امس سمعت هالسالفه من حماتي
امس بالجمعه عند بيت خالتي سمعت هالسالفه من حماتي وانصدمت وطول الليل وانا افكر فيها :eh_s(11):ماابي اطول عليكم
هذي سالفة اخت زوج حماتي صارت يوم الاثنين
تقول ان اهل زوج حماتها مايحبونها مع ان البنت محترمه وكافيه خيرها شرها معاهم وعلاقتها رسميه معاهم توها ماصار لها سنه متزوجه
وعلاقتها مع زوجها زينه ومابينهم مشاكل
يوم السبت وصلتها دعوة عرس من بيت خالت زوجها تعزمها على عرس بنتها
والبنت ماكانت بتروح للعرس لانه مافي علاقه بينها وبين بيت خالة زوجها
تقول دقت عليها حماتها الكبيره وسألت اذا بتروح العرس ؟؟؟؟؟؟؟
ردت عليها لا مشغووله وومافي وقت تروح وتشتري بدله تقول انصدمت من رد فعل حماتها شلون ماتروحين
لازمتروحين بعدين خالتي راح تزعل والناس بتسالنا وين جنتكم؟؟؟؟ شنو تبين الناس تتكلم علينا وتقول في مشاكل بينا
المهم البنت استحت وقالت خلاص بشوف ضروفي وبقول حق ريلي
جان تقول لا لا لا لاتقولين لسعود احسن شي اتفاجئنه انج رحت العرس معانا
المهم البنت قالت حق امها وخواتها انها ماتبي تروح العرس وحاسه ان بيصير شي وماتبي تتمشكل مع حمواتها قدام الناس
اختها اقنعتها ان تروح وتكشخ وتوريهم انها اكشخ منهم وترز نفسها وتوجب خالت ريلها
المهم راح واشترت بدله كشخه وقبل العرس بليله قالت لريلها انها بتنام عند اهلها عشان امها تعبانه(كان قصدها بتفاجئه بكشختها لان هذا اول عرس بعد عرسهم بيشوفها لابسه بدلة عرس وحاطه مكياج بالصالون ومسويه تسريحه)هذا اللي كانت تفكر فيه ليمن وافقة تروح العرس
تقول يوم العرس ليمن اقعدت لقت مكالمات لم يرد عليه 45مكالمه من حماتها الكبيره
تخرعت عبالها فيهم شي دقت عليها وكانت قاعده مع امها تقول اول ماردت عليها حماتها انتي وينج لايكون ماتبين تحضرين العرس جان ترد عليه البنت واهيا تضحك اخاف انا العروس وعرسكم بيخترب اذا ماحضرت
ردت عليها حماتها( لا وانتي الصاج انتي نجمت العرس)
وسألتها في احد بيجي معاج العرس خلي خواتج وامج يجون العرس يستانسون
المهم عقب ما ارجعت من الصالون ولبست واكشخت راحت العرس مع خواتها الثنتين وامها
يقولون من دخلو العرس شافوا حموات اختهم يهلون فيهم ويرحبون وحتى ام العروس استانست ان ام البنت احضرت
وقعدوهم عالقنفات اللي جدام
وحموات حماتي يقولون وقفت بنتهم مع حمواتها تجاملهم جدام الناس (والناس يطالعونها ومنصدمين)
يقولون حموات حماتي(عبالنا ان الناس معجبين بكشخت اختنا وقاعدين يخزونها وامي تقولنا اقروا عليه عشان ماتصيبها عين)
يقولون دخلت العروس شحلاتها وكل تتبيسم ومستانسه وراحت بنتهم تسلم وتبارك لها
يقولون قبل يدخل المعرس الدي جي قال هالاغنيه اهداء لنجمت العرس ساره(اللي اهيا حمات حماتي)
وحطولها اغنية (يايما حبيته) البنت ارقصت عليها واهيا مستانسه وخواتها رقصوا معاها
وبعدين قالوا المعرس بيدخل عشان البنات يتغطون
يقولون الكل تغطا الا حموات اختهم ماتغطوا والعروس ماتغطت
(والله يابنات انا اهني وقف شعر جسمي)
