتي بسيطة وأنيقة وغير مبالغ بزينتج
كثر ما كنتي أحلى ورقيقة وتلفتين نظر الجميع
البساطة والأناقة بتخليج أحلى وحده
وفي وقت لج تخففين وزنج عشان تطلعين أجمل
موفقة

 

[غنيمة حرم سليمان ابوالريش]

اشتريلج بدلة جاهزه روحى الفاتنة وله الافنيو فى محل ديزاينر لاوج وفى محلات بدل سهره فى بالرايه وله الافنيو

 

[أ.س.م.ا.ء]

مبروووووووووووووووووووك
الله يوفقج ويسخر لج ريلج ان شاء الله

لبسي بدلة سهرة راقية وناعمة ... تكون ضيقة وطويلة تبين جسمج ... لا تلبسين بدلة قصيرة لانج انت العروس والاستقبال لج ... الطويلة وايد ارقى
( ولو قدرتي تنزلين وزنج جم كيلو من الحين للحفلة يكون احسن واحسن ياعروسة )

 

[هــنــوف]

قلبي روحي الحمرا مول بالفروانيه واصعدي الدور الثالث وادعي لي بالاخص في محل مو عارض ولا بدله برا والي عارضه داخل اختاري منه وبعد ١٠ تعالي استلمه تفصاال مافي جاهز

وبالنسله لجسمج انا اقول موديل السمكه على طولج يجي جونااان مشالله بس شيلي كم كيلو شحم ويضبط وموفقه *

 

[دزة رزه]

الله يوفقج حبيبتي ....انصحج بنفنوف ناعم و راقي و اذا تحبين سوالف تفصال روحي حق اتليه يوسف الجسمي صراحه تعجبني موديلاته .

 

[أم حمودي**MALL**]

لبسي شي راقي

 

[شيهانه بحريه]

زي ماقالت هنوف السمكه عليك حلو بس تراي تخففين والله يتمم لك على خير ان شاء الله...

 

[أم علي الرفاعي]

ترى مو لي هالدرجة متينة !!!

جربي نفانيف وااايد بالسوق بقصات مختلفة
وراح تكتشفين شنو الموديلات اللي تلوقلج


وانا بالنسبة لي احب النفانيف الطويلة أرقى

 

[law love]

نفنوف طويل يكون نااااعم و اللون فرايحي بس مو فاقع لا لون هادي

كثر ما تقدرين خلي لوكج راااقي

 

[ام يوسف2011]

مشكوووورين حبيباتي كل الي ردوا ..

انا كنت حاطه ببالي مديل سمكه وفيه ذيل بس الذيل مو طويل وايد .. ومشتهيه يكون اللون احمر ناقع يعني عنابي بس

شنو احط فيه بعد ؟؟ يعني احط فتحات ؟؟

وله اسوي مديل الظهر طالع وله ماله داعي >>خاصتا ان خالتي ماتحب التشخلع لووول

امممم احط فيه اكرستالات وكسسوارات لازقه بالنفنوف ؟؟

مادري بنات شوروا علي

 

[حناينq8]

بالمبارك حبيبتي
بالعكس مو متينه لا تتعقدين
روحي المحلات الموجوده بليلى جاليري - زهر - المهلب - الصالحيه - الافنيوز

نقي لج موديل راقي وبالوان تلوق على بشرتج
مثل الفستقي - المشمشي

العنابي ما انصحج فيه لانه يسمر خصوصا اذا كانت بشرتج حنطاويه

 

[You FOR Me Only]

والله احنا بالاستقبال نلبس فستان عرس بس يكون ناعم مو دفش ونسوي تسريحه مو مرفوعه لا نازله مثل ويفي
ونحط مكياج بس تدرين روحي فنيسيا بالخبر فساتينهم رووووووعه ورخاص على 100 دينار انا امفكره اخذ لي من اهناك
جاهز احسن لي ولا عباله التفصيل

 

[dalo3at-ahalha]

موفقه حبيبتي
انا اقول لبسي أبيض الأبيض شحلاااته على الحنطاويات و منها يكون شكلج عروسه و تسريحه رومانيه ولا اي شي ناعم و هالله هالله بالمكياج الناعم الذرب و منها تغيير حق ريلج تردين عروسه مره ثانيه ​

 

[dalo3at-ahalha]

اي صج شوفي هالصور


​

 

[نيو سيدنى]

"سبحان الله وبحمده سبحان الله العظيم"

 

[مملوحة_الوصايف]

انا انصحج بالافنيوز فيس 2 اخذيلج شي جاهز احلى وما افضل يكوون ضيج مرصص جنج وحده من المعازيم واخذيلج لوون فاتح ذهبيات او وايت برونزي سلفر هم حلوو او بالتوفيق

 

[ملكة الاناقة]

سلام عليكم اختي انصحج بلون الاف وايت مع الشغل البلاتيني ويتطعم بالشوارفسكي ذهبي فاااااتح واختاري قصه الفستان فخمه بس ذربه مو دفشه
اذا تبين مصممه راسليني عالخاص

 

[ام يوسف2011]

مشكووووووريييين حبيباتي والله وااايد اتانست على افكاركم وشوركم ..

في كذا فكره اعجبتني الي اهيا ان اللبس اف وايت او ابيض خاصتا ان خالتي بتسوي الاستقبال مو سيده بعد

العرس لا بعد عرسي بشهرين تقريبا فاذا لبست واحد من هاللونين بيطلع حلووو ..

وفكرت ان الروح الخبر هم حلوه لان في بنات وااااايد انصحوني فيها ولا بعد في بجده فنااااتق ورخاص ..

وان شاءالله بدور بالمجمعات الي ذكرتوها قبل لا اشتري عن الحسافه ..

وطبعا التسريحه نازله الصور الي حطتهم الاخت يزاج الله خير ..

والمكياج بحط بصالون موجود بليلى جاليري انا حطيت منه بملجتي وبعرسي بعد بحط منه ..

 

[ترجمة احساس]

اب اب