خاااام دشاديش

[zO'3a]

بنات عندي سؤال و ابي مساعدة الخبيرات منكم :$
اول شي سووري مادري شنو القسم اللي لازم احط سؤالي بس يلا هني زين ;P

سؤالي يقول شنو احسن نوع خام دشاديش :gr4uu: يعني نوع وإلا بس عل سعر لقيت شي بــ 10 و شي بــ 15 يعني بو 15 اهوه الاحسن والا ماله شغل ;P
وجم متر اشتري اذا دشداشه حق ريال طويل :$ لووول ماأبي أسأله عشان لا يعرف الهديه :tongue22:

و الغتره بعد , الجماغ شنو احسن شي؟!


و شتنصحوني اشتري خام شتوي والا صيفي ؟! اهيا هدية حق شهر 2


مساعده من الخبيرات :$ ياريت تساعدوني حدي عليميه :$​

 

[انا مو هني]

خووش فكرا تصقين ودي اسوي دشاديش حق ريلي
انتي سئلي مال الخام شنو احسن شي واخذي

 

[الاسطورة]

بما انه حق شهر 2
انا من رايي تشترين صيفي
عندج اي نوع خام اسباني
وعندج محل بالبلوكات اسمه جولد هاوس
عنده خامات خوش شي
وهم عنده ماركات
وعندج الغتر دنهل بليلى غاليري
وهم عندج جفنشي اعتقد محلهم بالبلوكات قبل الطلعه



وسلامتج
من كثر ما سألت زوجي
شك فيني
لوووووووووووووووووووووووووووووووووووووول

 

[HASSOS]

شوفي حبوبة روحي محل اسمة الامراء في فرع بالصالحية وفي بليلي جاليري عجييييييييييييب مو طبيعي ريلي على طول يشتري منه واللى يبيعون يشورون عليج ويطلعولج شغلات عجيبة وخامات اتينن وانا تعملت كل ماامر هالمجمعات ادخل اخذ غترة او شماغ من عندهم روووووووعة

 

[ice}{Queen]

اشتري من البلوكات روحي محل عبدالعزيز العوضي تلقين عنده نفس النوعيات الكشخه بس سعره ارخص طلبي خام ربيعي يعني خام شتوي ناعم مو صووف يكون انجليزي متره من 5 الي 10 دنانيير تقريبا واذا بتشترين خام صيفي اشتري اسباني بس عيبه انه يتعفس بسرعه بس في الياباني ما يتعفس بسرعه والريال الطويل يحتاج 4 امتار اذا الخام عرضين علي العموم سالي البائع بالمحل.. وبالنسبه للغتره اشتري غتره دنهيل بليلي جاليري. .وبلييز ادعي لريلي الله يوفقه دنيا واخره

 

[كلي دلع!]

ماااااااااااااااااا أعرف كلش

 

[zO'3a]

wa7sha
أيه الفكره حلوه ;p
بس اخاف يقصون علي اللي يبيعون :0bee2e8d89:


الاسطورة
لووول ما قصرتي والله
و خلاص اعتمدت دنهل من قالري
بس سؤال الغتر مقاسات بعد :gr4uu::gr4uu::gr4uu:؟!!!!


HASSOS

مشكوره والله فدتيني وايد :ggdw:

ice}{Queen
شكلي باخذ الربيعي اللي قلتي عنه ;P
ماقصرتي والله على المعلومات الحلوه ;****
والله يوفقج انتي و ريلج دنيا و أخره إنشالله ;D




مشكورين بنات كلكم والله ..ما تقصرون :ggdw::ggdw:

 

[قصة صبا]

احسن شي اخذي صيفي حبيبتي
و في محل بالصالحيه اخوي كله يشتري منه و سعر المتر 15 دينار شي خيالي اتينن الدشداشه
اخذي3 امتار و نص

والله يوفقكم يارب
و راح اسالج اخوي عن احسن الخامات و اعطيج خبر ان شاء الله

 

[zO'3a]

كلي دلع

لوول استفيدي معاي ;p

 

[شواقه المطيري]

روحي لليلى غاليري جنب محل طوني ورد اعتقد محل للخام الدشاديش خام ابداع كل قطعه احلى من الثانيه ...



والغتر والشمغ في فلانتينو و دنهل روعه وجفينشي الجديد بعد بس سألي عن اخر شي نزل..