يقولون طفوا الليتات ودخل المعرس يضحك ومستانس يقولون ليمن شفنا المعرس ليمن قرب من عندنا الا امي تنصدم وتقول يالله مشينا وين ساره وكانت ساره موعندهم وخوات ساره خافوا لاتشوف المعرس ويصير فيها شي
وشافوها داخله تمشي ورى المعرس ماشافته وراحت لها اختها تقول امي تعبانه بنطلع جان تقول يالله احسن انا تعبانه
وماابي كشختي تخرب ابي سعود يشوفني الا يسمعون صوت حماتها وراهم تقولها ماراح اخلي هالشي بنفسج وسحبتها من ايدها
جدام الناس رايحه للكوشه وساره تحاول تسحب ايدها لانها عورتها وخواتها يحاولون يفهمون اختهم بس ماكوا فايده
يقولون ليمن وصلت الكوشه وشافت رلها لابس البشت ويضحك مع عروسته وافهمت ان الليله ليلة عرس ريلها متزوج بنت خالته وان حمواتها يبون يحرونها ويصدمونها وانه حماتها حنت عليها تبيها تحضر العرس عشان تشوف ريلها متزوج عليها وتبي تقهرها قدام الناس
يقولون ليمن ريلها شاف اخته واقفه مع زوجته قدامه راح لاخته وصفقها طراق قدام الناس وزوجته واقفه مصدومه قاعده تحاول تفهم
والله يقولون ماتكلمت ولاكلمه طاحت واغمى عليها راحت امها وخواتها للكوشه يبون يقعدونه بس البنت ماقعدت يقولون شلناها بروحنا لانه ليمن حاول ريلها يشيلها دزته امها وقالت له ولاتفكر تجي صوبها
والحين البنت بالعنايه داخله غيبوبه
تقول حماتي ليمن لحقهم ريل البنت للمستشفى بيتطمن عليها تهاوشوا اخوانها معاه واطردوه
الحين البنت تحت رحمت الله وابيكم تدعون لساره عبدالله ان الله يشافيها ويقومها بالسلامه
وحسبي الله ونعم الوكيل
امس بالجمعه عند بيت خالتي سمعت هالسالفه من حماتي وانصدمت وطول الليل وانا افكر فيها :eh_s(11):ماابي اطول عليكم
هذي سالفة اخت زوج حماتي صارت يوم الاثنين
تقول ان اهل زوج حماتها مايحبونها مع ان البنت محترمه وكافيه خيرها شرها معاهم وعلاقتها رسميه معاهم توها ماصار لها سنه متزوجه
وعلاقتها مع زوجها زينه ومابينهم مشاكل
يوم السبت وصلتها دعوة عرس من بيت خالت زوجها تعزمها على عرس بنتها
والبنت ماكانت بتروح للعرس لانه مافي علاقه بينها وبين بيت خالة زوجها
تقول دقت عليها حماتها الكبيره وسألت اذا بتروح العرس ؟؟؟؟؟؟؟
ردت عليها لا مشغووله وومافي وقت تروح وتشتري بدله تقول انصدمت من رد فعل حماتها شلون ماتروحين
لازمتروحين بعدين خالتي راح تزعل والناس بتسالنا وين جنتكم؟؟؟؟ شنو تبين الناس تتكلم علينا وتقول في مشاكل بينا
المهم البنت استحت وقالت خلاص بشوف ضروفي وبقول حق ريلي
جان تقول لا لا لا لاتقولين لسعود احسن شي اتفاجئنه انج رحت العرس معانا
المهم البنت قالت حق امها وخواتها انها ماتبي تروح العرس وحاسه ان بيصير شي وماتبي تتمشكل مع حمواتها قدام الناس
اختها اقنعتها ان تروح وتكشخ وتوريهم انها اكشخ منهم وترز نفسها وتوجب خالت ريلها
المهم راح واشترت بدله كشخه وقبل العرس بليله قالت لريلها انها بتنام عند اهلها عشان امها تعبانه(كان قصدها بتفاجئه بكشختها لان هذا اول عرس بعد عرسهم بيشوفها لابسه بدلة عرس وحاطه مكياج بالصالون ومسويه تسريحه)هذا اللي كانت تفكر فيه ليمن وافقة تروح العرس
