حوامل الي مدمنات ببسي يدشون فقـــــط

[أخاف اجرح]

قوه مدمنات شلونكم شخباركم
صراحة انا وحده مدمنة ببسي وكنت قبل الحمال اشرب بس مووايد الحين مااقدر اتحمل اشوفه ومااشرب احس الاكل احلى معاه واحس انه يبرد على ويهضم الاكل ماادري يابنات خايفة من هالشي بس موقادرة اوقفه اذا وقفت يوم يومين ارد اليوم الثاني اعوض وادبل
تكفون بنات منو نفسي جذي وعادي ولدت وماصار في البيبي شي تكفون طمنوني
لاتقولون عوضي بالماي وجذي اشرب ماي عادي بس البيبسي غييييييييير
والمدمنة نفسي راح تفهمني والله

 

[بنت الرحاب]

عاد بيبسي الله يهداج اهو بروحه يسوي هشاشه من غير حمل شلوون حامل بعد انصحج افتكي من شره بكره للجاهل يبي يمص الكالسيووم عندج شيبقي فيج وبعدين كله سكر يضر الجاهل اذاكلش ماتقدرين اخذي بيبسي دايت

 

[Perfume]

حبيبتي انا كنت مثلج
في البداية زوجي منعني وصار اييب بس عصير بس بعدين صرت اتنسى عالبيبسي ومااااقدر ما اشربه
انا ما اشجعج عليه لانه مضر وحاولي تخففين
بس انا كنت وما زلت مدمنة والحمد لله ولدي طبيعي ومافيه الا العافية

 

[*ريمي*]

انا اشربه بس مو كل يوم امسك نفسي قبل ماشربه وايد عادي الحين لا ابي شي بارد غازي يبرد عالجبد فا اشرب

 

[sosowaty]

مو زين ترا اذا مابينت اضرارة الحين تبين باجر ع قولت اختي الي كتبت اهوه بروحه يسوي هشاشه لاعظامج

باجر البيبي يمص من عظامج و الكالسيوم تروووحين فيها

اذا صار عمرج ب ثلاثينات

ديري بالج ووعوضي اي شي بداله

 

[أخاف اجرح]

بنات والله ادري بس مااقدر ادعولي اخففه شوي انا قبل الحمال خففت لان ادري انه مضر بس ماادري شفيني الحين

 

[الحربية ام زيد]

اذكر ببنتي حملي الاخير ادماااااان الشاني والحمد لله مافي الا العافية

 

[الأميرة جوري]

اختي نفسج بس طلع البيبي فيه نقص بالصفايح الدم ديري بالج لاتحسفين بعدين والله يسهل عليج

 

[حرم حبيبي]

عادي انا بحمالتي بولدي اشرب بيبسي بس الحمدلله ماكو الا العافيه

 

[بشوشه]

حبيبتي كل حملاتي اشرب بيبسي نفس الماي و اكثر بعد عااااااادي ماكو الا كل خير

 

[Katkoota85]

لا تشربين بيبسي دايت ديري بالج لانه اخطر من العادي ..
الدايت عاد صج يفرم العظام

 

[Katkoota85]

شربي سفن اب عالاقل اهون ..

 

[زين ودلال]

انا كل حملاتي اشرب بيبسي من اول الحمل لي اخررررره

وبعض المرات ما اشربه كل يوم

بس ماقدر استغني عنه

والحمدلله عيالي مافيهم الا العافيه

 

[sweet 30]

انا بعد اشرب ببسي وايد بس الصراحه تحسفت يوم الخميس ان شاء الله بدش شهري ونسبه دمي وايد نازله والصفايح بعد نازله قاعده اخذ ثلاث حبات حديد باليوم ولافيه فايده قاعده تنزل النسبه موقاعدة تصعد الحين صارلي جم يوم موقفه ببسي وان شاء الله ترتفع النسبه يارب فنصيحه وخري عن الببسي والله يضرج

 

[ديانا سبنسر]

زوجة اخوي ادمان بيبسي صار معاها سكري حمل

 

[~Rou7~]

انا اشرب بيبيسي دايم بس مدري الله يستر

 

[روح الأحزان]

حبيبتي حاول توخرين عنه لان موزين حقج ولاحق البيبي

 

[3 العراقية]

انا ثلاث حمالات وما وقفت ببسي حتى بلريوك مرات اشرب ببسي والله وعادي عيالي بخير والحمد لله وهو صح بيه اضرار بس على كولتج ادمان منكدر عيني اشربي عادي وخليها على الله انا ما اتحمل ابلع لكمه اذا مو الببسي كدامها ههههههههه

 

[bnt eldera]

انا بعد ادمان وسالت الدكتوره اذا يضر البيبي قالت ما يضره بس يضر الام وهذا اهم شي عندي ان البيبي ما ينضر لان بصراحه ما اقدر من غير البيبسي احس الاكل ما ينزل
بس حبيبتي ديري بالج من الدايت كلللللش مو زين مره سمعت بالراديو ان المواد اللي يحطونها بالدايت البديله عن السكر تاثر على مخ البيبي اسم الله على بيبيج الله يحفظه

 

[بنت الجهراا]

الله يستر​