مسااء الخير ياأحلى كويتيات
:stars::stars:
كل عام وانتو بالف بخيير بما انه اليوم اول يوم العيد حبيت اقدم لكم عيديه وانشالله تعجبكم والي اهيه صور شقتي المجكنمه
اول شي راح اوارييكم شقتي قبل مانصبغها انا وريلي @@ اي لاتبققون عينكم انا وريلي صبغناها وبقوولكم السالفه من طأطأ لي سلامو عليكم هههههه :>
وهذا كان حوارنا :>
الساعه 3 العصر ورادين تونا من دواماتنا
انا : اف حبيبي ضيقه خلق ماادري شسوي وقام اطقطق باللابتوب جكجكجكجك شووف صبغ الزيبرا اشحلاته شقتي مو عاجبتنا اشرايك نصبغها
ريلي : لاوالله يايه عله اخر الشهر تقولين خالنصبغ ماعندي ولا فلس :>
انا : ليش نييب صباغ انا اعرف اصبغ وارسم والصبغ اساسا ماراح يكلف عليينه نشتري الفرش واللون الي نبيه ونصبغ دام قاعدين ماعندنا شغل
ريلي : والله خوش فكره خلاص امشي انروح السالميه ونجيك عالاصباغ ونختار اللون الي نبيه بس والله اذا خربتي الطووف ووهقتينا ياويلج ياسواد ليلج
انا : عطييته النظره البريئه لا حبيبي انا اول كنت اصبغ مع ابوي واعرف شغل الصباغين كله جربني افا عليك وانته ساعدني
ريلي : اوكيك يالله قومي
طبعا رحنا وشرينا الاغراض الي نبيها وبما انه اثاثي لونه احمر فكرت اسوي زيبرا والممر اسوي لون الاحمر والباب اسود وصبغت طاوله الطعام لون اسود مع الحاشيه :>
وهذي صوره شقتنا قبل مانصبغها ادري جنها شقه صعاايده لوووووول بس طوفو
واهني قام نصبغ طبعا انكرفنا كراف وهذي الزعبله الي احنا فيها ههههه لاحظو لون الكراسي بيج فاتح صبغناها اسود علشان يمشي مع اللون :>
وهالصور عقب ماصبغنا :>
والصاله صبغنا الاساس ابيض وبعيدن رسمت بالقلم خطوط الزيبرا عالطووفه لاني خفت اتخربط واحصل زفه من الحبيب ههههه وشفت الصوره من النت والخطوات وطبقتها عالطوفه عندي وهذي كانت النتيجه انشالله بيضت الويه :>
بس صج بنات تعب تعب :cxxxp: تقريبا خذا منه الصبغ اسبوع يالله خلصنا والبرده قلبتها بالاول كانت لونها بيضه لاحظو بالصوره الاوليه وتحتها خام اسود
وبجذي نكون خلصنا واذا لقييت منكم تشجييع بحط غرفه نومي ولكم المايك وعطووني رايكم فيدييتكم :tek:
