السلام عليكم
بنات بسألكم عن حنة التنعيم للشعر منو جربها واشرايكم فيها
وكثرة الاستخدام تضر الشعر ولا عادي ؟
واذا خذيتوا تأخذون من أي تاجره ؟
قريت رد عضوه بس بصراحه ناسيه اسمها تقول بنت الاحلام تقول حنتها فيها
كتم لسواد الشعر وحنتها خاليه من العفص أما باقي التاجرات للي يبيعون
الحنه حنتهم فيها عفص وهم هذه لسواد الشعر
بحثت بالنت لقيت العفص يسبب تساقط للشعر والكتم يسبب تقصف للشعر
بعد في تاجره قالت لي هالحنه كلها مصدرها واحد بالسعوديه يعني ما في أي وحده
تسويها بايدها وكلهم نفس الشيء
وهـم قريت بالنت إنه ما في حنة أعشاب خاليه من الحديده ومثل ما قريت كتبوا
هذه دمار الشعر اللي اهي الحديده والحديده اهي للي تفرد الشعر
اشرايكــــم يا بنات بهالكلام
أنا احترت لانه كثر هالكلام عن هالحنه وكل وحده برايي وكلام وكل وحده تقول
الاصليه عندي
فيدونـــاااااااا بنـــات
