حنيت وفي خاطري بيبي احمل واتوكل عالله ولا اأجل

[qazlaan]

حبيباتي انا متزوجه وعندي بنت وولد الله يخليهم لي بنتي ٣ سنين وولدي سنة وتقريبا ٧ شهور وهالفترة حنيت للبيبي صغير وانا كنت اأجل حمل الين يكبر ولدي اشوي والحين في خاطري بيبي بس المشكلة الي تحيرني اشوي انا بنتي راح تبدأ الروضة شهر يناير ويبيله احد يوديها ويجيبها من المدرسة مشي لانه المدرسة مو بعيده عني وانا هالفترة عايشه بالغربة وما عندي احد يسعدني وخايفة اتعب بالحمل وروحة المدرسة ومعاي ولدي بعد بيبي ثاني في بطني وثقل الحمل .اش رأيكم شنو تنصحوني عفية احترت

 

[اخت خالتهم]

انـا احس تو النـاس ..
اسم الله عليه ولدج صغيـر
وبنتج بتدخل الروضـة انـا اقـول نطري لي العطلة الياية شهر 5 يعني
يكون ولدج كبر شوي وبنتج تعودت على الروضـة
و عطلة تريحين


او نطري ولدج يصير سنتين بالضبط عقب احملي عشان الفرق يصير تقريبا 3 سنين


والله يرزقج يـااارب وكل شي بإيد الله

 

[زين ودلال]

انا بعد رايي تنطرين

لان بصراحه تعببببببب

عالاقل خلي ولدج يكمل سنتين وتوكلي على الله

الله يرزقج بالذريه الصالحه ان شاء الله

 

[قلب راشد]

استخيري

وانا من رايي تحملين حلات اليهال ما بينهم فررق واايد

 

[Koka_alotaibi]

استخيري حبيبتي والله يرزقج باللي تمنين

 

[ماركة انثى]

انا اقول تو الناس راح تتعبين بالوحام وولدج صغير هم راح يتعبج

واول واخر استخيري​

 

[virgo88]

استخيري حبيبتي والله يوفقج يارب

 

[ام عبدالله زوزو]

هو باول كل شي من عند الله منكن انتي تبي تحملي الحين بس تتاخري بحمل حتى لو تبي بس الاحسن انطري تا ابنك يصير اقل شي سنتين الله يخليلك ياهم ويرزقك بالي تتمني يارب

 

[ام الحلوااات]

تـــوكـــلــي عــلــى اللــــه واحــمـــلـــي ومـــن هـــنـــا لــشــهــر يــنــااايـــر تــكــونــي عـــديــتــي شــهــريــن او ثــلاثــه مــن شــهــور الــحــمـــل الاولــى ​

 

[q8helwa]

لاتو الناس خل يكمل سنتين ونص وبعدها احملي

 

[مشتطـه]

جنج انا بخاطري واقوووول اخااااااااااف


يمكن لان نسينا تعب الحمال والولادة والنفاس


بس لما اتذكر كل هذا اهون خخخخخخ عسى الله يزرقني ياااارب بالذرية الصالحه والسليمة


انا ظروفي ماتسممح حاليآ بإرادة الله

 

[رقة ورد]

توعيالك صغار لاحقه خلي ولدك يكبر اشوي

 

[$قطوه$]

توكلي على الله وحملي الله راح يسهلها عليج وراح تمر الايام بسرعه وبعدين انتي مو ضامنه متى اتحملين يمكن تاخذين شهر شهرين ثلاث ما يندرا

توكلي على الله وحملي دامج مشغوله ويا اليهال ما يمنع بيبي ثالث

وسلامتج حبيبتي


ما شاء الله انا حملت على بنتي البجر وهي عمرها 8 شهور والحين ما شاء الله يلعبون ويا بعض ويتطاققون ويا بعض حتى لبسهم نفس الشيء الله يخليهم لي ويعطي كل محروومه

 

[omdoodoo]

انا احس وااايد تو الناس خلي عيالج كيبرون ويصير عمر ولدج ثلاث سنين

 

[عسل حدي]

استخيري حبي

 

[english muffin]

عيالج محتاجين لج خاصة وانتي بغربة
اذا حملتي وتعبتي من لهم هالمساكين

 

[الغشمريـــه]

اذا بخاطرج تـوكلي على الله

وربي سبحـانه بيعينج واذا انت حابه الحمال بتتغلبين على تعبـه

 

[ايمانو حلوة]

تو الناس صغار والرباة عذاااااااااااااااااااب

 

[احلى ديما]

انا ما أيد توالناس لو انتي بين اهلج عادي بس انتي بغربه تعب عليج حتى ريلج مايبتي طاريه انزين اذا انتي كل يومج حق العيال وين حق ريلج عليج ؟
مادري بس احس توالناس

 

[توتا حمرا]

على حسب وضعج اذا كان عندج خدامة اتساعدج بشغل البيت
وبعد ماايد ان تحملين الحين لان اللي بتحملين فيه الثالث خليه على راحة ارتاحي شوي لين يكمل سنتين