السلام عليكم ورحمة الله وبركاته
بدش بالموضوع ، انا تزوجت هذي السنه 2015 ، وكنت اشعر بضيق من الملجه يعني بس ماكنت احط له اعتبااار و جا يوم العرس وقتها كنت متضايقه متوتره مثل اي عروس بس مابجيت وكنت متوكله على ربي سبحانه
تم الزواج على خير لكن للحين احس بضيق وماكان يهمني وجود زوجي يعني ماكنت احس بربكه بوجوده كانت مشاعري غريبه متناقضه بس شعوري بالضيق مستمر وانا من النوع اللي يكبت ويتحمل . سافرت شهر العسل ثاني يوم زواج عباره عن اسبوعين مو فاهمه اللي يدور حولي ومتحمله ضيقتي واللي يتصل و يسالني اقوم حمدلله بخير وانا مقموته ومتضايقه رجعت من السفر ماحس براحه مع زوجي وكنت اشعر بعدم الثقه فيه كان حديثه تافهه نوع ما عن اشياء غير مهمه واشياء يعني ماله داعي نتناقش فيها باول ايام زواجنا .
المهم كنت كل يوم اضيق منه وماحب اقعد معاه واحب بيت اهلي وكنت اقول هالشعور طبيعي لان بداية زواج وكل بنت تحس بهالشي !
كنت ماحب اتصالاته ولا سواله عني واكرهه وقت الفراش وانقرف منه وكنت فترتها امرض بشكل اسبوعي من نشله وحراره وبلاعيم وكان وجهي شاحب وضعفت حيييييل مرت الايام وماقدرت اكبت اكثر من جذي كلمت اختي وقلت اللي حاصل قالت بوديج مطوعه تقرا عليج وبلغت زوجي قال اوكي وروحي ولما شرحت له اللي احسه بشكل مختصر ضحك وقال انتي ذكرتيني باغنيه ووو ماله داعي اكمل لان الاغنيه فيها نوع من الاستهزاء علي !!
المهم رحت للمطوعه وقرت علي ونهرت ابجي حييل حييل من تزوجت مابجيت ولا قدرت انزل دمعه وفجرتها هذاك اليوم وقالت المطوعه انه عين وارقي نفسج واقري البقره ،، استمريت بالقراءه على نفسي واستمريت مع المطوعه وكنت للحين اضيق منه وماحب وجوده وجا اليوم اليي دريت فيه اني حامل وقتها كنت مريضه حييل والحراره مطيحتني عالفراش وكنت عند اهلي نايمه اسبوع ورحت بيتي بهذاك اليوم ولما وصلت للباب كرهت اني افتحه وبعدها دخلت وزوجي بسابع نومه وبلغته بشكي بالحمل ورحنا عشان احلل وطلعت النتيجه حامل وقتها كنت متضايقه من وجوده معاي وساكته وبالاخير قلت بروح لاهلي ماقدر اتحمل الضيق اللي فيني سكت قلت رد علي قول شي قال مادري شقولج وبعدها خذيت جنطتي وبعض اغراضي وقال هو كلها يومين وبترجعين ؟ قلت مادري متى ارجع المهم اني قعدت 3 شهور ببيت اهلي حاول فيها يدق ومارديت وكلمته وتساب قلت له ماقدر ارد على اتصالك كلمني واتس
وكان يسال شلونج شخبارج كلمته المعتاده وارد عليه تمام لان ماحب اكثر حديث معاه لاني لمجرد ماشوف اسمه بالوتساب اشعر بضيق المهم مرت الايام وانا احاول ارجع شقتي ولما اقررر انهار بجي وارجع عن قراري
بعدين بعد 3 شهور قررت ارجع ورجعت وقعدت مع زوجي حديثنا عادي وانا ماكنت احب اطالع بوجهه كان طبعه كثير التشكي يحب يشكي بطني يعورني حبه طالعه لي ومن هالكلام اللي استقبلني فيه بعد الرجوع ههه !!!
المهم قعدت وماقدرت انام بنفس السرير ولا هو قال تعالي لسريرج بس يقول ظهرج يعورج نامي بالسرير وكنت اقول مافيني نوم ومرً اسبوعين وهو ولا قال تعالي ابيج او ليش ماتنامين معاي اوً حتى شلونج اللحين شلون ضيقتج صرتي احسن او لا وشنو كنتي تحسين فيه اصلا ؟؟
ماسال ولا فكر يسال ولما ناقشته ليش ماتسال قال مادري شقولج ونزل راسه !
