حوامل - وين مكان لجان المجلس الطبي ؟

[ام عفراء]

السلام عليكم و رحمة الله وبركاته

الله يعافيكم بغيت اسأل الحين لما يحطون لي المجلس الطبي موعد للجنة

يوم الموعد وين اروح ؟؟ يعني وين مكان اللجنة ؟؟

وشنو يحتاج اخذ معاي ؟؟

 

[أم الهواشم]

وعليكم السلام
اختي على حسب منطقتج والتابعه لاي مستشفى عندج الصباح او الفروانيه او العدان
تاخذين معاج صورة البطاقه المدنيه تاخذين تقريرج الطبي من الدكتور اللي تراجعين عنده عن حالتج

 

[ام عفراء]

مشكورة ام الهواشم

بس انا قصذي لجان الصباح وين مكانها

 

[أم الهواشم]

في مستشفى غنيمه الغانم للامراض الوراثيه قريب من مستشفى اطفال الخدج

 

[Q8_QT]

في مركزغنيمة الغانم ورا طفل الانبوب علي طول الدور الثالث وتاخذين معاج كل شي عن حالتج يعني اشعة مثلا وسونار وتقرير الطبيب وبطاقتج المدنية

 

[ريتال2010]

بنات
مبني اللجان الطبيه
قدام معهد التمريض وجنب العلاج بالخارج
وورا مستشفي الصباح للباطنيه
خلي علي يمينج مستشفي الصباح جراحه ويسارج
الباطنيه كملي سيدة تلقينه علي يمينج
بس

اما شنو مركز غنيمه والدور الثالث لايوبا
دايما اسوي مجلسي اهناك
عقب اروح المستشفي التابعه له

انشاء الله افدتج

 

[حلآآآتي غير]

اب لعيونج

 

[أم معاذ الكندري]

حبيبتي غيرو مكان المجلس الطبي


نفس مالبنات قالو حق الأخت مركز غنيمه الغانم مبني بجانب أطفال الأنابيب خلف مبني الصباح الولاده من بعد باب الزيارة
حبيبتي تاخذين معاج بطاقتج المدنية الاصليه وآخر سونار ويفضل قبلها تسوين السونار من أسبوع لي أسبوعين وطبعا تقاريرج واهم راح يسلمونج التقرير اليديد وإذا عندج أشعه وراح يأخذون منج دينارين وطبعا خلي ريلج معاج يمكن تحتاجين أوراق ثانيه ويفضل تروحين مجبر عشان تاخذين رقم مجبر يعني إذا رحتي ساعه ٨ رقمج راح يكون فوق الثلاثينات

 

[ام عفراء]

مشكورييين كل اللي ردوا علي

ماقصرتوا


زين الحين الاجازة اللي يقررونها تحسب من تاريخ المقابلة والا من تاريخ استلامي الورقة اللي اهو عقب اسبوع ؟؟
يعني اليوم اللي ورا موعدي اداوم ؟! والا خلاص يعتبر من ضمن الاجازة اللي عطوني اياها ؟

 

[MzOoOn 22]

اب اب فيدونا بليييييييززززز

 

[noufb]

انا موعدي معاهم ١٣/٨الله يستر انا بنص الثامن ومكان اللجنه بمركز غنيمه

 

[أأأميرة الورد]

ااااب

 

[الشيخه فطامي]

البنات ماقصرو