حوسه بكل مكان؟ماتدرين شلون تخزين؟تعالي عندي حل- موضوع متجدد

[Dancing^Queen]

:تخيلي

يوم ما

مزاجج عال العال وانتي اخر تمام

راده البيت والصدر منشرح:eh_s(7):

تدشين وشتشوفين؟:eh_s(12):

ويح قلبي حوسه حوسه حوسه بكل مكان

اغراض مكسده شي فوق شي اليهال اغراضهم منثره :eh_s(4):

تعصبين تنادين الخدامه تقولين لها شيلي الاغراض رتبي سويي

تقولج مدام وين اويدهم مافي مكان؟
:eh_s(4)::eh_s(4):


الكبتات متروسه

الخزانات بتنفجر:eh_s(16): هدوم الشتا وين يروحون ياربي؟

عيزتي وانتي ترحلين حق بيت اهلج لين متا؟ ماصارت !!!!


جناطج الغاليه محيوسه شي فوق شي لي بغيتي شغله تنسد نفسج من الحوسه

الاكسسوارت مشبكه ابعض والغالي علي الرخيص هم لايضيق خلقج قلنا وسعي باااااااااااااااااالج عندي حححححححححححححححلللللللللللللللللللل

حل الصيف ذهب الشتاء يالله شيلي الملابس ياشاطره ، ظفي الكنابل بعد الغسيل والمصبفه ويرحححححححححححل ولكن! الي اين؟:eh_s(16):

وي شفيج صدرج ضيق قلنا عندييييي حللللللللللللللل تابعونا :eh_s(20):

 

[Dancing^Queen]

احم احم

اول شي

التخزييييييييييييييييييين

بتخزنين كفرات - كنابل ملابس شتويه ماراح تستخدمينهم قريب

الحل اهني بهالمنتج

هذا تاخذينه من دايسو بدينار (عند هوم ار اس اوسوق السالميه)

تاخذين الكفرات والكنابل وتحطينهم داخل عقب ماتصفطينهم عدل عدل

وتطبقينهم (اختاري الحجم المناسب ساليهم ترا يساعدونج)

وبعدين اتبعي المعلومات

انزين شنو بيصير؟

شوفو الصوره

يقلل الحجم لين الثلث

وجربته وااااايد استفدت منه صج صج صج مفيد وطريقه استخدامه سهله جدا

تابعونا لمزيد من الصور يا الربع

 

[New Mum]

حركات كوكو
كيب جوينج
متابعينج عن كثب

 

[Dancing^Queen]

شوفو معاي صور

قبل وبعد

 

[بتبوتااا]

واااااااااااااااااااااااو
روووووعه تصدقين مشكووره حبيبتي على الافاده

 

[Dancing^Queen]

اغين الخطوات ياحلوين ترا بروح انام قمت اطق روس مواصله

اولا صفطي الغريضات (طبقيهم /طبقيهم فوق بعض/ fold)وليس كوديهم او حشريهم

(عسا مبين الباديكير؟)

ثانيا سكري الكيس جيدا عزيزتي <<<مايبلها شرح مهي فيزيا

وزززززززززززززززززز وانتهي الموضوع ولكن يراعى ترك النهايه مفتوحه لخيال

المشاهدين ولتوقعاتهم يعني لاتسكرينه لين النهايه كلش كلش خلي شوي مو مسكر

بالطرف بحيث ان يكون كافي ان بايب المكنسه اعزكم الله يدش

ششفتو الشاطره شسوت؟؟؟


ثالثا احضري المكنسه (ماعندج؟ مومشكلتي تصرفي دقي علي امج تطرش السايق
الحين الحين طقي الباب علي بيت ييرانكم قعديهم من النوم اخذي مكنستهم جبعي عباتج وروحي الوزان يوريكيا الغااااااااااااانم يبي مكنسه وتعالي رجاءا استعدو مقدما تراني عصبيه ماحب احد ايي مومحضر الدرس عدل كله خصم من درجاتكم تالي)<<<<البنت قامت تخربط رسميا احسنلي اروح اناااااااااااااام

وحطي المكنسه بالطرف اللي خليناه مبطل مساعه وشغليها كما في الصوره
الصوره

اما الااااااااااااااااااااااااااااان سحر بحر خلو

العيووووووووزه تنتحرررررررررر

شوفو شنو صار

واهني شنو كان وشنو صار

ودمتم سالمين

انتظرونا باجر عاد دخت الصراحه

ويعطيني العافيه ويزاني الله خير وادعولي اضعف علي صحه وعافيه وبناتي يعقلون ويطيبون وريلي يحبني يموت علي ويزيد معاشي (بعد شتبين تطيح عليج ثروه من السماء؟؟)

مع السلامه :eh_s(8):

 

[rettah]

روعه الموضوع وخاصه التعليق ... مشكوووره

 

[لوكريسيا]

كوين --> خوش اختراع بروح أشتريه ... و روحي نامي و ان شاء الله تضعفين بالصحة و العافية .. و ان شاء الله يطيبون عيالج و ما تشوفون شر و انشالله ريليج يحبج أكثر و أكثر .. و ان شاء الله يزيد معاشج و تسلفيناااا

 

[رفرف]

وااااااااااااو كوييييييييييييين عجييييييييييييييب عجيييييييييييييييييييب أبي
هلمووووو الى سوق السالمية لا تخلصونه يا بنات عيب عليكم ...

نفوش ..
شرايج بالموضوع ؟ (لأنها بتذبحني ان قلتلها بروح سوق السالمية)

 

[هوى الدار]

خوش فكره خاصه للكنابل والبطانيات
يسلمووووووووو

 

[3so0ola]

عيزتي وانتي ترحلين حق بيت اهلج لين متا؟ ماصارت !!!!




لووووووووووووووووووووول محد مبتلش فينا كثر اهلنا


الفكرة واااااااااااااايد حلوة واحس الكفرات مفقوصة مافي اكسجيييييييين


بالتوفيق حبوبة

 

[زلابيا]

عجيييييييييييبه الفكره ..

يعطيج العافيه على الفايده

عسى الله يخليلج بنوتاتج ويشفيهم ويخليلج ابو عيالج ويحبج اكثر اكثر وتضعفين ويزيد معاشج وتقعدين من النوم وتلقين بحسابج 5000 دينار خخخخخخخخخخخخ

 

[ريمـي22]

فكرة حلووووووووووووووووووة تسلمين حبيبتي ...

 

[ღ•»الًـجٌـوِرٌيّ«•ღ]

خووووووش شي

تسلميين خيتووووو

 

[شذورالذهب]

مشكـــــووووووووره

 

[نور النت]

وااااااااااااااااااو روعه الموضوع يزاج الله خير يا كوين وما قصرتي
انزين هالجياس نقدر نستعملهم اكثر من مره ولا ينشقون ؟ لاني ادري بصفط الكنابل وريلي بيخليني ارد ابطلهم يموووت بالتلحف والتلفلف بالكنبل جنه شايب ومشكوره كوين على الموضوع الروعه

 

[العـذوب]

والله يا غناتي خبري بها الاختراع من التسعينات كانوا يبيعونه من منتجات انتروود


بس أول مرة أدري انه في دايسو مع إني فريت كمن مرة أدوره بأسواق الصينين


من بااااجر أنا عندهم

 

[ك و ي ت ي ه]

مشكككككوووووره

 

[سويتي الحلوه]

فكرررررررررره حلوه


مشكوره

 

[أحب ترابها]

انا شاريته من سوق شعبي بس للحين ماجربته ...شجعتيني اروح ادوره واستخدمه للديباج...وتري سعره تقريبا دينارين ونصف