حياتي انقلبت بعد انجاب حمودي

[قمر 777]

شلونكم يا حلويناليوم بتكلم عن موضوع مهم بالنسبه لنا
بنات انا الحمدالله عندي ولد صغنون عمره شهرين
احس حياني مع زوجي انقلبت فوق حدر
قبل كنا اغلب وقتنا مع بعض فاضين ورومانسيات واحضان ونومنا ع كيفنا
حاليا كل شي تغيراهملت نفسي لان ماعندي وقت كل ما اعملي شي البيبي بكى
تعبت ابي اكشخ ابي هدوء ابي حياتي الاوليه ترجع انام ع كيفي وكل شي ع كيفي طلعات روحات .
البيبي مايخليني انام وكله اكون سهرانه عاه وما انام ومو معطيه زوجي ويه بسبب انشغالي مع البيبي ،الحمام ماقدراطول اخاف البيبي يبكي
متى ترجع حياتي طبيعيه تكفون ساعدوني

 

[سيلينا]

عادي الوضع طبيعي كلنا مرينا في مع البجر ,,

بس هالموضوع وقتي يبيلج وقت لين تضبطين امورج وتعرفين لولدج عدل وتعرفين اشلون ينام وتضبطين نومته
لان بهالعمر ينام المفروض على الاقل ساعتين متواصلين لو كنت مبدله له وشارب مميته عدل
لا تحاتين الوضع طبيعي ووقتي لين تتأقلمين على وضعج الجديد وتعرفين الي يناسبج ويناسب ولدج
بس اهم شي بالنسبه لي لا تعودينه على الشيل .. او الهز تخلينه يكمل المميه عشان يشبع ويسكت مده اطول
ولا تخلين زوجج ولا تصيرين كئيبه او تبينين له ضيقج من الوضع الجديد بالعكس على ضحك ذبحنا هالحمووودي وخليه يمسكه يرضعه ويشيله ودخلي الحمام ولبسي موو اخر العالم وكلنا مرينا بامر من هالوضع وبسرعه عدنا حساباتنا وحاولنا نخلي الوضع الجديد يناسبنا شوفي الي يناسبج ولا تهملين روحج توه وااحد لي اكثر اسم الله عليه سنو تسوين يتناوبون عليج

الله يحفظه ويصلحه يااارب

 

[بودي حبيبي]

الاخت اللي فوقي كفت ووفت
كل شي بقوله سبقتني عليه ...الله يجزاها خير
واهم شي فعلا لاتعودينه على الحضن والشيل
وان شاءالله يتعدل نومه لما يصير اربع اشهر او خمس

 

[Aloe Vera]

البيبي هالعمر ياخذ وايد وقت و اهتمام
بس انتي بشطارتج تظبطين نومته و تنظمين وقتج
المفروض ينام ٥-٦ ساعات متواصلة اذا مرتاح و نظيف و شبعان
و المفروض قبل لا ينام فترة يكون مصحصح و يلعب و يحرك جسمه عشان يتعب و ينام
و احسن شي تخلين نومته معاج و يبيله وقت عشان تضبطين هالشي بس اهو مو مستحيل
و ليش ماتطولين بالحمام؟
عادي اخذي راحتج اذا اهو نايم
او حطيه بكرسي هزاز و خليه معاج بالحمام او يم الحمام و خلي الباب مفتوح
كل مشكله لها حل حبيبتي
و ترتيب الامور يبيله صبر و قراية كتب و مواقع مفيدة و تسالين اللي عندهم خبرة

 

[Bio_reem]

قمر
صدقيني حالتج هي الطبيعية وكلنا مرينا فيها
طلعات وسهرات على كيفج بهالعمر ماتصير، بس اللي يصير انج تكيفين الوضع لمصلحتج
بالنسبة للشكل
الصبح غسلي ويهج وبي بي كرم مسكره وكحله مايبيلها ساعه مجابله المنظره،
ولبسي اللبس ماله دخل الهدوم تاخذ نفس الوقت باللبس

وبالنسبة لمجابل ريلج اكيد فيه لو ساعتين ينامهم بالليل قعدي فيهم معاه وعشان ماتكونين مرهقة خلال النهار اي وقت ينام فيه الولد نامي معاه حتى لو بتكون ساعه ونص ساعتين متقطعه بس يريحون شوي والا انج تواصلين