بعدها قلت ليش ماحس انك مهتم وحاس بالمسؤليه عالاقل بالسوال لما جيتك ماعرف يرد قلت انت ختى ماقلت ليش تنامين بالغرفه الثانيه قال ليش ماتنامين بغرفتنا قلت توكً تسال بعد مانبهتك قال حسيتج متضايقه قلت له ومن شنوو اتضايق بالعكس لما ماتسال هو اللي يضايق ! قال انا عبالي صرتي زينه قلت عبالك ؟؟ وشلون دريت وانت ماتسال ولا تدري
( طبعا من رجعت للشقه ماكنت اتكلم حيل معاه واذا سالني عن شي جاوبت باختصار لان نفسيا ماني متقبلته وغير جذي كان يقهرني لما يتفنن بالسوالف التافه والمسرحيات واللالعاب بالفون لكن الجد والمسوليه مايعرفها هالشي قاهرني منه خلاني ماتجاوب معاه مع اني موضحه له هالشي )
المهم زوجي مايحافظ عالصلاه وكنت اتناقش معاه واعصب على الموضوع مايروح المسجد واذا قلت له صل بعد حنه يوضي ويصلي بالبيت ويحاول يتاخر عشان تفوته الجماعه ! وكنت اتضايق حيل وماحب جذي لما اشوفه يفز لمواضيع تافهً وصلاته يطنشها وياخرها ودزيت له روابط فتاوي لابن عثيمين عن الصلاه لكن لا حياه لمن تنادي ! اهتمامه بنظافته الشخصيه ضعيف ووضحت له اكثر من مره وكانه مايفهم واذا ناقشته بالامور الجديه بالحياه مايعرف يرد وكثير الضحك والتفاهه ولا يشعر بجديه ولا يقدر شعوري ! وكثير الحديث مع امه عن خصوصياتنا
وكثير الحديث والجلوس مع امه واخواته لدرجه انه اصبح طبعه وطبع النساء واحد
هذي الامور كلها تزيد بغضي له
ارشدوني يا اصحاب الخبره بالحياه الزوجيه هل تستمر الحياه على هذا الوضع وشعوري تجاهه يصعبها
بدش بالموضوع ، انا تزوجت هذي السنه 2015 ، وكنت اشعر بضيق من الملجه يعني بس ماكنت احط له اعتبااار و جا يوم العرس وقتها كنت متضايقه متوتره مثل اي عروس بس مابجيت وكنت متوكله على ربي سبحانه
تم الزواج على خير لكن للحين احس بضيق وماكان يهمني وجود زوجي يعني ماكنت احس بربكه بوجوده كانت مشاعري غريبه متناقضه بس شعوري بالضيق مستمر وانا من النوع اللي يكبت ويتحمل . سافرت شهر العسل ثاني يوم زواج عباره عن اسبوعين مو فاهمه اللي يدور حولي ومتحمله ضيقتي واللي يتصل و يسالني اقوم حمدلله بخير وانا مقموته ومتضايقه رجعت من السفر ماحس براحه مع زوجي وكنت اشعر بعدم الثقه فيه كان حديثه تافهه نوع ما عن اشياء غير مهمه واشياء يعني ماله داعي نتناقش فيها باول ايام زواجنا .
المهم كنت كل يوم اضيق منه وماحب اقعد معاه واحب بيت اهلي وكنت اقول هالشعور طبيعي لان بداية زواج وكل بنت تحس بهالشي !
كنت ماحب اتصالاته ولا سواله عني واكرهه وقت الفراش وانقرف منه وكنت فترتها امرض بشكل اسبوعي من نشله وحراره وبلاعيم وكان وجهي شاحب وضعفت حيييييل مرت الايام وماقدرت اكبت اكثر من جذي كلمت اختي وقلت اللي حاصل قالت بوديج مطوعه تقرا عليج وبلغت زوجي قال اوكي وروحي ولما شرحت له اللي احسه بشكل مختصر ضحك وقال انتي ذكرتيني باغنيه ووو ماله داعي اكمل لان الاغنيه فيها نوع من الاستهزاء علي !!
