حياتي اليديده تعالو شوفولي صرفه

[برنسس ميمي]

قوه بنات
انا الحمدلله تخرجت من الثانوي والحين مقدمه عالكليه
وانشاءالله يقبلوني قولو امين :eh_s(7):
واذا لا بشتغل
يعني بخلط بناس يدد وجذيه
ابي اكون محبوبه واجتماعيه
بس المشكله فيني شخصيتي كل يوم تغير احسها :eh_s(2):
ماينعرف لي يااكون طيبه حيييل او ساكته ماعطي ويه مو كبر والله بس مادري
مابي اعطي ويه وياكلوني ولا انعزل ويكرهوني لاني جربت قبل
كل ماكون طيبه مااكدر اقول لا احسهم يطنشون ومايحطولي قيمه واذا سكت يكرهوني
والله قهر مادري شلون وانا مابي هالشي يتكرر مابي اكون بروحي مكروهه او مالها قيمه في الشغل او ف الكليه ابي يكون لي طبع خاص فيني والحين بعد مشكله اكبر لان هناك راح اختلط ناس ومن الجنسين بعد :krkrkr:
وحتى شكلي اصغر من عمري بوااايد الله يشوفني مايقول بنت مخلصه ثانوي
ويصتصغروني اكثر واتمنى تساعدوني وتلقون لي حيل خواتي :eh_s(10):

 

[•Brown•Sugar•]

الثقه بالنفس اساس كل شي وخلج على طبيعتج لاتتصنعين
والانسان كل يوم له مزاج مره مستانس ومره متضايق شي طبيعي
ماراح تكونين كل يوم سمايل فيس ورايقه

 

[آهآت روح]

هههههههههههههه تصدقين حسيتج تتكلمين عني

بس انه اذا ناس ماعرفهم لازم سمايل مهما كان وضعي متضايقه ولا مستانسه يعني اللي يعرفوني بيتقبلون مني بيعرفون انه متضايقه وجذي بس اللي مايعرفوني لا بقولون شفيها ذي مو عاجبها شي كنت بنزل موضوع بس سبقتيني خل نجوف شردون عليج

انه مع كل هاذي مب اجتماعيه ولا عندي صداقات ابي اعرف شلون اصير اجتماعيه وتصير عندي ع الأقل زمالات

والله حدي خايفه

بالتوفيق لج ولي =)

 

[granted]

خلج على طبيعتج احسن شي
يمكن انتي مزاجيه عادي انا مزاجيه ومشيت بالكليه وصار عندي قروب كامل
بس عاملي كل وحده على حسب شخصيتها
الي طيبه عطيها قلبج والي قشرا وقفيها عند حدها والي استغلاليه علميها انج صايدتها وجذي
الله يوفقج

 

[.. آبيك لي ..]

خلي عندج ثقة بالنفسس
وادخلي مع الناس
صدقيني ترتاحين
وجرأه بالكلآم وجذي

,

والله يوفقج يارب ~

 

[ذوق بريستيجي]

خلك على طبيعتكـ
وواثقه من نفسكـ
ويارب يوفقكـ ان شاء الله

 

[رحــــيــــل]

حبيبتي لاتصرين طيبة حيل لدرجة السذاخة ولا شديدة حيل الناس تنفر منج

خليج وسط وتصرفي بهدوء وعقل وروية

واسمحيلي حبيبتي إنتي شخصيتج كل يوم تغير لأنج معجبة بشخصيات الغير وتحاولين تقلدينهم

نصيحة كوني أنتي ذاتج لاتكونين copy من شخص ثاني

وأكيد شخصيتج فيها صفات حلوة غيرج يتمنى تكون عنده

 

[برنسس ميمي]

فدييتكم بنات
مشكورين ع النصائح بحاول انشاءالله
بس والله مليت من شخصيتي وحابه اغير بتعاملي واصير افضل
اهات روح فديتج انشاءالله وانتي هم حاولي وشوفي نصائح البنات ماقصرو والله يساعدنا

 

[حبي لله اشد]

الثقه بالنفس اهم شي ..
واللي تشوفين انه لما عطيتيها ويه تمادت وياج
من رفيجاتج اذا بتتعرفين على يدد
وخري عنها ..!
عشان لا تضرج في وايد غيرها

 

[المجروحههههههه]

اصلا لش الاختلاط عندك في الكويت والله حرام وكمان فتن الحمد الله ان مجتمعنا محافض بنت السعوديه

 

[~.ąvȍƈaȚ.~]

استغفر الله اللحين منو ياب طاري الكويت و السعودية !!!


