حياتي في خطر

[قلب الزعابي]

السلام عليكم ورحمة الله وبركاته
خواتي شحالكم
تررددت وااايد قبل ماااكتب سالفتي بس والله محاتجه نصائحكم لان احس حياتي لتتذكر وبيتي يتدمر
بصرامة سالفتي بختصار مااريد أطول
المهم انا الشهر الياي يكمل سنتين من زواجي وطول هالسنتين حياتي كلها مشاكل وضرايب مع ريلي
ريلي كان وايد يحبني ويموت فيني هو اللي اختارني والحمدلله في اقل من سنه تزوجنا وكنت اسعد إنسانه
احب ريلي بجنوووووووووووووون وهو كان يحبني بجنون بس للأسف كان خاين
ادري بتقولون يحبك ويخونج
ريلي قبل ماياخذني كان يكلم بنات وله علاقات طبعن بعض علاقاته كانت للجنس والعياذ بالله
ريلي يموووووووت في شي اسمه بنات يموت فيهم موته حياته يعني عادي لو شاف بنت برتبك وكان يحب يشوف الأفلام
المهم مايطلع كل فضائحه خخخخخ بس ها المختصر
هو وايد حنون وطيب لأبعد حدود بس هالاشيا اللي مب أوكي فيه
زخيته يكلم ثلاث مرات تقريبا وطبعن يكلم مليون وحده
اخر مره زخيته قبل سنه مابدش فالتفاصيل ماابي اعور قلبي اكثر
انا حملت عقب العرس بأربع شهور
دخل الشك فيني والله بنات لدرجة لو شفت بنت فالمول تتكلم فالفون اقول أكيد تكلم ريلي
انهرت وايد وكنت مصدومه لان الخيانات كانت ورأ بعض
لدرجة حاولت انتحر
كان كل مره يعتذر ويرد للخيانه
كنت يوم أصيح وأبي اروح لأهلي مايخليني ويترجاني
بس للأسف كاااااان يسوي كل هذا
بعد ماربيت وقعدت النفاس عند اهلي ويوم رديت بيتي الشك بعده موجود
كنت اتهاوش معاه علي أتفه سبب وكله يكون شك ويبرر لي الموقف ونتراضي
ونرد
عقب ريلي تغير
صرت اسوي المشكله ولا يهتم أصيح أزعل اتهاوش لو نص الليل يخليني اولي وينام
لدرجة قالي صيحي لين بأجر مايهمني
قام مايهتم فيني مايدرايني نفس قبل
مايقعد فالبيت ماايي الا حزة النوم
استوا وايد قاسي
وانا بس اشك فيه وأزعل واتهاوش معاه واصيح وهو ولا همه
بختصار هو عايش حياته يعاملني ام ولده وبسسس لا اكثر
بنات نازعوني قولو اللي تبون
بس اللي جربت الخيانه يمكن تحس فيني
ريلي كرهني عايشه وياه نفس الاخوان
الشك دمرني
ودمر حياتي
من سنه ماشفت عليه شي ولا صدته يخون
بس ياناس صعبه تنصدمين بأعز الناس
مثل ماتقولون كنت طائرة من الوناسه وفجأه انكسرت مت انجرحت
قبل ريلي صبر علي لانه كان غلطان حاول يطير الشك مني وانا يوم زينه معاه وعشرة ضرابه
من شهر اتفقنا نروح لمصلحه اجتماعية ورحنا اول جلسه وكل واحد منا طلع اللي فخاطره
النتيجة اللي وصلنا لها مع الدكتورة انه الغلط كله مني واحتاج لجلسة ثانيه
وسرنا جلسة الثانيه وتكلمت مع الدكتوره
وتوصلنا بعد ماسوت لنا اختبارات نفسيه أن الشك لاعب فيني لعب واني مهتمه في زوجي زيادة عن اللزوم ومهمله نفسي
وريلي انسان يحب نفسه وايد وغامض ومب قد الزواج
المهم الدكتوره نصحتنا وقالت شو اللي لازم نسويه
وانا من الجلسه الثانيه بديت اطخ الحمدلله الشك خف
بس ريلي بنات وايد اتغير مافيه حب ولا رومانسيه ولا حنيه
مول مانسولف كله برع البيت بنات ريلي كارهني وااايد وامبين من اسلوبه
انا ما أنام ألا ودموعي علي خدي
مول ماكسر خاطره نرقد كل واحد عاطي الثاني ظهره
احبه بجنون عندي منه ولد والثاني بالدرب ان شا الله
ادري غلطانه
بنات ماكتبت الا لأني أبا نصائحكم
ابغي يرد نفس قبل
من شوي وحنا رادين من بيت هله
طبعن وداني مطعم وتعشينا صح يطلعني ويوديني بس كل واحد بعيد عن الثاني
المهم واحنا رادين فالسياره كنت واااااااايد مستناسه قلتله عطني ايدك مسكتها ورضيت عليها
قلتله انته وولدي أغلي ناس في حياتي أحبكم اكثر عن اهلي الله لا يحرمني منكم
حسيت ويهه تغير قالي خفي علينا ههههههه
قلتله والله أنكم أغلي من حياتي
قالي تبين الصدق ولا اقص عليج وليته خلاها في قلبه ولا قالي
قلتله قول
قالي انتي ماخليتي فيها حب ولا شي
سكت انصدمت دموعي طاحت بس مابينت له
قالي انتي وصلتينا لهالحل خليتي علاقتنا سطحيه
بنات انا سكت تميت العب ولدي عشان مايشوف دموعي لان اصلا مايهمه صحت ولا لا
بنات اول مانزلت دخلت غرفتي وانهرت
هالموقف خلاني اكتب لكن الله يخليكن لا تحرموني من نصائحكم وحلولكم
محتاجه أبا اتغير
بنات انا فاقده الحب والحنان
ماعرف شو اكتب خلاص نفستي زفته

