خاص لمدرسات السراج المنير ..وموظفات السراج

[الشيخه]

السلام عليكم ورحمة الله وبركاته ..

حبيت استفسر كم استفسار من مدرسات السراج المنير .. والموظفات ..واللي له صله بالسراج


انا خريجة قسم شريعه من ست سنوات ..وقدمت عالسراج مدرسه وقبلوني مبدئيا ..باقي اختبار القبول << مربط الفرس :bbbiu:


طبعا احس اني ناسيه كل شيء .. والتجويد موذاك الزود معاه ..هل يدققون بالتجويد باختبار التسميع ؟؟

هل التدريس متعب بالسراج يعني لازم تحضير نموذجي ..ولوحات وسائل وخرابيط ؟؟ وسمعت انه فيه انشطه وافكار هل من تخصص المدرسه هالانشطه والمسابقات ولا تخصص الاداريات؟؟

هل تختار المدرسه بالسراج الماده اللي تبي درسها الطالبات ولا يمسكونها اكثر من ماده؟؟

ابي التفصيل شوي اذا سمحتوا عن طبيعة التدريس ؟؟وكم حصه باليوم تدرس؟؟

اتمني اتمني تساعدوني بنات لان قرار مصيري ومستقبل ولا ابي اتوهق ؟ خصوصا ان لي ست سنوات متخرجه مابي عمري يضيع .. بعد كافي اللي راح :bbbiu:



شنو تنصحوني فيه استمر باختيار التدريس بالسراج .. ولافي مكان افضل من التدريس .. مثل باحثه قانونيه ..







انطركم :eh_s(7):

 

[_--_]

اب

اب

اب


اب​

 

[Angel_store]

اب اب اب

 

[تمنيته]

صيري باحثه احسن

 

[الشيخه]

مشكورين اللي ردو مااقصرتواا


شدعوه مافي مدرسه بالاوقاف !!!

 

[مها2000]

انا مدرسه في دار القران بس رفيجاتي بالسراج
بخصوص اسئلتج اقدر اجاوب عليها :

هل يدققون بالتجويد باختبار التسميع ؟؟

اي يدققون وشدي حيلج فيه لان وايد مرغوب فيه

هل التدريس متعب بالسراج يعني لازم تحضير نموذجي ..ولوحات وسائل وخرابيط ؟؟ وسمعت انه فيه انشطه وافكار هل من تخصص المدرسه هالانشطه والمسابقات ولا تخصص الاداريات؟؟

اهو مو متعب كلش يعني يحوشج بالاسبوع كله 4 حصص تقريبا يعني حيل وناسه وسهالات وراح تخلصين التحضير كله بالدوام

هل تختار المدرسه بالسراج الماده اللي تبي درسها الطالبات ولا يمسكونها اكثر من ماده؟؟

لا علئ حسب الناظره ولا تحاتين من هالناحية

ابي التفصيل شوي اذا سمحتوا عن طبيعة التدريس ؟؟وكم حصه باليوم تدرس؟؟

نصيحتي لج روحي السراج وانتي مغمضة مكان مريح جدا طبيعة دوامهم خمسة ايام بالاسبوع من الساعة 4 الي الساعة 7.5 مساء ( هذا العيب الوحيد انه العصر مافيه صباحي )

بالتوفيق

 

[معلمة_منكوبة]

انزين بنات اشلون على معاشاتهم

 

[الشيخه]

مشكوره مها علي الاجابه .. وبانتظار ابلات السراج


معلمه منكوبه .. اللي اعرفه انهم نفس المعاش

 

[فدييته]

السلام عليكم
انا مدرسه بالسراج المنير من 4 سنوات
اهو دوام خفيف وحلو بس عيبه اهو الوقت عندنا 4 حصص باليوم وتخصصين للمواد شرعي وتربوي
انتي اللي تختارين التخصص بالعاده اذا المركز ماعنده نقص
وطبعا فيه تحضير ووسائل وتوجيه وتقييم
هم عندنا نشاطات للطالبات المدرسات يسوونها دوامنا 4 ايام حصص والخميس ماكو حصص اما نشاط او رحله
معاشاتنا نفس التربيه
صج هم فيه مناوبات بس تفرق من مركز للثاني في منو اللي يمسكها

 

[الشيخه]

فديته

مشكووره حبيبتي ماقصرتي .. بس ماقلتي لي عن اختبارج للمقابله شلون؟؟ كانوا يدققون بالتجويد ؟؟ ولابس اهم شيء حافظه؟؟

وشنو سالوج ؟؟ابي كل شيء هههه بالتفصيل

والله يوفقج

 

[الشيخه]

رفع

 

[مها2000]

عفوا حبيبتي ما سويت شي

 

[اشلون يعني &]

رفع لعيونج

 

[الشيخه]

مشكورين حبايب قلبي

شدعوه انقرضوا مدرسات السراج ؟!

 

[خلطات المذهله]

اااااااااااااااااااااااب

 

[البخت ضايع]

اااااااب

 

[الشيخه]

شدعوه عليكم غبت كم يوم قلت ابلقي المشاركات ومساعدات المدرسات لي .. ولارد لقيت

انقرضتوا يامدرسات السراج ولاشسالفتكم !!!

 

[أميره بلا قصور]

اضم صوتي لج بعرف شنو ممكن يقبلون تخصصات


انا رياض اطفال انفع 

 

[برنسيسة2007]

بس يقبلون شريعه؟
مايقبلون رياضيات-علوم-مكتبات؟

 

[أمل بعد ألم]

بنات إلي بالأوقاف بس شغلهم العصر .........ما في صبح.