ويييييييع ناس ما منهم فايده و لا عايده يحبون المشاكل و بس !!!

و ماله داعي المقارنة السخيفه لأن الحمدلله عارفين ديننا و عندنا عاداتنا و تقاليدنا المحافظة يا أخت


صاحبة الموضوع

حاولي تكونين على طبيعتج اكثر شي

و مثل ما يقول المثل لا تكن قاسيا فتكسر و لا لينا فتعصر



والله يوفقج يارب

 

[روائع الجوري]

ما ادري قلبي اقري تثقفي الكتاب احلى صديق ما ادري شقول بس الثقافه والاطلاع ينمي شخصيتج ما اقدر اقول صيري ثقيله خفيفه رشيقهسريعه وانتي ما تقدرين تلبسين الصفات لو بكتبها بس حاولي تكبرين و تنضجين بحب الاطلاع والتعلم جذي يعني والابتسامه صدقه لا تنسين

 

[مفعمه بالحيويه]

ابتسمي الابتسامه مهمه بس بدون خجل ولا تستحييين
يعني ابتساامه بـ ثقه.

مادري ليييييييش البنت الخجوله يحسبون ان مالها شخصيه !!! ويهمشونها ؟؟@@

 

[مشآعل مطير]

آهم شي خليك ع طبيعتك
يعني تعآملي مع النآس بشخصيتك آنتي
وخليك وآثقه من نفسسك وقبلهآ من الله
صصدقيني اللي يحط ربي بين عيوونه يتوفق وتتسهل آموره

 

[برنسس ميمي]

مشكوورين بنات

 

[محتارة وبصيح]

نفس مشلكتي

 

[pasion]

حبيبتى انتى الحين فى مرحلة حلوة فى عمرج​

لا تركزين على الناس ركزى على نفسج وتصرفى بطبيعتج​

لا تحسبين الف حساب قبل اى تصرف وتفكرين شلون راح يفكرون الى حوالينج​

لأنج بتضيعين جذى ومهما سويتى ماراح ترضين كل الناس ​

تصرفى فى كل موقف بلى يقوله لج عقلج انه صح عشان تصيرلج ​

شخصية مستقلة والانسان يتعلم من اخطاءه مافيها شى اذا حسيتى ​

انج ما تصرفتى صح فى موقف معين مو نهاية العالم وتعاملى مع الناس ​

بشخصيتج انتى مو شخصيتهم ..فى مواقف انتى تحسين انج تكونين طيبة ​

لأن الى جدامج يستاهلون مو لأنج خايفة منهم ..وفى مواقف لازم تكونين​

قوية لأن الى جدامج موكفو يعنى الحياة تبى جذى وجذى لا تصيرين​

طيبة على طول ولا قوية على طول ​

وانشالله فى الفترة الياية راح تختلطين فى الناس وشوى شوى​

راح تحسين ان شخصيتج صارت احسن من قبل ​

بس أهم شى انج ماتخافين وتختلطين مع الناس وماتنعزلين عنهم ​

جذى تاخذين خبرة فى التعامل مع الناس وتنضج شخصيتج ويتطور تفكيرج​

 

[أغداً القاك]

حبيبتي انتي تقولين توج متخرجة من الثانوية يعني صغننة
وطبيعي تكونين مزاجية بس لما تشتغلين او تدشين الجامعة بتغير شخصيتج وتتبلور
لا تضيجين خلقج من الحين وتحاتين الناس
شي طبيعي بتعرفين على ناس وتنصدمين فيهم والا شلون بتصير عندج خبرة في الناس
الحياة تجارب بس حاولي قدر الامكان تكون علاقتج بالناس رسمية
ليما تبين الشخصية الي جدامج عدل تالي ترافجينها
وعيشي حياتج ولازم اطوفين وايد تصرفات من الناس عشان ماتنغثين
وموفقة بحياتج حبوبة​

 

[r0007]

انا قاعده مع عيم بالشغل والعيم مايعرفون السنع والاخلاق
فعلى بالهم انا ساذجه او عندي اعاقه عقليه يعني عقلي صغير مو على سني
مادروا انا ادري بكل شي وساكته طيبة فيني ادري اني طيبه وبزياااده بس مو ساذجه