المهم رحت للمطوعه وقرت علي ونهرت ابجي حييل حييل من تزوجت مابجيت ولا قدرت انزل دمعه وفجرتها هذاك اليوم وقالت المطوعه انه عين وارقي نفسج واقري البقره ،، استمريت بالقراءه على نفسي واستمريت مع المطوعه وكنت للحين اضيق منه وماحب وجوده وجا اليوم اليي دريت فيه اني حامل وقتها كنت مريضه حييل والحراره مطيحتني عالفراش وكنت عند اهلي نايمه اسبوع ورحت بيتي بهذاك اليوم ولما وصلت للباب كرهت اني افتحه وبعدها دخلت وزوجي بسابع نومه وبلغته بشكي بالحمل ورحنا عشان احلل وطلعت النتيجه حامل وقتها كنت متضايقه من وجوده معاي وساكته وبالاخير قلت بروح لاهلي ماقدر اتحمل الضيق اللي فيني سكت قلت رد علي قول شي قال مادري شقولج وبعدها خذيت جنطتي وبعض اغراضي وقال هو كلها يومين وبترجعين ؟ قلت مادري متى ارجع المهم اني قعدت 3 شهور ببيت اهلي حاول فيها يدق ومارديت وكلمته وتساب قلت له ماقدر ارد على اتصالك كلمني واتس
وكان يسال شلونج شخبارج كلمته المعتاده وارد عليه تمام لان ماحب اكثر حديث معاه لاني لمجرد ماشوف اسمه بالوتساب اشعر بضيق المهم مرت الايام وانا احاول ارجع شقتي ولما اقررر انهار بجي وارجع عن قراري
بعدين بعد 3 شهور قررت ارجع ورجعت وقعدت مع زوجي حديثنا عادي وانا ماكنت احب اطالع بوجهه كان طبعه كثير التشكي يحب يشكي بطني يعورني حبه طالعه لي ومن هالكلام اللي استقبلني فيه بعد الرجوع ههه !!!
المهم قعدت وماقدرت انام بنفس السرير ولا هو قال تعالي لسريرج بس يقول ظهرج يعورج نامي بالسرير وكنت اقول مافيني نوم ومرً اسبوعين وهو ولا قال تعالي ابيج او ليش ماتنامين معاي اوً حتى شلونج اللحين شلون ضيقتج صرتي احسن او لا وشنو كنتي تحسين فيه اصلا ؟؟
ماسال ولا فكر يسال ولما ناقشته ليش ماتسال قال مادري شقولج ونزل راسه !
بعدها قلت ليش ماحس انك مهتم وحاس بالمسؤليه عالاقل بالسوال لما جيتك ماعرف يرد قلت انت ختى ماقلت ليش تنامين بالغرفه الثانيه قال ليش ماتنامين بغرفتنا قلت توكً تسال بعد مانبهتك قال حسيتج متضايقه قلت له ومن شنوو اتضايق بالعكس لما ماتسال هو اللي يضايق ! قال انا عبالي صرتي زينه قلت عبالك ؟؟ وشلون دريت وانت ماتسال ولا تدري
( طبعا من رجعت للشقه ماكنت اتكلم حيل معاه واذا سالني عن شي جاوبت باختصار لان نفسيا ماني متقبلته وغير جذي كان يقهرني لما يتفنن بالسوالف التافه والمسرحيات واللالعاب بالفون لكن الجد والمسوليه مايعرفها هالشي قاهرني منه خلاني ماتجاوب معاه مع اني موضحه له هالشي )
المهم زوجي مايحافظ عالصلاه وكنت اتناقش معاه واعصب على الموضوع مايروح المسجد واذا قلت له صل بعد حنه يوضي ويصلي بالبيت ويحاول يتاخر عشان تفوته الجماعه ! وكنت اتضايق حيل وماحب جذي لما اشوفه يفز لمواضيع تافهً وصلاته يطنشها وياخرها ودزيت له روابط فتاوي لابن عثيمين عن الصلاه لكن لا حياه لمن تنادي ! اهتمامه بنظافته الشخصيه ضعيف ووضحت له اكثر من مره وكانه مايفهم واذا ناقشته بالامور الجديه بالحياه مايعرف يرد وكثير الضحك والتفاهه ولا يشعر بجديه ولا يقدر شعوري ! وكثير الحديث مع امه عن خصوصياتنا
وكثير الحديث والجلوس مع امه واخواته لدرجه انه اصبح طبعه وطبع النساء واحد
هذي الامور كلها تزيد بغضي له
ارشدوني يا اصحاب الخبره بالحياه الزوجيه هل تستمر الحياه على هذا الوضع وشعوري تجاهه يصعبها
