حوامل ابي تجاربكم لتفادي سمار الجسم بالحمل والرقبه بالذات

[جوجو بلاس]

كيفكم ياحوامل اتمنى انكم بخييييييييييييير راح اتكلم في الموضوع على طول ابغى كل وحده تخش تقول سمررت او لا وكيف اعتنت ببشرتها في فتره الحمل وش خذت من فيتامينات وش كانت مشكلتها بالضبط وقدرت تعالجها ولا بتنتظر الولاده لأني انا بكريه ودوبني بالشهر الثاني وحايسه بعمري طلعتلي حبوب في وجهي وخايفه من القاااادم :eh_s(11):

 

[some one waw]

الكلف والسمار غالبا يكون طبيعي فترة الحمل بس اشلون تخففينه

على طول امسحي مسحة خفيفة من زيت اللوز او زيت الزيتون على جسمج وماي الورد للوجه حلو بعد

والله يتمم عليج وتولدين بالسلامة يااارب

 

[أم عزيـز]

اي واللي يعافيكم نبي تجارب ونتيجه مضمونه
بدا جسمي يسمر وبعض الأماكن صار فيها مثل الكلف

فياريت تفيدونا بتجاربكم

 

[$special$]

السلام عليكم
لا تحاولين السمار شي طبيعي لازم يصير بالحمال
انا بلش معاي من اواخر الشهر الخامس وقاعد يغمج كل شهر مع ان بشرتي بيضة ورقبتي فاتحة
صار السمار بمنطقة الرقبة والصدر والابطين وطبعا البشرة شهر تحبب وشهر تنور شزينها وطبعا راح تطلع شوية كلف بالجسم ف ماعتقد في شي يمنع هالاشياء لانه شي طبيعي بس لا تحاتين هذا كله بعد الولادة راح يروح بمده مابين 3 شهور لحد 6 شهور كله يروح:eh_s(17):

 

[ربيع_الروح]

كل السمار والحبوب والكلف شي عااااااااااااااااااااااادي
لا تحاتين ولا تخافين
لأن هذا بسبب تغير هرموناتج مع الحمل
يعني لازم تحطين في بالج حتي شكل جسمج بيتغير وهذا شي طبيعي جدا جدا

بس عقب الولادة شوي شوي راح يخف اللسمار تدريجياً
بس لا تحطين في بالج بين يوم وليله بترجعين مثل قبل
انتي كنتي 9 شهور حامل
فراح تحتاجين 6 شهور على الأقل لحد ما ترجعين نفس أول
بس لازم تهتمين بنفسج مثل المشي على نظام غذائي زين
وكريمات العناية بالبشرة والتقشير
شوي شوي كل شي يرجع