خاااااطري البس صندل او اطلع ريولي (سواد الكعب)الله يكبر حظها الي تساعدني

[كراميلتو]

بنااات عرفتو مشكلتي والله تازمت الحمدلله انا وايد راضية بخلقة ربي بس مو معناته نهمل نفسنا و ممكن يكون في حل عمري مالبست صندل و حتى على الدلاغ الشفاف يبين سواد الكعب بليز لا تقولون لي ليمون و جليسويد و مادري شنو لانه جد ما ينفع بس ينعم و استخدمت كريم تقشير واايد خف و بس اهمال اسبوعين يرد مرة ثانية منو عندها حل فتااك او جلسات بعياادة او اي شي لاني بديت أيأس :eh_s(2):

 

[بنت^مطير]

ماني فاهمه وين السواد؟

 

[أم*سلمان]

آب

آب

لعيونج

 

[pink ink]

والله ياحبيبتي مايغيرها الا انك تنتبهي لكيفية جلستك
شكلك تجلسي متربعة دايما وكعوبك تحك في الارض
خالتي عندها نفس المشكلة انا وياها مناقرات لليل الطويل كل ماشفتها جالسة متربعة اقولها رجوووووولك :eh_s(4):
ترجع تنط على الكنبة والا تمدد رجولها لو جالسة على الارض
مع الوقت صارت من نفسها تنتبه لجلستها + التقشير بملح اليوكو تخلطه مع كريم مرطب وتفرك المناطق الغامقة عشر دقايق قبل الاستحمام
وترطبها بعدها بكريم جليسوليد بدون ماتضيف عليه ولاااشي مع اني قلت لها حطي عليه ليمون
لانها كسولة ماكانت دايما تحط الليمون تحلف تقول والله نتيجته بدون ليمون اقوى
تحطه طبقة ثقيلة وتلبس كيس بلاستك وشراب تخليه نص ساعة وبعدين تفك الكيس وترجع الشراب تنام فيه
تعالي شوفي رجولها ماشاء الله لاقوة الا بالله خلال 3 شهور صارت رجولها صاااافية ومكان السواد فتح كثيرررر
حتى اطراف اصابع رجولها كانت غامقة صارت فااااتحة ونظيييفة
وعشان تتأكدي من ان الترطيب هو الحل الوحيد بقولك سالفة
وحدة من صحباتي كانت تدرس بامريكا
تقول رحت لاكثر من دكتور جلدية تعرفي احنا الخليجيات أزمة في المناطق الجافة زي الركب والاكواع
ومو انا لوحدي اللي فكرت في العلاج ..اكثر من وحدة من الخليجيات اللي اعرفهم راحوا لدكاترة جلدية بسبب نفس المشكلة
سواد الركب والاكواع والكعوب
نشوف الامريكيات الوجه والركبة لون واحد واحنا الله يخلف علينا 15 لون
عارفة كل البنات اللي راحوا يدوروا العلاج الدكاترة يش يوصفوا لهم ؟؟؟
لوشن ... والله لوشن عاااادي من اللي في السوبرماركت
قالت اول شي ما اقتنعت قلت مو معقولة لوشن وبس ؟؟
رحت لدكتور ثاني وثالث وكلهم من الشطار اللي سمعتهم زي الالماس هناك
والحل واحد لووووشن !!!
طيب ياجماعة الخير على الاقل تقشير شي يقشع السواد !!!
ابداااا .. غير اللوشن مافي
كلللهم على نفس الموال .. استعملي اللوشن وحطي بسخاااء
تقول صرت اصب الكريم صب وكل ماشفت نفسي فاضية جبت اللوشن وهاتك يادهن
وفعلا لمن اهتميت بموضوع الترطيب بقوة حسيت بان المشكلة كلها تكمن في الجفاف زي ماقالوا الدكاترة
وان الحل في الترطيب بشكل دائم ومو اي ترطيب .. لاااا .. الترطيب من قللللللب لدرجة ان علبة لوشن فازلين الحجم الكبير تخلص خلال شهر او اقل
يعني والله ياقلبي الحل في يدك وانتي بنفسك قلتي انه يخف كثير ويرجع بمجرد الاهمال
الترطيب اليومي والبسي شراب ونامي فيه + التقشير مرة في الاسبوع
هذي الشغلتين خليهم روتين ماتتركيه ابدا وانتي بتشوفي بعينك الفرق
عطيتك مثالين انا شفتهم وشفت الفرق الشاسع فيهم بعد الاهتمام
لاتفكري في جلسات التقشير في العيادات ترى بتضيعي فلوسك على الفاضي اذا ماغيرتي طريقتك في جلستك وما اهتميتي بالترطيب
بالتوفيق ياقمر :eh_s(17):

 

[&موناليزا&]

عزيزتي رفع لعيوووووونج

 

[dubai girl]

سوي بدكير كل اسبوعين مره
تقشير اليوكا يوم هي ويوم لا
وبعد تقشير سكر وليمون او ملح وليمون
الترطيب كل وقت ..
واستخدمي اي كريم مبيض بس مافي كرتزون
عندج كريم من نيفيا

بيخف بس مابيختفي السواد
بس بيخف بشكل ملحوظ

 

[أم البناات]

أب لعيونج حبيبتي البنات كفو ووفو

 

[Pink.Barbie]

اوباااا

والبنات ماشالله اعطوكي حلول

 

[!! دلوعته !!]

اب اب

 

[انوثتي غير وياك]

كويتيات منَ بعدٌ هآلخلـطههَ محدُ يشتكيٌ من سَوآد مفآصل ريولهَ .. حيآكمـَ آللهَ ...~