 

[امانينا]

الله يعينج
ومن كلامج انتي حاسه بانج السبب
بس مادام عاتبج صدقيني للحين باجي لج بقلبه شي وانه متأثر بوضعكم
اكيد الخيانه تذبح والشك يعرفه الي جربه
بس شستفدتي انتي اللي قاعد تبجين وتعبانه واهو لاهي
حاولي تردينه لج بينيله انج تغيرتي
بس بدون لايصير محور حياتج
لا تلاحقينه حصلتي وقت وياه خليج مرحه
وشاركيه باللي يحبه غيري كل نظامج لبسي وكشخي وغيري بالشقه مستحيل ماراح يلاحظ
دزيله رساله انج ولهتي على سوالفه
وبيرد لج شوي شوي

 

[عويتقة]

عورتي قلبي انا مومتزوجة وما عندي خبرة بس عسى ربي يزرع حبك في قلبه اكتر من وانتي عروس

 

[$كشوخه$]

سوي اللي قالتلج عنه الاخصائية ، اهتمي بنفسج اكثر ولا تخلينه هو محور حياتج كلها

اهتمي بنفسج ووبيتج وبولدج واشغلي نفسج بأي شي وكثري استغفاار

الله يحنن قلبه علييج ويخليه لج وتولديين بالسلامه ان شاء الله

 

[وردة الدوحه]

وحده من ربعي نفس سالفتج بالضبط كللله تصيده وابدااا ما تطوف له

أخر مره صادته وزعلت وراحت بيت اهلها عبالها بيراضيها اقعدت اسبوعين ما سأل عنها أخر شي

راح لابوها قال انا مب جاي ارجع بنتك هي ويهها ابيض وما عليها قاصر بس أنا خلاص ما ابيها

من كثر ما تصيدني أحس مالي ويه اني أحط عيني في عينها أو أعيش معاها !!

وبصراحه بنتك طالق وورقتها بتوصلكم الاسبوع الياي

طبعا انصدمت لأنها تمووووت فيه وطلقها وعلى طول ارتبط بوحده ثانيه صفاتها عكككس صفات رفيجتي سبحان الله

فدامج تحبينه طوفي له أما اذا انتي عايفه روحي أخلعيه أو اطلبي الطلاق !!

 

[قلب الزعابي]

انا وايد احبه
وكنت اسبب مشاكل من ولاشي وكان يقولي لو واحد ثاني كان طلقج
وماابي أدمر حياتي وأخربها عشان بنات الحرام
انا بديت اتغير
بس والله تعرفون الحمل والتعب
هو متي مابغاني عطيته ولا قصرت من كل النواحي
يمكن اهتمامي الزائد فيه وصلنا لهدرجه
بس تعبت ابغي حب وهتمام
تسلمون فديتكم وماقصرتو

 

[Gifts&Occaions]

الله يعينج حبيبتي ومثل ماقالوا البنات حبي نفسج واهتمي فيها

 

[ظبية بوظبي]

عنوني بنت الزعاب
شوفي اولا زوجج هذا فيه مرض اسمه ادمان جنس وبنات وهالشي يكون صعب يسيطر عليه

