ما اعرف من وين ابدي !!
بنات انا ساكنه يم بيت حمولتي ،، خالتي خوش وحده وعمي نفس الشي وماشفت منهم الا كل خير
خالتي عندها خادم صار لها تقريبا 4 سنين معلمتها الطباخ وكل شي وحده خداي ومنفسه المهم انا بعد
ماحملت خالتي طلبت خادمتين قالت وحده تظل عندي ووحده اخذيها اذا ولدتي لانه كنت ما احتاجها تيي الصبح تنظف وتمشي بس بعد ما ولدت يبتها عندي بالشقه في غرفه الحمدلله حنونه على بنتي ومريحتني
اكيد فيها عيوب بس يبين الطيب من الخبيث المهم انا اسولف وياها واعاملها وايد زين قبل فتره سالتني
مدام اذا خادم حملت شنو يسون فيها ؟ انا خفت عبالي اهي او شي قتلها ليش ؟ قالت لا بس اسال رفيجتي
قالت لي اسال ! قتلها تكلمي جان تقعد تبجي وتقولي سوالف عن خادم خالتي القديمه
عندها علاقات مع رجال اذا تروح اجازه مره بالشهر و كل الخدم يخافون منها لانه مثل ماقتلكم تشوفينها تقولين خداي بس اهي دااااااهيه وتقول كلمت مدام بس ماصدقتني وهذي تستانس انه محد يصدق وسفرت 3 خدم من قبل كانت تبوق من خالتي وتخش بكبتاتهم لما يتفتشون يبين انه اهما الي بايقين
تحط وصخ بالاكل اتفل عزكم الله او تخلط بيدها ! شلون عرفت قتلها شفتياها قالت اي شفتها مره واهي بنفسها تقول كل الخدم خدم بيت بابا العود يد ريلي يعرفون خدم بيت خاله ريلي يعرفون ! اهي تمشي وتتكلم
والحين ياين يقولون انها حامل (مع العلم خالتي تقول من يات هذي عندج وخادمتي مستخفه) وخادمتي تقول انه اهيا محتره ليش انا يت هني مافي شغل وايد وكانت اهي تبي تيي مكانها !
(مره على غشمره وانا حامل قالت لها خالتي تروحين عندها اذا ولدت ؟ قالت اي) وصدقت !!
بنات ووووووووايد اشياء بحاول اختصرها
المهم قتلها انا لازم اقول حق خالتي انها حامل قالت لا مدام لاتقولين اذا اهي حامل راح يبين هالشي ماينخش المهم انا سكت قلت لا بقول حق خالتي مر يوم يومين كل ما اقول بقولها ما الاقي وقت مناسب
لين مانسيت وبعدين اشوفها الحامل يبين مرت 4 شهور ماكو شي المهم طلع كله خطه منها عشان تقولي وانا اقول حق خالتي ويفحصونها وتطلع مالتي اهي بالشينه وتطلع كلام
قبل رمضان زوجي كان بالصاله في بيتهم جان تيه خادمه خالتي والا تقوله ترا مالتكم اشوفها برا عند الباب مع واحد راعي تاكسي قالها جب يالله قلبي ويهج هذا مندوب ! كانت تبي تزلغ وايرات على قولت ريلي هههه المهم جعمها بعدها باسبوع انا نايمه وبنتي معاي ومفتاح الشقه معاي والشقه اذا طلعتي ماتقدرين تدخلين مره ثانيه يقفل بروحه .. الضحى الا خالتي داقه يمج احد قتلها لا امري ؟ الا تقول ترا ليزا (خادمتها) شايفه خادمتج ويا بنقالي تقول رفيجها تعرفه فالستي برا الساعه 8 وبنتج معاها ! قتلها خالتي تونا قاعدين ! وبنتي وياي كاهي توها فاتحه عينها جان تقول بروح اسالها بشوف شتقول قالت لها انتي متاكده ؟ جان تقوووول اي اي متاكده الا تقولها ليش تجذبين اهما توهم قاعدين وشخلتها
جان امسك زوجي واقوله السالفه جذي وجذي خادمت خالتي فيها وفيها وانا ما ابي اتدخل انت كلم خالتي على ابو انه انا ما ادري انك قتلها ! جان يروح يقولها وعصبت خالتي قالت لا هذي مالتكم متهاوشه معاها وتبي تطلع سوالف وانا اصلن بعد رمضان بسفرها
بعدها رايحين نتفطر عند حمولتي وتشوف مالتي وتقولها ترا انا جذبت اليوم اول جذبه وبنشوف اذا معزبتج بتنفعج ! جان مالتي تيي تبجي وصارت الصكه وزفينا مالت خالتي
وخلص رمضان وننطر خالتي تسفرها ننطر ماكو لا ولا شي وترا خالتي تشتغل ومعلمه هذي الطباخ ففيها نوع من الكسل تيب وحده وترد تعلمها ونفس الوقت مو مصدقه انها تحط وصخ !
قبل اسبوع يمكن كنت مع بنت خاله ريلي نسولف عن الخدم جان تقول ماتدرين شصار ترا خادمتي يايتني تشتكي من ليزا وقالت لي انها تتفل بالاكل وقلت حق خالتي جان ماصدقتني ! تقول متهاوشين ويطلعون اشاعات !!
المشكله الحين قضبنا الخدم وسالناهم جان يقولون مو بس تتفل ! حتى تكرمون دم الدوره تحطه بشاي الاحمر ! اظافر تحط تحككهم وتحط وكل الخدددددددددددددددددددددددددددم يكرهونها مو معقوله كلهم يجذبون الا اهيا !! والمشكله عندي حماتي صغيره 13 سنه وايد حساسه وتحب الخدم ومن النوع الي يكسرون خاطرها وتحب هذي لانه من زمان عندكم وكل شي تقوله لها ! تقول اي لانه من صغرها وانا احط شغلات باكلها عشان تحبني
بنات راسي بينفجر بنات خالت ريلي يقولون مافي حل الا نكلم عمي ابو ريلي ونخاف خالتي تزعل !
حتى امهم تقول ما راح اكلم اختي لانه ادري مو مقتنعه عندها كل الخدم يجذبون الا هذي الصح !
واحس راسي بينفجررررررررر كلمه ريلي اهو بعد مدقور لانه خالتي شوي عصبت وماصدقته
قولوا لي شنو اسوي يعني معقوله هذا الي تسويه سحر ولا بس وصاخه ؟
هذا غير البلاوي ترا الي ماكتبتها
