حوامل مشكلتلكم مع الحموضه شلون عالجتوها*ً*ً فيدوني ولكم دعوه بظهر الغيب*

[* Miss Moony*]

السلام عليكم شلونكم كويتيات الله يتمم عليكم حملكم وتقومون بالسلامة مشكلتي الابديه من وانا بنت الحارج ( الحموضه ) بس مع الحمل زاد اصبح لا يطاق يقعدني من عز نومي للي جربت اي شي مفيد له تفيدني وجزاهااا الله خير وللي ما جربت ترفع الموضوع وعسى ربي يبارك لكم في ازواجكم وذرياتكم*

 

[سميره مملوحه]

الله يهون عليج. انا بحمالي الاول ليمون كان يروح الحموضه بس بحمالي الثاني مانفع معااااي ولااااا شي مأسااااااااااه صج صج صج مأساااه بس كنت اخذ ابره من الهادي درييب عندهم يوخر الحموضه والوعه ٥ ايام بس كنت ارتاااااااح كان اهم شي عندي الماي. كنت اشربه وجنه مخلوط وياه ملح بس من خذيت الدرييب ونااااسه اشربه طبيعي. والله يقومج بالسلامه

 

[Eng.Kokoro]

وااااااااي معانااااااااه الله يكوووون بالعوووون

وخرررررت عن اي شي يسوي الحاااارج وأكل لي سوالف تبرد خيار وحليب وروب
وفي دوا حق الحارج بالصيدليه في منه شراب و حبووووب الدكتوره وصفته لي


بس مثل ماقلتلج انا قمت أوخر عن السوالف اللي تييب لي الحارج العجيييين اللي بالفطاااير كان يذبحني وخرت عنه واذا بخاطري اكله اكل منه شوي بفترات


والله يسهل عليج

 

[* Miss Moony*]

تسلمون خواتي ما قصرتوا اب اب كويتيات فيدوني

 

[ł ŏ ł γ . . ✿]

معآنآآآتي آنآ مآيفك عني آلآ لمآ آرررجع

بس يقولون آلخيآر و آلحليب يوخره

و آلله يعين

 

[ناني سيكرتس]

اخذي حبوب جافسكون وايد زيينين ومامنهم ضرر حق الحامل, الطبيب قالي اخذيهم ..
عندج الحليب البارد, شاي الزنجبيل والخيار ...

 

[الحــــــلا كله]

انا امسك دوا الحارج الشراب والله الطه لط جنه بيبسي من الالم ههههه

 

[ورود 2009]

الله يسهل عليك حبيبتي
انا ببنتي شربت حليب البارد ولا نفع كثر الخيار اكلته
والحمدلله

(ابيك تدعين لي بالثبات الحمل:yaaaaaarb>>>>طرارة واتشرط

 

[* Miss Moony*]

مشكورين خواتي ما قصرتوا وجزاكم الله الف خير والله يرزقكم الذريه الصالحه ويثبت حملكم ويسهل عليكم

 

[اخت خالتهم]

عليج بالرووب
و الا بـرد بنك بيري

 

[انا لها شمس]

عليج بالحليب كامل الدسم وباااارد والله علبتين ورا بعضض ينزلونه لج ومفيد

وااااااااايد للبيبي ولعظامج وعظامه والدم و احسن من الحبوب وهالسوالف

وابتعدي عن البهارات الزايده والفلفل

يزيدون الحارج بقوه

 

[مريوم الجميله]

ووأأآأآأآي اللللله يكووون بعونج نفسي بالضبط يقومني من النووم .. والله معاناه..انا بالتاسع وللحين فيني ..عليج بالحليب البارد ..والخيار ترا وحده بوحده ..انا كسرت خاطر امي لما اقوم من النوم عشان اخذ لي حليب او خيار ..راحت للصيدليه وعطوها علج يوخر الحارج وقال لها الصيدلاني ان ماياثر عل الحامل عادي ..العلج هذا نعمه من الله والله وحده بوحده ويهبل حتى طعمه حلو جنه علج اكسترا ..
ماعرف اسمه بس سالي الصيدلاني ويعطيج ..والله يهون عليج وعلي وعل كل حامل ان شاء الله

 

[travel_addicted]

مثل ما قالوا البنات حليب بارد و خيار
أنا يخفف علي شوي بس صراحة ما يريحني الا الترجيع
الحمدالله على كل حال

 

[ياغفور اغفر لي]

وانتي مغمضة حبوب زنيتاك ميه ميه ووحدة بوحدة لا روب ولا خيار ولا حليب
انا شفت الموت من بعد الله ثم هالحبوب الحمدلله رووووووعه نصيحة اختي جربيها


ادعي لي بتيسير ولادتي

 

[يارب يطيب عبود]

ذكرتيني بحملي كنت أعاني منها وبقوه
الزبادي والخيار
وجبن الكيري اكتشفته اخر حملي عجيب يوخر الحرقان



ايه وبعد سمعت ببرنامج التفاح الاخضر هويدا تقول ان الزنجبيل معروف للحوامل زين يوخر الحموضه بس ترا انا ما جربته اول مرا اسمع هالمعلومه بس انتي جربي يمكن تفيدك

وسلامتك

 

[غــ Q8 ــزلان]

الخيار ، الحليب البارد ، دوا ابيض من الصيدلية والاحلى منهم كلهم فوار شريته من مصرر عجييييييييييب سحر

الله يسهل عليج يارب روحي الصيدلية اكيد فيه فوار عندنا بعد وعلى نكهات

 

[إم بــــرٍآك]

سمعت ان الزنجبيل حار ع الحامل .. الحموضه مالها حل متعبتني لادوى ولااكل استغفر الله بس ابتعدي عن المشروبات الغازيه والليمون والاكل الدسم والوجبات السريعه والكوفي والشاي والمنبهات عموما والكافي والله يهون علينا وكثري من الماي حتى لوماتحبينه

 

[*TOTO*]

شراب جافسكون وبسسسس
ما يريحج الا هو هذا رابع حمل لي ومستحيل استغني عنه

الله يهون عليج يارب

 

[احساااااس انثى]

اب اب

 

[بـ سـ كـ وتـ ة]

آنا جربت كل اللي قالوه البنات ما نفعني لأني مثلج الحارج فيني من قبل ما أتزوج

وصار فظيع في الحمل لدرجة كنت أرجع دم وانتي بكرامة

مانفعني غير حبوب مص اسمها سيركولار بس مو موجودة في كل مكان

آنا حصلتها في صيدلية المواساة 40 حبة بدينارين ونص تقريبا علبته صفرا

الصراحة هذا بس اللي نفعني

وقولي ان شالله يصير لج مثلي ... بس ولدت راح مني الحارج الحمدلله يعني رديت أحسن من قبل بعد