وثانيا اظاهر ان زوجج شخصيته شمالي غربي او اعكسيها
قبل كان يحبج واختارج من بين كل هالبنات لانج كنتي محلوه في عينه
لكن بعد ما اخذج مل منج ومن حنتج ولهفتج عليه
عاتي غناتي
قصتج سهله كثيرررر
وقريت عند ناعمه الهاشمي قصه مقاربه منج
اممم لو تحبين بدور لج عالقصه

المهم هذا عشان يرد يركض وراج
لازم تعطينه مساحه حق نفسه
وتهتمين بنفسج
ولازم تتوظفين عشان تشغلين بالج وتلهين عنه
وعليج تخلينه يبدا هو الي يركض وراج
تراه ما يحب الي راميه نفسها عليه
يحس انه ما تعب عشان يوصل لها
وهالنوعيه من الرجال يحبون المره الانانيه الي تحب نفسها ونفسها فوق اي اعتبار
وتكون مدلعه حالها وانثويه بكل معنى الكلمه
ترى الانثى شبهوها بالقطوه لان القطوات مالهم امان وقت لبغوا الشي تمسحن وبعد ما يحصلن الي يبونه يخرمشن انانيات خخخخخخ
عاد الرجال يحبون المره تكون بهالطبع
يعجبهم طبع المناوش الله ياخذهم
العيشه معاهم تقصر العمر

المهم معرف كيف اصفص كلامي
بس لازم لازم تقرين قصه ناعمه الهاشمي

وفالنهايه في رجال مالهم حل
يا الوحده تشوتهم وتعيش حياتها
ولا تنفصل وتريح قلبها

***

هذي القصه بجد رهيبه كانت اول قصه اقراها لها وتاثرت كثير واستفدت

قصه امراءه انتصرت على خيانه زوجها..مع الدكتوره/ناعمه الهاشمي..

انا اسمي القصه ب الصندوق الاحمر
كنت بحط لج رابط بس ممكن ممنوع

موفقه قلبي

 

[بنت الاجواااد]

الله يعينج ويصبرج على مابتلاااج لان انا من اصعب هالأموور عندي هالموووضوع هذا واعتبره ابتلاااء

 

[سارة ة]

الله يعيييينج
اااب

 

[لمعة سراب]

شوفي حبيبتي
آنتي زوجج من النوع الملول
ويكره المره الي بس تبجي (تصيح) على اتفه شي
ممكن يتعاطف معاج آول مره بس بعدين بيمل ويبتلش مايعرف شيسوي!

فـ آنتي آذا عبالج هذا صح وقفي هني وبطلي الهواش والبجي والشك آذآ
تبون تردون مثل آول إن شاء الله

ممكن آهوآ يميل لغيرج بس ترى هذي نزوات وهو عارف مليون بالاميه مستحييييييييل ياخذهم عليج

انا ماقول اللي يسويه صح! لا آبداً

آنتي آللي عليج تقوين الوازع الديني عنده

دايما ادعيله ناديه معاج تصلون جماعه

اقروا قرآن كريم مع بعض

صدقيني ماكو الا هالحل لان الدين حرم النظر الى غير المحارم

بس يقوى آيمانه وآيمانج كلكم بتحسون بآحلى لذه آيمانيه وإن شاء الله كل مشاكلكم تنحل

وياقلبي لج آلآجر إن شاء الله



دعواتكم

 

[Um Tuki]

غلطااااااااااااااااااااااااااااانة !!

تعرفين ليش .. ؟؟

انا كنت اسوي مثلج ؟؟ اصيح و اسوي مشاكل على طول و أذكر اسم اللي كان يكلمها ( طبعا كانت اول حب له من يوم كانو صغار لأنهم كانو جيران ) وانا ثاني وحده عرفها طبعا
من اروح بيت اهله اقول اوووه فلانة موجودة روح شوفها .. و اذا مرت سيارة نفس سيارتها اقول نفس سيارة فلانة عيشته عيشه ما ينحسد عليها .. مادري شلون تحملني لحد ما قلت ستووووووب انا قاعده اذكره فيها ..

تقربت منه حبيته اكثر و تغير مليووووووووووووون درجة ..
اهتميت بروحي و تركته عني .. لهيت بنفسي و بولدي صرت غامضة معاه .. صار يركض وراي ..

تدرين ليش لما تصيحين ما يهتم ؟؟ لأنه تعود على دموعج ..

خلج قوووووية وايد وايد حسسيه بالقوة لأن هو يركض ورى البنات يبي وحده قوية وغامضة وانتي مافيج هالشي ابدا ..