تقول يوم العرس ليمن اقعدت لقت مكالمات لم يرد عليه 45مكالمه من حماتها الكبيره
تخرعت عبالها فيهم شي دقت عليها وكانت قاعده مع امها تقول اول ماردت عليها حماتها انتي وينج لايكون ماتبين تحضرين العرس جان ترد عليه البنت واهيا تضحك اخاف انا العروس وعرسكم بيخترب اذا ماحضرت
ردت عليها حماتها( لا وانتي الصاج انتي نجمت العرس)
وسألتها في احد بيجي معاج العرس خلي خواتج وامج يجون العرس يستانسون
المهم عقب ما ارجعت من الصالون ولبست واكشخت راحت العرس مع خواتها الثنتين وامها
يقولون من دخلو العرس شافوا حموات اختهم يهلون فيهم ويرحبون وحتى ام العروس استانست ان ام البنت احضرت
وقعدوهم عالقنفات اللي جدام
وحموات حماتي يقولون وقفت بنتهم مع حمواتها تجاملهم جدام الناس (والناس يطالعونها ومنصدمين)
يقولون حموات حماتي(عبالنا ان الناس معجبين بكشخت اختنا وقاعدين يخزونها وامي تقولنا اقروا عليه عشان ماتصيبها عين)
يقولون دخلت العروس شحلاتها وكل تتبيسم ومستانسه وراحت بنتهم تسلم وتبارك لها
يقولون قبل يدخل المعرس الدي جي قال هالاغنيه اهداء لنجمت العرس ساره(اللي اهيا حمات حماتي)
وحطولها اغنية (يايما حبيته) البنت ارقصت عليها واهيا مستانسه وخواتها رقصوا معاها
وبعدين قالوا المعرس بيدخل عشان البنات يتغطون
يقولون الكل تغطا الا حموات اختهم ماتغطوا والعروس ماتغطت
(والله يابنات انا اهني وقف شعر جسمي)
يقولون طفوا الليتات ودخل المعرس يضحك ومستانس يقولون ليمن شفنا المعرس ليمن قرب من عندنا الا امي تنصدم وتقول يالله مشينا وين ساره وكانت ساره موعندهم وخوات ساره خافوا لاتشوف المعرس ويصير فيها شي
وشافوها داخله تمشي ورى المعرس ماشافته وراحت لها اختها تقول امي تعبانه بنطلع جان تقول يالله احسن انا تعبانه
وماابي كشختي تخرب ابي سعود يشوفني الا يسمعون صوت حماتها وراهم تقولها ماراح اخلي هالشي بنفسج وسحبتها من ايدها
جدام الناس رايحه للكوشه وساره تحاول تسحب ايدها لانها عورتها وخواتها يحاولون يفهمون اختهم بس ماكوا فايده
يقولون ليمن وصلت الكوشه وشافت رلها لابس البشت ويضحك مع عروسته وافهمت ان الليله ليلة عرس ريلها متزوج بنت خالته وان حمواتها يبون يحرونها ويصدمونها وانه حماتها حنت عليها تبيها تحضر العرس عشان تشوف ريلها متزوج عليها وتبي تقهرها قدام الناس
يقولون ليمن ريلها شاف اخته واقفه مع زوجته قدامه راح لاخته وصفقها طراق قدام الناس وزوجته واقفه مصدومه قاعده تحاول تفهم
والله يقولون ماتكلمت ولاكلمه طاحت واغمى عليها راحت امها وخواتها للكوشه يبون يقعدونه بس البنت ماقعدت يقولون شلناها بروحنا لانه ليمن حاول ريلها يشيلها دزته امها وقالت له ولاتفكر تجي صوبها
والحين البنت بالعنايه داخله غيبوبه
تقول حماتي ليمن لحقهم ريل البنت للمستشفى بيتطمن عليها تهاوشوا اخوانها معاه واطردوه
الحين البنت تحت رحمت الله وابيكم تدعون لساره عبدالله ان الله يشافيها ويقومها بالسلامه
وحسبي الله ونعم الوكيل
عمى بعينهم
