حوامل كويتيات عسى الله يقر عينكم بشوفت البيبي .. منوين تجهزون له ؟؟

[معلمه متميزه]

قوه بنات شخباركم

بما اني منزمااااااااااااااااااااااان عن اليهال من ست سنوات والحين حامل بالسادس عسى الله يثبت حملي وحمل كل حامل ويقر عينا بشوفة البيبي ..

قعدت افكر شنو بشتري .. خصوصا ان احنا طريقتنا نبدي نجهز للبيبي اذا دخلنا السابع عشان بالثامن والتاسع نكون ثقال مالنا خلق فرارة السوق وموزين المشي للحامل بهالفترة تؤدي لولادة مبكرة ..وانا مابقى شي وادش السابع ..


فالزبدة .. انتو منوين بتجهزووون وشنو بتجهزووون كلوحده تذكر لستتها من الالف الى الياء .. خنذكر بعض يمكن ناسين سوالف ..والي بتجهز من النت خلتحط مواقعها الحلوه ونستفيد كلنا..


اما بالنسبة للستتي ( بس لا تظحكون علي ) قاعده افكر بالتبانات والبلسواتات والمهادات للياهل وسرير البيبي .. انا افكر ارضع طبيعي في الست شهور الاولى على الاقل اذا الله تمم وسهل وما كان في موانع الله لا يقول فماعتقد احتاج رضعات ولا شرايكم .. وبس مخي وقف شنو في بعد ؟؟

وتسلمون

 

[kanoosha]

الله يتمم ويسهل عليج والله انا ليلحين دخلت السابع صارلي اسبوع وليلحيني ماجهزت ولاااااااا شي ناطره تنزيلات سنتربونيت علي شهر 5 يسون 50%وشغلهم حلو

 

[kanoosha]

الله يتمم ويسهل عليج يارب..والله انا ليلحين ماجهزت ولاااااااااااشي وصارلي اسبوع داخله سابع وخايفه اولد مبجر مادري عندي احساس ومالي خلق اروح اجهز شي.ناطره تنزيلات سنتربوينت يسون 5%بس مادري متي شغلهم حلو وكل شي موجود فرع اللي بالديره

 

[um_yoyo]

انا طول حمالي اجهز ماانطر السابع او الثامن و انحكر بالوقت و الثقل و التعب ومنها بعد اوزع المصرف يعني مااثقل على ميزانيه شهر معين

الحين مذركير تنزيلات اخذي الافرولات و الداخلي و الحوض و ادوات السباحه و اذا تبين عربانه

و سنتر بوينت اسعاره حلوه مايحتاج تنطرين التنزيلات و الزحمه و الكوليكشن الحلو يكون خالص او مو كامل

اشياء اتساعدج على الرضاعه بروي يهبل فيه كل شي من مخده الرضاع لي الشفاط

اذا تبين كيس استقبال انا اخذت من الدسكفري محل شغله ايطالي رووعه

شنط لاغراض البيبي اذا تبين ماركه عندج جوسي كوتيور و بربري اما اذا اقل شوي تك تك بالافنيوز و اذا تبين الرخاص يقولون بالنصار شغله سوري و صيني

التوزيعات الشي الوحيد اخليه لثامن و الافكار وايد اخذي لفه بالمعارض و محلات الكاكاو


وووو بس و اذا تبين اي مساعده قوليلي توني فرش والده و دايره الكويت و النت بعد حق التجهيز

 

[غــلاي غـيـر]

حبيبتي مذركير عندهم تنزيلات الحين مري شوفيه عندهم شغلات حلوه انا شريت من عندهم وتوني بديت بالتجهيز
وعندج العندليب بمجمع النقره عنده شغلات حلوه للاستقبال والمستشفى

 

[امي نور عيني]

حبيبتي بالنسبه حق المميات فأنتي محتاجتهم حتى لو بترضعين طبيعي حق على الاقل مميه حق الماي معروف البيبي وقت الولاده وايد زين اتشربينه ماي ومميه حق الينسوون اذا حاشه مغص او غيره يعني محتاجه للمميات وبالنسبه حق التجهيزات قالوا البنات مذركير وفعلا شغلاته وايد حلووه وعندج سنتر بووينت والبنات ماقصرووا بس حبيت افيددج من ناحية المميات

 

[محبة زوجها]

صراحه الله يتمم عليج وتفرحين بضناج انا جهزت من الرابع اول ماعرفت نوع الجنين من مذركير كان مسويه تصفيه وشغلي كله من سنتربوينت شريت معقمه ومميات ولفات وفوط ومقياس الحراره ومشط افرولات تبانات والله ناسيه بس ناقصني حوض سباحه والاسفنجه عالعموم من السابع خلصت الحمدلله الحين انا اخر الثامن ومهادات من عيد النصاروصندوق اغراض الجاهل من مذركير ب12دينار ينفع

 

[KaiFY Q8ia]

ام يويو

المحل الي بدسكفري

شنو الماركات الي عنده

 

[غرشة عود]

البنات ماقصروا
بس قبل تروحين لسنتر بوينت اخذي لفه عند عيد النصار لان لقيت بسنتر بوينت بطانيه على 9 وبعيد النصار على 5 !!!!