تركيه عنج خليه آخر اهتماماتج .. و ما اقصد قصري في حقه بس لا تراقبين حركاته ..

ربي يسخره لج يارب ..

سوي نيوووو لووووك .. غيري قصة شعرج .. طريقة حواجبج .. دشي يو تيوب جوفي لون يحطن ميك اب غيري ستايلج .. فهمتي قصدي .. اهتمي بروحج اكثر و غيري كل شي

حتى الشور جل مالج و عطوراتج


احبج في الله اختي .. واي شي فيج احنا حاظرين

لا تخلين ولدج يشوفج بهالحالة ابدااااااااااااااااااااااا ابدااااااااااااااا .. تأثر في نفسيته

 

[DooDii4]

حياتي حاولي تغيري من نفسج اكثر، سافروا قبل لا عقب النفاس غيروا جو رجعوا الحب الي راااااح
ترى حتى انا من كثر المشاكل مع زوجي بسبب اهله طبعا قمت ما حس بالحب وعااادي تمر ايام ما اكلمه وما اشوفه
سوي شي غير تدلعي صيريله الطفلة الي يحب يدلعها والله يهون عليج

 

[Patcholli]

اهو يقولج انتي ماخليتي فيها حب ؟؟

وخيانته والزنا والفجور الي كان يسويه شنو ؟؟ يعني اهو الي يكون رومانسي ووفي ومخلص وصاينج بعيونه ؟؟

اهو زاني وراعي خرابيط لا يقعد يلف السالفه عليج ؟ وردة فعلج طبيعيه لانسانه شافت كل هذا من زوجها اللي حبته وخلته كل حياتها

مو هذا موضوعنا الموضوع الحين اذا انتي واثقه ان زوجج تاب توبه نصوح

ابتدى معاه صفحه يديده وقوليله خل نبتدي صفحه يديده انا وياك واهو طالما انه راح معاج للمصلحه الاجتماعيه يعني وده يصلح الوضع مو غاسل ايده منج

اللي عليكم الحين انتو الاثنين تتفقون انكم تبدون صفحه يديده

اهو يبتعد عن الخيانه
وانتي تبتعدين عن الشك وعن النكد بعد
انتي حسبالج الريال ليش شفاج تبجين بتكسرين خاطره ؟؟ لا ياعمري
اغلب الرياييل اذا مو كلهم ممكن يتعاطف معاج بموقف حساس بس اذا شافج تبجين على طول وبشكل مستمر بتلوع جبده وبيزهق منج وبيحس بالنكد والكأبه وماراح يحب يتواجد معاج بينحاش من الجوء الكئيب .. بيدور على وناسته وبيخليج انتي ميته قهر وذابحه عمرج من البجي

روحي سافري مع ريلج جم يوم جددو شهر العسل ..
حسسيه انج تحبينه وانج صج صرتي واثقه فيه
حتى لو شفتيه يخز سوي روحج ماتشوفين اهم شي ماكو شي فعلي
دلعيه دلليه كشخيله
سويله مفاجآت
عزميه على مطعم او على مساج
واهو بعد بالمقابل لازم يسويلج مو بس انتي الي تسوين

التغير لازم يكون منج ومنه

 

[نسرين شام]

:eh_s(7):

​

اسمعي حبيبتي الرجل وكل الرجال يملون من الرومانسية ولا يحب المرةالي تبكي عالطالع وعلى النازل خليكي قوية لاتكبين نفسك علية انشغلي باولادك شوية هو عارف انك بتحبيه موت وشايف نفسة عليكي انت دائما مهتمة بيه وهو لا وهورجل سكسي كوني كما يحب امراةسكسية غيري من نفسك ومن شكلك اعمليلة اخر النهار يعني باليل سهرات البسيله واعمليلة شو مابدو بما شرع الله والله احنا النسوان قادرين انا نضحك على عقول الرجال انا زوجي نشف ريقي علي الرغم اني كنت احبه موت كنت ادعي هدا الدعاء (اللهم اصلح حاله وحببه في كما حببتني فيه) بعد كل صلاة دائما ادعيله بالهداية وهيه والحمدلله كما احببت حاولي دائما ان تجلسي معه وتشوفيه شو بدو في شو بيفكر واهم شيء سهرات الليل بيصير يركضلك ركض والله يوفقك حبيبتي ويهديه لكي (كل رجل والو مفتاح) وانشاء الله بتلاقي مفتاحة

 

[Qataria elegant]

حبيبتي الله يعينج ويعين كل مرأة زوجها خاين بس حبيبتي انتي لا تشغلين بالج وحطيي ببالج ان هذي مو مشكلة زوجك بروحه ترى معظم الرجال الخليجيين خاينين.... بس انتي وايد عورتي قلبي ومو حلوه انه يقلب الغلط عليج انتي وتطلعين انتي الغلطانه وانتي سبب خيانته لانه ببساطه انتي مش السبب
دامه اختارج انتي بالاسم وتزوجك معناته انتي الوحيده بقلبه والباقي مجرد علاقات عابره...

