اول شى مشكورة على الكلام الطيب الى قلتيه واحنا وانتو واحد ماكو فرق بينا وبينكم الا ان احنا نتوظف بكلل الاماكن لان انتو شوى صعبه الوظيفه عندكم والسواقه بس واحنا نتجمع بالبيت اذا كانت زوارة الاهل تكون يوم عند اهل الابو ويوم اهل الام وانتو اغلب جمعاتكم بالاستراحات هذى على حد علمنى لان خوال امى من بريدة وانتو تسمونها استراحه وتجمعون فيها ........ والقرقيعان يكون ليله 13 و14 و15 رمضان اليهال يطلعون يفترون بالفريج ويقرقعون وكل بيت لازم يكون مزهب القرقيعان واى احد يطق الباب من اليهال يغنوله على اسم عياله ويعطيهم بس الحين شوى صارت فناتق فيه واغلب حفلات القرقيعان صارت بالبيوت الحين....... وشنو نسوى بعيد الفطر او الاضحى اول يوم كله فرارة على بيوت الاهل من الصبح لى الظهر والغدا حسب كل ناس وطريقتهم احنا الغدا عند خوالى والعشى عند عمامى او ثانى يوم الغدا عند عمامى وطبعا تلقين كل السينمات والمطاعم والمسرحيات فل طول ايام العيد والمجمعات زحمه يعنى نفسكم ياقلبى ........ والمجمعات الى عندنا كل محافظه لها مجمعات نبدى بالعاصمه فيها المباركيه من اقدم اسواق القرين وتلقين فيها كل شى تراثى وقديم وفيها محلات العطور والبخور والذهب والملابس الشعبيه والمكياج والعبى وملابس البيت البسيطه وعندج سوق شرق على البحر والافنيوز ومنطقه الرى فيها مجمعات بسيطه اغلب بضاعات الملابس تكون خياط الكويت او تركى او صيني .......وحولى مجمعاتها النقرة الشمالى والجنوبى, السندس والايبوب وبلازا والعثمان وكلهم مجمعات خاصه بالحريم من لبس بيت وطلعه وعبى وملابس سهره وكرمج الله جواتى ........ والفروانيه مجمعات خاصه بس بالعبى والدراريع عندج العربيد والنمران
والحمرا مول ومترووو مجمعات كل شى فيها بس المحلات البسيطه مثل مجمع فنيسيا بالخبر
والسالميه راح اتعب وانا اعد المجمعات الى فيها لان فيها شاااااااااااااااااااااااااااااااااااااااااااااااااااااارع سالم المبارك فيه مجمعات ومحلات من الماركات لى العادى يعنى يبيلج جم يوم على ماتفترينه كله وكل شى فيه وخاصه انه شارع قديم فتلقين اغلب الماركه الى تكون ايطاليا وفرنسيه قديمه ومومعروفه وايد عند الكل لان اغلبهم رسمي او سهره وتلقين فناتق وكملى اخر الشارع تبلشين ادشين من اول مجمع معروف الى اهوا المرينا جدامه مثل عمارات قديمه صغيرة احنا معروف اسمه عندنا الحوش لان كله جواتى وانتى بكرامه ويمه ماركس سنبسر وبدايه الشارع الثانى بعد الاشارة اول مجمع الثريا وهذا كله ماركات وبعدين الفنار والبستان وتالا ومريم وسنتر بوينت ...... شارع كله مجمعات فيها كل شى والحلو ان اغلب مجمعات السالميه او المشهورة عندنا لازم سينما ومطاعم ........ واخر محافظه الاحمدى فيها مجمعات وايد عندج اجيال بسيط اغلبه عطور ومحلات ساعات وعبى وفى العاب وسينما ومطاعم وايد وفى هم شارع يمه كله مجمعات فيها عبى وبدلات سهره واسواق شعبيه وكويت والمنشر نفس مجمع الراشد عندكم زيادة عليه فى سوق السمج والخضرة ومركز السلطان الى يكون مثل السوبر ماركت الكبير كل شى فيه ومعاة فندق وفى مجمع صغير كله ماركات .........وفى منطقه اسواق القرين تعتبر منطقه يديدة فيها اسواق شعبيه ومحلات تلفونات وتصليح سيارات ومطاعم ولولو هايبر ورامز هذوله فيهم كل شى حق البيت من اكل ومنظفات واكسسوارات وملابس باسعار رخيصه خاصه للجاليات الاسيويه ........... والاماكن الترفيهيه عندنا 4 اول شىو اقدم شى المدينه الترفيهيه وحديقه الشعب ومرح لاند وحولى بارك ........... واخر سوال لج عن الصالونات
ببجى على ماخلص من هالسوال لان اكثر شى عندنا بالكويت الصاااااااااااااااااااااااااااااااااااااااااالونات يعنى بين كل صالون وصالون راح تلقين صالون
وعندنا بكل منطقه بجمعيتها تقريبا فى صالون وحولى والسالميه والشعب البحرى اغلبها صالونات المعروفه وفى افرع بالفنادق بس انتى وشنو تبين وفى موضوع كامل عن اسامى وارقام الصالونات تقدرين تشوفينه مسوين البنات وماشالله متعوب عليه وبسسسسسسسسسسسسسسس خلصت اسئلتج
بس اطالبج كرتون ماي وكرتون كريم مرطب حقى لان نشف ريجى وانا اكتب وعورتنى اصابعى بس تستاهلين حلالج مدامج من ريحت خوالى وانشالله اكون كفيت وفيت والبنات انشالله يزيدون على كلامى وطوووووووفو اذا فى بدليات