وفيه محل على الشارع الي فيه عيد النصار على ما اظن اسمه اتيكيت عنده ملابس حق النفاس ذربه حيل والي بالنقره بالسرداب انفوي
بس لاتاخذين مقاسات نيو بوي اخذي من 0 الى 3 حق البيبي

 

[كميثره]

الله يسهل علييج ياااارب

البنات كفووو ووفووووو

 

[المكسيكيه]

انا ما ادري متة ازهب بنات

 

[فاقده ابوهاااا]

بالنسبه لي اخذ اغلبيه شغل الياهل من جونيورز والكريمات والممه وهالسوالف من مذركير وبعدين اول الاشهر ما يسوى اخذ شي غالي على بسم الله على الياهل بسرعه يكبر بأول الاشهر يمكن اخذ بس اربع بدل تكون غاليه اذا في احد يالي او بطلع وووي ذكرتيني بالتجهيز عاد انا صج مالي خلق وراح اجهز ان شاء الله امبجر هالمره بس اعرف نوع البيبي وادعولي ربي يرزقني ابنوته

 

[فرفشه منعنشه]

انا ابدي من الرابع القط شغلات وشغلات
وتجهيز استقبالي الكفر بعد لاني انا اصممة مو جاهز وكل شهر اسوي شي لحد ما اوصل السابع اكون شطبت على اغلب شغلي والثامن للتوزيعات والتزيين لغرفة الولاده حق الاستقبال

 

[FuSheYa]

امبيه انا ليلحين ماجهرت ولالالالالالالالالالالا شي

انا الحين تقريبا ببدايه الخامس ( خلصت اسبوع من الخامس ) ماشاءالله بالضبط لول

رحت مذركير ذاك اليوم كان سيل.. دثره وماعجبني شي :/

قلت بنطر لما يخلص وارووح اشري على الاقل الاشياء الضروريه

لاني كلش كلش ماشريت ولا عود

 

[FuSheYa]

على فكره انا بجرر العايله

 

[بخـــارى]

انا ليلحين مو متاكده من جنس البيبي
بجهز المميات شوية ملابس حقي وكل ماتبدا تنزيلات اخذ
وراح اطلب من تاجراتنا ان شاءالله

 

[معلمه متميزه]

واااااااااااي بنات حسستوني اني متاخره وااااايد .. وانا راهيه حدي ما جهزت ولاااااااااااااااااااشي .. خلاص ببدى الفره هاليومين ان شاء الله ..

وبالنسبة للي ردو كلهم يعطيكم الف عافيه ذكرتوني باشياء كنت ناسيتها واستفدت من ردودكم وايد وبانتظار افكار يديده .. مشكووورين حبيباتي ما قصرتو ..

 

[Petite]

يعطيكم العافيه بنات

بالنسبه لي تو الناس على التجهيز

بس ان شاءالله ناويه عقب ما أعرف اذا البيبي بنت او ولد راح أجهز على هالأساس

ويعطيكم العافيه والله يسهل عليكم

 

[ام بروقه]

انا لستت تجهسزاتي الي خلصت منها هذي

تبانات
افاغرولات
امهادات
شيلة الاستقبال
شيله عاديه
سرير طبعا عندي اياه من زمان
وديباجي نفس الشي
مطارات وستكاين وفناجين
شريت الككاو وانا بزينه بالبيت حق لستقبال <<الياهل الثاني مهضوم حقه حتى ستاند ماني مسويتله خخخخخخخ
جنطه حق البيبي


-------
الاشياء الي بشتريها
بجامه قطن حق لستقبال
ودراعه كشخه حق لستقبالمايهم قطن او ستن
حفاظات البيبي
مميات
قطن رضاعه
اولويز
ملابس داخليه على الاقل 12 وقت لنفاس اكره روحي..
صروال طويل عن الهوا شريته ولا شلت علامته بالولاده إلي قبل بس يقولون مهم خخخخخخ
وما ادري بعد شنو

اخليكم شكلي انا اليوم ولاده بطني قاعد ييبس على فترات ثابته

 

[Mednight Rain]

اب اب