نصيحتي لج...
أولا :عيشي حياتج وبعدي عن الشر وفرفشي واضحكي واكشخي وكوني علاقات مع رفيجاتج لا تخلينه هو محور حياتج لان الرجل يحب المراه الحيويه واللي لها حياتها الخاصه فيها...

ثانيا: اللي يكون بينه وبين اي وحده ثانيه عطيه طاااااف ولا يهمج لان اللي بينكم انتوا اكثر ( كلم غيرج ... شنو يعني ترا كل الللي يكلمهم بنظره مسويات واطيه ومستحيل يقارنج انتي فيهم )

ثالثا: خلج واثقه من نفسج

رابعا: لا تفتشين من وراه ولو بالغلط شفتي اي دليل خيانه لا تواجهينه فيها ..و خليه يعر انج صدتيه ويذبحه الندم بتشوفينه مو عارف ينام يفكر ليش ما واجهتني

خامسا: انتي خلج برا موضوع الخيانة نهائيا ولا تتدخلين لانه شايفج انتي انسانه نظيفه

لا تخربين ولا تدمرين حياتج ولا تخلين وحد ثانيه تجي تدخل بيتج

اعتذري له فورا وقولي لي احنا الثنين غلطنا بحق بعض ومافي انسان مافيه عيوب وقولي له انا بعتبر اللي احنا مرينا فيه ماضي ما صار ولا راح افكر فيه ويمكن انه خيره لنا احنا الاثنين علشان نعرف جوانب الضعف في علاقتنا ونصححها... وراح اعطيك فرصه ثانيه واوعديه انج ما تجرحينه ولا تفتحين موضوع الخيانه مره ثانيه..... وقولي له كل انسان يستحق فرصه ثانيه وانت ابو عيالي وحبيبي خلني اثبت لك ان حياتنا راح تتغير

وبلييييييييز شلي الشك من راسك طنشي لكل اللي يصير من وراج لانه اللي بقلبه لج انتي وعيالج مو لاحد ثاني...


ودامه حنون وطيب معاج.... لا تخسرينه

ربي يطمن قلبج ويقويج..... وبتشوفين الدنيا راح تعلمج اشياء اكثر

( ابعدي عن الشر يا عمري وغني له )

 

[[ نور عيني ]]

على كثر المشاكل اللي اشوفها
وربي كرهت الزواج
احس اني ماراح اعرف اتعامل مع زوج المستقبل المصووووون ..
حبيبتي اقسم بالله قريت قصتج ما دري ليش حسيت عورني قلبي والله غصتني العبره
مو حلو احساس لما تكونين تبين تعبرررين عن مشاعر ويجي احد يستهزء بالمشاعر
هذي غلطه الرجل الشرقي ما يقدر ولا راح يقدر
الله يعيييييييييييييييييييييييييييين ..

 

[جذابه بنت ذيابه]

مساء الخير حبيبتي


شوفي يالغلا .. نصيحه مني لج تغيري قبل يتغير زياده وزياده باجر ما تشوفين حتى زوله بالبيت


غيري من نفسج حبي نفسج انشغلي عنه ..طوري نفسج غيري شخصيتج واسلوبج و طريقة لبسج
توظفي وانشغلي عنه .. كل 3 ايام اطلعي لرفيجاتج اهلج سوق منتزه

غيري نفسسسج 180 درجه لا تعاتبين لا تحنين لا تصيرين عسره

اضحكي وانسي سوالفه والشك اللي انتي فيه دوم تعوذي من ابليس

 

[معي احلى]

الله يعينك ويعاونك ... ويرد لك مثل قبل واكثر ..

 

[معي احلى]

حبيبتي الله يعينج ويعين كل مرأة زوجها خاين بس حبيبتي انتي لا تشغلين بالج وحطيي ببالج ان هذي مو مشكلة زوجك بروحه ترى معظم الرجال الخليجيين خاينين....






كل العرب سواسيه في هذا الموضوع ... مش بس الخليجيين .. الصدق صدقه .. والحق لازم يقال ..