واتفق مع اللي سبقوني بستلفه الشيل واياني وياج تنومينه يمج حتى لو كبر شوي ترى تتوهقين انا لي الحين اعاني

واذا بخاطرج طلعه مع ريلج اتفقي يوم تودينه لامج طلعوا تعشوا دشوا فلم وبعدين مري اخذيه،،، الحياة ماراح توقف والوضع بيتحسن مع الوقت

 

[حبيبة اهلهاا]

عفوا بس ماله داعي كلمة احضاااان ؟؟

ياليت المشرفه تحذف هالكلمه

و الرسووول صلى الله عليه وسلم حرم نتكلم بهسوالف

 

[الأميرة جوري]

لي صار عمره سنه ينام وايد ويصير اقل ازعاج

 

[دلوعه ززوجي]

والله صارت فيني نفسيه بجررري وكل معصبه وتعبانه وكرهت عمري حتا بنتي كرهتها. بعدين الحمد لله عرفت انظم وقتي وتاقلم مع البيبي الجديد والحمد لله. ترا كله فتره وتعدي

 

[أبكاني ذنبي]

اغلبنا مرينا بهالشي

انا بعد ماحبيت ولدي لانه مخررب نظامي ونومي وراحتي وارتبطت فيه


بس تاقلمت بسرعه ونظمت وقتي وياربي لك الحمد الحين امووري تمام


وكل ماله يكبر ويطول بالنووم وترا البيبي يعطي جو للبيت تلعبون معاه يونسكم


فديتهم والله البيبياات

 

[امـ خــزامـى]

مثلل ماقالوا البنات كلنا مرينا بهالشي


بعد عمر 6 شهووور انبسطي وعيشي حياااتك

لان مايعرف وش السالفه


المشكله بعد السنه والنصف والغيره اللي تسيطر عليه

انا بنتي بالنص تجلس بيننا وماتخليه ولا حتى يسولف معي

وا>ا سولفنا تلف وجه ابوهااا لها وتحظنه وتسولف عليه

ولا تصرررخ تناديه عشان مايسمعني


وطبعا ا>ا جاء الليل اكوون منهد حيلي من ملاحقها ولا لي نفس اسوي شي




هههههههه ادري المفروض اصبرررك واهونها عليك


بس سنة الحياااة

 

[بنت^كآليفورنيآ]

انا كنت ابجي حيييل من هالسالفه

فعلا انقلبت حياتي
والحين ولدي عمره سنة ونص

و انا ضد اللي تييب ورا بعض
الوحده خل تعيشش حياتها

يكبر واحد تحمل بباللي بعده

يعني افضل بين العيال اقل شي 3 سنين


ولدي عمره سنة ونص وانا بغربه تخيلي حدي محتاسه معاه تذكرت اول ما جبته

عالاقل اول عندي خدامة اتفرغ لنفسي و زوجي

الحين بدون خدامة حتى زوجي استاذى مني
الحمدلله هذي نعمه

وماردهم بيكبرون ان شاءالله ونرتاح

 

[شيهانه الهيلا]

ماعندج خدامه مولهدرجه مع اني تو بعدي ماجربت بس لي جا الصبح حطيه عند الخدامه وريحي شوي اذا مايخليج تنامين

 

[حياة ريلي]

عادي كلنا جذي وانصدمنا و بجيييييي اول شهر حسيت اني سويت غلطه استغفر الله
بعدين بديت اعرفلها شوي شوي و تاقلمت و بعد اول كم شهر صار الوضع عااااادي و الحين عمرها سنه ونص امورنا طبيعيه جدا رغم اني حامل بالثامن الحين بس متاكده ان هالمرة بتصير وايد اسهل من اول مره

 

[نور دنياه]

اغلبنا مرينا بهالتجربه وبالنسبه لي ماتحسن وضعي الا بعد ال6 شهور بدت بنتي تنام متواصل الحمدلله وطبعا نسيت الصالون والاعراس الا للضروره القصوى واذا رحت عرس يدوب ساعه واطلع
وبالنسبه لدخله الحمام اذا بتسبحين خلي زوجج يقعد عنده عبال ماتخلصين عادي
ومع الوقت بتتحسن الامور لاتحاتين يبيلها صبر

 

[M!SS.LOBY]

الله يحفظه اذا صار عمره سنه راح يقل الازعاج ويتعدل نومه

 

[قمر 777]

اب اب